Jon 7:31 - Nobonob Baibel

³¹ Laala ag aɗaglagnu heppig, amge danab ah kuɗum nuhignu oolagppa genab doona, ag appig. “Danab imu Nug Kayak dabmettaknu kobol danab haknu elele iitta kuɗum hette, amu haen Kristus Nug uɗikku amu, Nug Kayak dabmettaknu kobol danab haknu elele iitta kuɗumnab, danab imu eɗittak hekkute? Iitta,” aon appig.

Jon 7:31 ပူးပေါင်းရင်းမြစ်များ

Matyu 12:23

Danab nug neekka, nai mattieye, danab ah ameg naɗi ag ottaina dabmak kuɗum aona, Jesusnu appig. “Danab imuam Dawit bekkatai,” aon appig.

Luk 8:13

Amu ee aeg men duqe ukkakppa nena qeppig ele, nai amu inam ippunigtte. Danab laa ag nai doon, oolag gamag ahehe, pahanab aotteb, amge ahilag ooppa genab doyak am ɠagattag iitta, haen tutuib daatte amunu, deɗ laa ahilag ooppa genab doyak iitta mekkunu uug laa be, ag paha ahilag ooppa genab doyak paɗatteb.

Jon 11:45

Jesus danab mauhak maɗette amu, Juda kuɗum Maria anidkkulagnu uɗippig ele ag Jesus uɗat amu he anidna, ag nuhignu oolagppa genab dooppig.

Jon 12:42

Aisaia anam antta yom amubia ikki danab kuɗumnab ag oolagppa genab ii dooppig, amge laala kuɗum, ag oolagppa genab dooppig. Ag oolagppa genab dooppig, amge ag ɗo gumak danab-Parasia, amu dilag baɗappig. Ag ag lamadppeg, nai doyak lag dimittim daamnanu baɗana, oolagppa genab doyak amu miag ii atippig.

Jon 2:11

Aria, Jesus Nug amu heum amu, amuppa Nug Kayak dabmettaknu kobol danab haknu elele iitta, kobol amu hekkunu digma heum. Nug Galilinu aab Kana appa anam ha, amuppa Nug Nug binag amahlak oppiaawak ele he miag atie, nuhikkud ippunittak awak danab ag nuhignu oolagppa genab dooppig.

Jon 3:2

danab amu nug tuqan Jesus gumitta uɗia, Nug amegppa aum. “Ippunittak danab, ig doottem, na am ippunittak danab Kayak toppanu uɗime. Aɗinu? Kayak Nug danab laa ii ehanitteb amu, nug Kayak dabmettaknu kobol danab haknu elele iitta, na hettem ele amu, nug hekkunu elele iitta,” awa aum.

Jon 4:29

“Dona, danab imu antteg! Nug keeke oh da anukka hemi amu, Nug amu miag da amelppa aum. Nug am Kristustai?” awa aum.

Jon 4:39

Aria Samaria kuɗum ag ahnu nai doona, ag Jesusnu oolagppa genab dooppig. Aɗinu? Ah nug, “Da anukka keeke oh hemi amu, Nug amu miag da amelppa aum,” awa aum.

Jon 7:26

amge Nug geha iikku nai oh miag atiakib mattieye, ag nuhignu nai laa ii maditteb. Laa ag gumaknu ehah ele ag Nug am Kristus oolagppa genab dooppigtai?

Jon 9:16

Danab nug anam a amu, ɗo gumak danab-Parasia laa ag Jesusnu appig. “Danab amuam Kayak toppanu ii uɗiom. Aɗinu? Nug ihinig Sabat deɗnu ɗo ii dim lamidtte,” aon appig, amge laa ag appig. “Attemun ha, danab hipunin ele Nug Kayak dabmettaknu kobol danab haknu elele iitta amubia anam hekku?” aon appig. Ag anam anana oppatna, ameg aɗit daappig.

Aposel 8:13

Ag layattak aoegeg, Saimon ele ooppa genab doya, layattak awe, Pilip ele daaya, Pilip nug Kayak dabmettaknu kobol danab haknu elele iitta digdig okkai hatte antta, nug ottaia dabmak kuɗum awom.

Jems 2:26

Danab beɗu ouɗi iitta ele am mauhom. Anamnab aakku, danab nug kobol ena ii hette amu, ooppa genab doyak danab amunu am danab laa mauhom daatte, anam bia hamu daatte.