Jon 7:36 - Nobonob Baibel

³⁶ Nug, ‘Ag da mattiɗkkulag, amge da ii aniɗmana,’ ana, ‘Aben da gottem ele, amuppa ag gokkulagnu elele iitta,’ awa aum amunu, Nug adeppanab gokkunu aum? Nai amuam diig adekkunab?” aon appig.

Jon 7:36 ပူးပေါင်းရင်းမြစ်များ

Jon 12:34

Nug anam mattie amu danab ah kuɗum nug oɗeppa aon appig. “Ig ɗoppa nai inam doomut. ‘Kristus Nug hanhan daakku!’ Am attemun na Danab Bekkalag ad emaitakppa aihkkulagnu attem? Danab Bekkalag, na nuhignu madittem amu, Nug am aun?” aon appig.

Jon 13:33

O nid naunau dahilad, haen nakoknab da ag ele daagnig, amu dimppa ag da mattiɗkkulag. Da tatam Juda okkai amelagppa ami amu, gemu da ag amelagppa ele iikku attem. Ag aben da gottem ele, amuppa ag gokkulagnu elele iitta.

Jon 3:4

Jesus anam a amu, Nikodemus nug amegppa aum. “Danab nug kaino daatte amu, nug attemun eɗua bau menuak aokku? Nug baula anig ooppa nob, anig nug eɗua menukkunu elelete?” awa aum.

Jon 3:9

Jesus anam a amu, Nikodemus oɗeppa awa aum. “Keeke amu nug attemun anam bekku?” awa aum.

Jon 6:41

Jesus Nug matu, “Da am hab aabppanu bret wanppa uɗimi,” awa aum amunu, Juda ag nuhignu oolagppa elele ii daye, akka akka nai kuɗum madippig.

Jon 6:52

Jesus Nug anam a amu, Juda laala ag akka akka aeg ona aeg do nai mattin, “Attemnab danab imu nukka nuhig teppu ig mekkeb lakkunig?” aon appig.

Jon 6:60

Aria Jesus Nug anam mattie, nuhig ippunittak awak danab kuɗum ag nai mattiom amu doona amu ag appig. “Nai umuam uug elenab; aun nug dookkunu elele?” aon appig.

Jon 7:34

Goppi, ag da mattiɗkkulag, amge da ii aniɗmana. Amu ele aben da gottem ele, amuppa ag gokkulagnu elele iitta,” awa aum.

Jon 8:21

Amu Jesus baula ag amelagppa aum. “Da gokkulnu hettem, amu ag tuɗidna oiglag, amge hipunin ahilag am ag tonatteb mauhkkulag. Aben da gottem ele, amuppa ag gokkulagnu elele iitta,” awa aum.

1 Korint 2:14

Amge danab nug Kayak Ouɗi ii awom ele, nug Kayak Ouɗinu dabmak ii aotte. Aɗinu? Nug dabmak amunu, “Dabmak tutukku iitta,” anam dabmette. Dabmak amunu amu, Kayak Ouɗi Nug danab ehanidkku dayeb, nug dabmak amunu oo maidkku amunu, danab ag Kayak Ouɗi iitta ele, ag am dooglagnu elele iitta.