Jon 7:24 - Nobonob Baibel

²⁴ Ag amelagppaib keeke aib epeɗippig. Dabmak tutukku aona, kobol tutukkuppa, dahil uɗat imu epeɗin antteg!” awa aum.

Jon 7:24 ပူးပေါင်းရင်းမြစ်များ

Sam 82:2

“Ag epeɗiak danab, ag danab eheɗ heppignu, ‘Ag eheɗ ii heppig,’ atteb; amu haen gane laa ele ukkeb, ag kobol nau amu ag uuglag? Ao, ag nau hak danab anadna, ag bu aomnanu ehanadtteb; amu haen gane laa ele ukkeb, ag kobol nau amu uuglag? Sila.

Prowerb 17:15

Hettoɗiakppa danab eheɗ heumnu, “Nug eheɗ ii heum,” anak daakkutai, o, laa nug eheɗ ii heumnu, “Nug eheɗ heum,” anak amu ele daakkutai; amge Yawe Nug hambuppuak anak aɗit amu ohnu ooppa uuaknab dootte.

Prowerb 24:23

Nai imu ele am danab ag doyak dabmak ena ele, ahilag nai laa. Hettoɗiakppa, laanu diig iittappa ena doya, laanu diig iittappa eheɗ doyak kobol dim lamittaknu amuam ena iitta.

Aisaia 5:23

Amu hettoɗiak dilag okkai danab ag danab eheɗ heppig ele eppelagppanu lokkumakppa eheɗ haknu ehanittak laa ag aon heeg, laa eheɗ heppig ag hamu gotteb ele, ahilagnu am gadonnab gadon. Ao, hettoɗiak dilag okkai danab ag laa eheɗ heppig amu, ag ii epeɗina heeg, hamu gotteb, amge danab ag eheɗ ii heppig ele, ag nob madatteb, hettoɗiak dilag okkai amu, ahilagnu gadonnab! ⌊Ag padal mekkulag.⌋

Lewitikas 19:15

Na nai doya mala hettoɗia epeɗia elele mettak kobol dim lamitte! Aib apiɗidme! Na laa nug daɗekte, o iitta nug enub elete amu, na amu aib dabmeme. Iitta. Na Kayak noobppa kaliak laa iitta eleppa na laipad dilag nai doya mala hettoɗia epeɗia elele mettak kobol dim lamidkkutoitte.

Sekaraia 7:9

“Yawe Nukka Ɠagattag Oh Ele Nug inam atte. Ag nai doya mala hettoɗia epeɗia elele mettak kobolnu oo metta ii uuak doon hena, ag oo gai-iitta doya oo metta ehanittak kobol, ag oo bodoetta le mak kobol ele dim lamidna, anamib akka akka ahilagppa heig!

Jon 7:25

Jesus Nug anam a, Jerusalem danab laala, ag Juda okkai ag Jesus qeppeg mauhkkunu dabmeppig amu, ag amu doona, ag appig. “Danab imuam ag qeppeg mauhkkunu appig,

Jon 8:15

Ag amu wannu kobolppa danabnu hak epeɗitteb. Da am epeɗiak uɗat laa ii hettem.

2 Korint 10:7

Ag keeke unuqagnab amu ii anidtteb. Danab laa nug nuhignu, “Da am genab tutukku hak danab, Kristusnu danab daattem,” ɠagattag dabmette dayeb amu, nug eɗua imu ele doyaɗ! Nug am Kristusnu danab daatte, amubia ig ele am Kristusnu danab daattem.

Jems 2:1

O lailad, ag Naɗi ihinig Jesus Kristus, Nug binag amahlak oppiaawak ele amu, ag nuhignu oolagppa genab dootteb amunu, ag danab onilag okkai ele amuib atognoadna, danab onilag iitta ele am keeke hamu bia anadkkulagnu aib heppig.

Jems 2:4

kobol amuppa amu ag eheɗ iite hetteb? Yo, ag eheɗ hetteb. Ag lailkad dilag enubppa aun am danab ena, aun am danab ena iitta epeɗiadtteb amu, ag am epeɗiak danab, dabmak nau ele, danab epeɗiadtteb bianab aakku hetteb.

Jems 2:9

Amge ag ahilag neekkakppa, diig iittappa ag danab laa dilag, “Ena hetteb,” anana, laa dilag, “Eheɗ hetteb,” atteb dayeb amu, ag amuppa hipunin hetteb. Ag anam hetteb dayeb amu, ɗo nai ag am ɗo tappe nak danab daatteb ippunigtte.