Jon 8:20 - Nobonob Baibel

²⁰ Nug nai amuam Kayaknu mettid lag nuhig tomppan keeke oh ele ooppa, men doɗonu kunup guguittak dayaya ippuanattom, amge Nug mauhkkunu haen ii malom amunu, laa Jesus aɗakkun ii heum.

Jon 8:20 ပူးပေါင်းရင်းမြစ်များ

1 Stori 9:26

Od gumak danab waɗele amu, laa ag ahilagnu genab elele doyaknu elele, diig amunu danab waɗele amu, ag Lewi buɗubppan mana mettak danab iitta, ag am od gumak danab laa oh dilag ikki daaglagnu daan, amu ag Kayak laugppan en maknu oo anen anen, amu oo laala ele guman daaglagnu tituanak daappig.

Matyu 26:55

Aria, haen amuppa Jesus Nug danab ameg naɗi amu amelagppa aum. “Da nai tappe nak danab naute daattem amunu ag qep elab, daɗib ele aon, aɗailkkulagnu uɗippig? Haen da deɗ oh Kayaknu mettid lagnu haɗap-ppa danab ah ippunittak madattami, amge ag da ii aɗailppig.

Matyu 27:6

Mana mettak danab okkai ag men doɗo amu aon appig. “Imu amu danab mauhkkunu daden maknu men doɗo. Ɗo daatte amunu, ig Kayaknu mettid lagnu ofa inaknu kunup-ppa ii memata,” aon appig.

Mak 12:41

Jesus nai amu mattiom dimppa amu Nug men doɗo mak aben guguittak dayaya, Nug danab ah kuɗum ag men doɗo kolekta kunup-ppa meegeg anattom. Laala, ag enulag kuɗum ele amu, ag kuɗum meppig.

Mak 12:43

Me amu Jesus Nug nuhikkud ippunittak awak danab onilagppa e doeg, Nug ag amelagppa aum. “Da genab ag amelagppa attem. Ah qab daɗek imu nuhig men doɗo kunup-ppa meum amu, amuam danab laala meppig ele oh eɗadtte.

Luk 20:19

Amu mana mettak danab okkai amu ɗo mehuqak danab ele ag Jesus Nug keeke danab ag dootteb ii dootteb ele ouaqata, ippuanattak nai amu ag eheɗ hak ahilag anidkkulagnu mattiom doona, ag haen amuppanab ahan aɗaglagnu ib madippig, amge ag danab ah dilag baɗappig.

Luk 21:1

Jesus Nug Kayaknu mettid lakka daya, Nug anam awowa, Nug neekka dayeye amu, Nug danab enulag kuɗum ele men doɗo kolekta kunup-ppa meegeg anattom.

Jon 10:39

Jesus Nug anam a, ag nug aɗaglagnu heppig, amge Nug ag qe-aɗattatta ukkom.

Jon 2:4

Nug anam a amu, Jesus Nug amegppa aum. “Anai, imuam i ihinih ohnu keeke iitta, amge da kobol danab hekkunu elele iitta, amu hekkulnu haen iite doum?” awa aum.

Jon 7:14

Ag anam mattiegeg, Jesus Nug hobul gamagppanab Kayaknu mettid lakka noa, danab ah amelagppa digma nai ippuanattom.

Jon 7:30

Jesus Nug anam a, ag Nug aɗaglagnu heppig, amge nuhig haen ii malom amunu, laippu laa nug Jesus ii aɗom.

Jon 7:44

Daana, laala ag Jesus aɗaglagnu heppig, amge laippu laa nug eppeg bahia, Jesus ii aɗom.

Jon 7:8

Ag hobulppa ukkeg! Da geha imu ii gopa. Aɗinu? Am dahil haennab iitta,” awa aum.

Jon 8:2

Jesus Nug Olipnu Qaukoppa ukka dayeye, wakkaɗe buttuanab Nug eɗua uɗia, Kayaknu mettid lag ooppa no, danab ah kuɗum nug gumidna uɗieg, Nug heɗep na daya, nai ippuanattom.

Jon 8:59

Nug anam aum amunu, Juda ag Nug makkuɗkkulagnu men agappig, amge Jesus Nug danab kuɗum oolagppa beɗu lokkumittatta, Kayaknu mettid lakkanu aha ukkom.