Jon 7:27 - Nobonob Baibel

²⁷ Amge ig Nug appag diig am doot malamut. Haen Kristus uɗikku am danab laippu laa nug Kristus appag diig ii dooma,” aon appig.

Jon 7:27 ပူးပေါင်းရင်းမြစ်များ

Aisaia 11:1

Danab ag ad oeg qiia, dimppa ad amu ita bette, amubia Jesi buɗub ooppanu laa geha ba, nug king daakku. Ao, ad bunaɗom, diɗi ita qa ba meu otte, amubia Jesi buɗub laa dimppa ba, king dayaya, meu okku.

Aisaia 53:8

Ag ɠagattagppa aɗan, nai tutukku iittappa, “Nug mauhkkun daatte,” anan, qeppeg mauhkkunu aon goppig. Ag anam heppig, amu laa nug nug buɗubnu akkunu elele iitta. Aɗinu? Ag nug qeeg mauhom. Ao, ag dahilad danab ah dilag hipuninnu, nug qeppig.

Jeremaia 23:5

Da Yawe, da inam attem. “Haen laa dimppa amu, da geha heppi, danab laa Dawit buɗubppanu bekku; ad diigppa ita bau bette, amubia bekku. Danab amu nug genab tutukku hak danab, amu nug geha king dayaya, nug geha doyak dabmak ena ele dim lamitta, nai doya mala hettoɗia epeɗia elele mettak kobol, kobol genab tutukku ele dim lamitta, nug danab ah gumadkku.

Jeremaia 30:21

Jakop buɗub oolagppanunab laa, nug ahilag okkai daakku. Ao, ag oolagppanu laa nug king daakku. Da nug da gumiɗa uɗikkunu omalkkul. Da nug omalppi, nug da gumiɗa uɗikku. Aɗinu? Laa nug nukka nug, ‘Da dakka, da Yawe guguitten wakkul,’ ana hekkunu am elele iitta.

Maika 5:2

Amu Yawe Nug atte. “Amge ag danab ah Betlehem Eprata daatteb, ag Juda wanppan aab ikki laa oh oolagppa aab ikki nakoknab daatteb, amge dimppa laa Nug ag oolagppanu, Nug Israel dilag okkai danab dayaya, gumak uɗat amu ha meɗakkunu bekku. Laa amu hekku, Nug mamekkud huu am tumaiib ii digmeppig; iitta, Nug mamekkud am anukkanab digmeeg uɗie uɗie, gemu ele daatteb. Nug huu amuppa bekku.” Yawe Nug anam atte.

Mak 6:3

Nug lag hak danab iite daatte! Ig doottem, nug am Maria bekka. Nug amakkud am Jems, Josep, Judas, Saimon ele. Amu nug appinkkud ag oh ig ele iite daattem?” aon appig. Ag anam anana, ag oolagppa Jesusnu ena iinab dooppig.

Luk 4:22

Nug a, ag doonna, ag Nug binag menana, ag nai genab ittag ele Nug mattiom amu, ag amunu dabmak kuɗum ele aoppig. Amu ag appig, “Adekkutai? Danab umu Nug am Josep bekka iittatai?” aon appig.

Jon 6:42

Ag inam mattinna appig. “Danab umu Nug am Jesus, Josep bekka. Nug anig mameg ele amu ig iite doottem? Attem he Nug, ‘Da hab aabppanu uɗimi,’ awa atte?” aon appig.

Jon 7:15

Nug anam nai mattieye amu, Juda ag dabmak kuɗum aonna, akka akka nug oɗ mettan appig. “Danab imuam Nug sul laa ii heum, amu Nug attem ha doyak okkainab awom?” aon appig.

Jon 9:29

Ig doottem, Kayak Nug Moses nai mettom, amge danab imu am adebtagnu uɗiom amu, ig ii doottem,” aon appig.

Aposel 8:33

Ag Nug onig qeeg ne dayeye, nuhig hettoɗiak elele ii heppig, amu laa nug nug buɗubnu akkunu elele iitta. Aɗinu? Ag nug qeeg mauhom.” Nug Kayak naippanu yaak amu ebqeum.