Jon 8:17 - Nobonob Baibel

¹⁷ Ahilag ɗoppa amu nai inam yaak daatte. ‘Danab aɗit aa nai diig laippu attep amu, nai ahilah am genab’. Yaak anam niitte.

Jon 8:17 ပူးပေါင်းရင်းမြစ်များ

1 King 21:10

Dayebeb, aria ag danab nau aɗit laa, Nabot daakku, amu guguittak maatppeg daayya, aa Nabot nug Kayak, king ele aa eheɗ laa awaknu anak waappa daaglahnu aum, amu Nabot beɗuppa yaapeɗ, ag doon, dimppa Nabot aon, aab okkai dimittim gona, menppa makkuɗppeg mauhaɗ!” Nug uɗugppa anam yom.

Namba 35:30

Amu laa nug laa doyaya qeeb mauhkku dayeb, hettoɗiakppa aɗi heehe anttomnu mattiak danab ag aɗi anidppig hettoɗiak danab amelagppa appeg, laa nug genab anam heum dayeb amu, ag qe mauhak danab amu qeppeg mauhkku; amge danab aɗit, o iitta ewam, ag nug genab anam heum amelagppa anidppig daakkun daatte. Laippu anttom dayeb, amuam elele iitta.

Matyu 18:16

Amge nug nahip nai ii doyeb amu, na Kayak naippa nai daatte, amubia hekkutnu, na danab laippu, o aɗit ele diiatppe, na ele gona nai mattieg! Kayak naippa nai amunu daatte am inam. ‘Aɗi heehe anttomnu mattiak danab aɗit, o iitta ewam ag danab laa eheɗ heum appeg amu, nai amunu am genab doyeg! Laippuib ab amu, ag genab bia aib dooppig.’

Jon 10:34

Aeg amu Jesus aum. “Ahilag ɗoppa Kayak oɗe inam yaak niitte. ‘Da ami, ag am Kayak ganiappud.’

Jon 15:25

Am ahilag ɗoppa yaak niitte amu elele medatte. Nai amu inam. ‘Ag dahilnu diig iittappa nau ninig ele dooppig.’

2 Korint 13:1

Gemu da haen ewam batak aakku ag gumatte gokkulnu hettem amunu, Kayak naippa nai inam daatte, ag dooglagnu attem. “Danab laa beɗuppa nai yaaglagnu dayeb amu, aɗi heehe anttomnu mattiak danab aɗit o ewam, ag danab laa eheɗ heum appeg amu, nai amunu am genab doyeg! Laippuib ab amu, ag genab bia aib dooppig.” Da goppi, ag ig ele nai laala ib amuppaib bappaidkkunig.

Galesia 3:24

Ɗo nug am gumikkak danab ihinig bia, nug ig omaikka, Kristus toppa wab, ig Nai Ena oonigppa genab doopput, Kayak Nug ihinignu, “Genab tutukku hak danab,” awa akkunu dayom.

Galesia 4:21

Ag Galesia danab, ag eɗun ɗo waappa daaglagnu hetteb ele amu, ag gemu appeg doyei! Ag ɗo nai atte amu ag iitai dootteb?

Duteronomi 17:6

Amge laa aɗi heehe anttomnu mattiak danab laippuib nug aha, “Umu nug eheɗ inam heum,” ab, eheɗ hak amuam ag danab am hette ele qeppeg mauhkkunu daatte amu, ag danab laippuib nug aha anam akku dayeb, ag aib qeppeg mauhom. Laa aɗi heehe anttomnu mattiak danab aɗit, o ewam ag anam laippu akkulag dayeb amu, ag danab amu qeppeg mauhkku.

Duteronomi 19:15

Ag aibnab danab laippuib, laa nug aɗi eheɗ heehe anttomnu mattiak heeb doona, ag nuhig naippaib eheɗ heumtai ele, danab amu eheɗ heum ana ɠagattag qedappig! Aɗi heehe anttomnu mattiak danab aɗit o ewam ag danab laa eheɗ heum appeg amu, nai amunu am genab doyeg! Laippuib ab amu, ag genab bia aib dooppig.

Hibru 10:28

Ig doottem, danab laa nug Mosesnu ɗo tippale, aɗi heehe anttomnu mattiak danab aɗit o danab ewam ag anidna, nug eheɗ heum amunu heeg, miag atie, ag nuhignu oo gai-iitta doya oo metta ehanittak kobol ii dim lamidppig. Iitta! Ag nug qeeg mauhom.

1 Jon 5:9

Ig hettoɗiakppa danab dilag nai am genab doottem, amge Kayaknu nai am danab dilag eɗittaknab. Aɗinu? Kayak Nug amu mattiom. Aria, Nug Jesusnu ippunikkom amunu, ig oonigppa genab doognignu elelenab.

Revelesen 11:3

Anam amu, ⌊da Kayak,⌋ da appi, dahil laa aɗi heehe anttomnu mattiak danab aɗit, aa lamen heɗiag ele takkaya, deɗ 1,260 aa propet nai mehuqkkulah,” awa aum.