Jon 8:12 - Nobonob Baibel

¹² Aria Jesus haen laappa baula danab ah amelagppa nai mattiaya aum. “Da am wanppan amahlak daattem. Aun laa nug da dim lamiɗkku amu, nug gatatuppa ii oima. Iitta. Nug bauklelnu amahlak ele daakku,” awa aum.

Jon 8:12 ပူးပေါင်းရင်းမြစ်များ

Job 33:28

Kayak Nug da qagaiettakppanu eɗua uhuqak ha meɗom, amuppa da mauhpanu uhuqiɗe, da ii mauhmi! Gemu da bau daye, enanag doottem!’ Danab amu nug anam atte.

Sam 18:28

Amu O Yawe, danab nug he, lam eotte, amubia na da atognoiɗe, da bau daattem. Ao, Kayak dahil Nug dahil gatatu he, amahlak daatte.

Sam 49:19

Anam daakkutai, amge diig amunu nug laa oh mauhppig bia iite mauhma? Nug mauhkku. Nug baula aam beeb ii anidma.

Sam 97:11

Nug he, amahlak am genab tutukku hak danab ah dilagppa amahaltte. Nug he, ag maɗoɗppan gamag ahak aotteb.

Aisaia 49:6

Amu gemu Yawe Nug inam atte. “Na dahil maɗi nid daanna, na Israel diippe, ag eɗun, dahilppa uɗiglag, amuam uɗat nakokib. Ao, na huu imu da gumatte, ehanatti ii padal meppig ele diippe, ag eɗun, dahilppa uɗiglag, amuam uɗat nakokib. Anam amu, da na uɗat okkai laa ele hekkutnu, da uɗat amu nahipnu uumi daatte. ‘Da na iitta aɗi, ag gatatuppa daatteb, na ag ele ehanadppe, ag ib anidkkulagnu amahlak madakkutnu otidmi. Ao, na iitta aɗi ehanadppe, ag oolag eɗueb Kayak danab ah wan atu ohppanu amu eɗua diiadkku,’ ” awa atte.

Aisaia 50:10

Danab ah oh oolagppanu aun nug Yawenu ebehi oh bodoetta le mette, nug nuhig maɗi nidnu nai dim lamidtte ele amu, danab amu nug deɗ laa gatatuppa oiyaya, nug amahlak laa ii anidtte dayeb amu, nug Yawenu ooppa genab doyaɗ! Nug Kayakib dim lamittaɗ; laa aib dim lamittom!

Aisaia 9:2

Danab ah ag gatatu naɗi ooppa daan oippig amu, ag amahlak okkai anidkkulag. Ao, danab ah ag gatatu abenppa daan oippig amu, amahlak ahilagppa amahalkku.

Hosea 6:3

Ig Yawenu doyaknu wagai metu! Ao, ig Yawe doognignu wagai metu! Ig anam hekkunig amu, aam nug genab buttua hanhan bette, genab amubia, Yawe Nug uɗia, ig ehanigkku. Ge, gu oug haen iitta metteppa hanhan nette, amubia Nug genab uɗia, ig ehanigkku.” Israel ag anam akkulag.

Malakai 4:2

Amge ag danab ah ag dahilnu ebehilag oh bodoetta le mette amu, Laa onig Genab Tutukku Hak Kobolnu Amahlak Naɗi, Nug haugppa ehanittak daatte amu, Nug ag ehanadkku. Nug anam heeb, ag geha gamalag huanaknab ahakku; makau nag ag ahilag aɗ ooppanu gikkiɗah lakkulagnu dimittim dona, gamag ahakppa oolna tena, oolna netteb bia ag gamalag ahakku.

Matyu 5:14

Ag amu wanppanu amahlak. Aab laa nug qaukoppa daatte amu, nug lokkumak ii daatte; laa lokkumkkunu elele iitta.

Luk 2:32

Nug iitta aɗi ag nahip ib anidkkulagnu, Nug Israel ag binag amahlak oppiaawak ele aoglagnu amahlak daatte,” awa aum.

Jon 12:35

Anam aeg am Jesus Nug aum. “Ag haen nakoknab laa ele amahlak ele daaglag. Haen imuppa ag amahlak ele amunu, gatatu ag tonadmanu ag amahlak ele oiyeg! Laa nug gatatuppa oitte amu nuhig ib ii anidtte.

Jon 12:36

Ag amahlak ele daanna, ag amahlaknu oolagppa genab doyeg! Ag oolagppa genab dooglag amu, ag amahlak bekkod daaglag,” awa aum. Jesus nai amu awowa uuatta, ag amelagnu lokkumom.

Jon 12:46

Amu laa nug dahilnu ooppa genab dootte, nug gatatuppa daamanu da amahlak awen, wan imuppa uɗimi.

Jon 14:6

A amu, Jesus Nug nob ma aum. “Da am ⌊Kayak gumitta ukkaknu⌋ ib. Laa ele amu, da am doyak diig genabibnu diig, amu da bau dayaknu diig ele. Danab nug Kayak gumitta gokkunu amu, daib nug ehanidppi gokkunu elele daattem.

Jon 3:19

Nob nau awaknu hettoɗiak diig am iikku. Amahlak wanppa uɗiom, amge danab ag wanppanu gatatu, ag amunu oolag mauhom; ag amahlaknu oolag ii mauhom. Aɗinu? Ahilag kobol am nau.

Jon 7:17

Am danab laippu laa nug Kayaknu dabmak awaknab dim lamidkku amu, nug nai, da madittem imu, nai amuam Kayak toppanu beum o iitta da dahil dabmakppatai madittem amu nug dookku.

Jon 9:5

Da wan imuppa dayeye, da wanppan danab ah amahlak madattem,” awa aum.

Aposel 13:47

Aɗinu? Naɗi Nug i anam hekkunihnu ɗo inam metom. ‘Da na iitta aɗi, ag gatatuppa daatteb, ag ib anidkkulagnu amahlak madakkutnu otidmi. Ao, na iitta aɗi ehanadppe, ag oolag eɗueb Kayak danab ah wan atu ohppanu amu eɗua diiadkku.’ Naɗi Nug anam aum,” awa aum.

Aposel 26:23

Nai amuam inam. ‘Kayak Nug anukka Kristus Nug guittak doyowa, Nug anuqa eɗua hippaidkku, ib amuppa nug Juda danab, amu iitta aɗi danab ele ehanittak aoglagnu ib ippunadkkunu dabmeum,’ ” awa aum.

2 Pita 2:17

Aria, hambuppuak ippunittak danab amu ag am lenag qaɗaiedappig bia; ag am bud ulah iwalatte gotteb bia ele amunu Kayak Nug aben gatatu teppu naunab ele ahilagnu babaittom daatte.

2 Pita 2:4

Kayak Nug engel hipunin heppig ele amu he, ag iite padal meppig? Yo, Nug geɗatta he, aben eheɗppa noppig. Nug aben gatatu ele amuppa qakkalattom daatteb. Amu ag epeɗiak haen ameg men daatteb.

1 Jon 1:6

Am ig, “Ig Nug ele oonig laippu ele nug dootta daattem,” attem dayeb, amge ig gatatu ooppa oittem amu, ihinig nai amuam hambuppuak; am ig doyak diig genabib ii dim lamidta oittem.

Jut 1:13

Ag am yu duban qa uɗia koɗkoɗ qa ukka, hipaɗ aha hakkab daatte bia daatteb. Yuppan hipaɗ ahak miag atiak daatte, amubia ahilag uɗa nak kobol miag atiak daatte. Ag hoɗoppai habppa daanna, mauhnoak oitteb bia amunu, Kayak Nug aben gatatu teppu naunab babaittom daatte, geha ag amuppa hanhan daaglag.

Jut 1:6

Aria, keeke laa amu, engel laa ag maɗi ahilag Kayak nug ag amu hekkulagnu ehah mattom amu, ag amuppaib daaglagnu oolag ii daye, okkainab daaglagnu dabmena, ahilag dayaknu aben uuppig. Ag uuppig amunu, Kayak Nug haen ohnu qakkalatta, maniguittak gatatu eleppa maattom daan, hettoɗiak deɗ naɗippa epeɗiak aoglagnu ameg metteb.

Revelesen 21:24

Wanppan wan ohppan danab ah ag aab okkai amunu amahlakppa oiglag; amu wanppanu king ag ahilag binag amahalak oppiaawak ele aon nuhigppa uɗiglag.