Jon 7:42 - Nobonob Baibel

⁴² Kayak naippa yaak laa daatte. Nai amuam inam. ‘Kristus nug Dawit buɗubppa Betlehem, anukka amuam Dawit appag diig amu, Nug appa bekku,’ ” aon appig.

Jon 7:42 ပူးပေါင်းရင်းမြစ်များ

1 Stori 2:51

Salma nug aab Betlehem kalom, amu Harep, nug aab Betgader kalom.

Sam 132:11

Dawitnu amu, Yawe Nug keeke laa genabnab hekkunu nai ɠagattag qetta aum. Nug Dawit amegppa aum amu, Nug hekkunu nai ɠagattag qetta anak amu tuqa ii aoma, hanhan daakku. Nug inam iikku aum. “Da heppi, na buɗunppan laa nug nahip sia kingppa daakku.

Sam 89:4

Da nai inam ɠagattag qetten ami. ‘Da geha heppi, na buɗunad oolagppanu laala ag ahilag haen anen anenppa, ag Israel dilag king hanhan bena daaglag. Yo, da Israel danab ah dilag gumak uɗat na, amu na buɗunad ele, da ag eppelagppa hanhan daakkunu ɠagattag qedakkul.’ ” Sila.

Aisaia 11:1

Danab ag ad oeg qiia, dimppa ad amu ita bette, amubia Jesi buɗub ooppanu laa geha ba, nug king daakku. Ao, ad bunaɗom, diɗi ita qa ba meu otte, amubia Jesi buɗub laa dimppa ba, king dayaya, meu okku.

Jeremaia 23:5

Da Yawe, da inam attem. “Haen laa dimppa amu, da geha heppi, danab laa Dawit buɗubppanu bekku; ad diigppa ita bau bette, amubia bekku. Danab amu nug genab tutukku hak danab, amu nug geha king dayaya, nug geha doyak dabmak ena ele dim lamitta, nai doya mala hettoɗia epeɗia elele mettak kobol, kobol genab tutukku ele dim lamitta, nug danab ah gumadkku.

Maika 5:2

Amu Yawe Nug atte. “Amge ag danab ah Betlehem Eprata daatteb, ag Juda wanppan aab ikki laa oh oolagppa aab ikki nakoknab daatteb, amge dimppa laa Nug ag oolagppanu, Nug Israel dilag okkai danab dayaya, gumak uɗat amu ha meɗakkunu bekku. Laa amu hekku, Nug mamekkud huu am tumaiib ii digmeppig; iitta, Nug mamekkud am anukkanab digmeeg uɗie uɗie, gemu ele daatteb. Nug huu amuppa bekku.” Yawe Nug anam atte.

Matyu 1:1

Imuam Jesus Kristus memetappud buɗulkad dilag nai. Jesus Nug am Dawit buɗub, Dawit nug Abraham buɗub.

Matyu 2:5

Awa a amu ag appig. “Kayaknu propet nug amunu nai inam yom. ‘O Betlehem, na Juda wanppan aab laa. Na Juda wanppan aab laa daattem, amu na ele Juda wanppan aab laala onilag ele, na aab amu oolagppa daan, hamu bia ii daattem. Iitta. Na ag oolagppa onin ele daattem. Aɗinu? Nahip-ppa geha danab okkai bekku, amu Nug Israel danab ah dahilad gumadkku.’ Propet nug anam yom amunu, ig doottem, Kristus Nug Betlehem, Juda wanppa bekku,” aon appig.

Luk 2:11

Gemu deɗ imuppa Dawitnu aabppa, am Betlehem amu, appa ah laa nid awom. Nid amu Nug danab dilag Padal ii maknu ehanittak daatte; Nug amu Naɗi, Kristus.

Luk 2:4

Aria, Josep nug Dawit buɗub amunu, nug Galilinu aab Nasaret appanu aha, Juda wanppa Dawit appag diig Betlehem, nug appa ukkom.

Jon 7:27

Amge ig Nug appag diig am doot malamut. Haen Kristus uɗikku am danab laippu laa nug Kristus appag diig ii dooma,” aon appig.

1 Samuel 16:1

Amu Yawe Nug Samuel amegppa aum. “Da hei, Israel dilag king dayaknu ehah am Saul eppegppa, nug baekkudppa eppelagppa ele ii daatte, me na nuhignu haen elab oot doyeye, oot uugnab doottem. Amu haen gane laa ele ukkeb, na kobol amu uukkut? Uuppe! Da danab laa, Jesi, Betlehem daatte, nug bekka, da nug king daakkunu tituanmi amunu, na ad olip meunu goɗen idppa qeppe noob, aon Betlehem Jesi laugppa gona, goɗen amu aon, laa nug king daakku amu, na nug igippa gokkaɗe!” awa aum.

1 Samuel 16:18

Saul nug ag amelagppa anam a, Saulnu maɗi nid laa nug Saul amegppa aum. “Da Betlehem ted Jesi bekka laa anidmi. Nid amu nug harp qaknu, enanag hette. Danab amu nug ooppa ɠagattag doyak ele; nug am banppa ban ena hette ele. Nuhig mattiak am ena; nug iɗu ele am tuqak ele. Laa ele amu, Yawe nug ele daattep,” awa aum.

1 Samuel 16:4

Yawe Nug ib amuppa hekkunu Samuel amegppa a, Samuel nug Yawe aum oɗe bia heum. Nug aha, Betlehem ukke, ikki danab aab amuppan ag nug uɗiom, ag amunu baɗan, nug uɗa tena, ottaina, ag amegppa appig. “Danab okkai, na oot maɗoɗ elete uɗime?” aon appig.

1 Samuel 17:58

Dawit nug Saul gumitta ukke, Saul nug Dawit oɗ mettom. “Nid bau, na am danab aunnab bekka?” Nug anam a, Dawit nug amegppa aum. “Da am nahip maɗi nid Jesi bekka. Nug am Betlehem danab,” awa aum.