Jon 7:19 - Nobonob Baibel

¹⁹ Anukka Moses nug ag ɗo mattom, amge ag oolagppa laippu laa nug ɗo amu tutukkunab dim ii lamidtte amunu, aɗinu da iuppeg mauhkkulnu hetteb?” awa aum.

Jon 7:19 ပူးပေါင်းရင်းမြစ်များ

Matyu 12:14

Jesus anam heum amunu, ɗo gumak danab-Parasia ag gona qagmena, Jesus qekkulagnu ib madippig.

Matyu 21:38

Nug me ukkom, amge haen dad uɗat danab ag nid amu anidna, akka akka nai mattina appig. ‘Nid imu nug dimppa mamegnu keeke oh aokku amunu, ahappeg, ig qepput mauheb, ig dad nuhig imu aotu!’ aon appig.

Mak 11:18

Jesus Nug anam a amu, mana mettak danab okkai amu ɗo mehuqak danab ele ag danab ah laa kuɗum amu oh ag Jesusnu nainu oolag okkai dayom anidppig amunu, ag Jesusnu baɗan, qeppeg mauhkkunu ib madippig.

Mak 3:4

Nug anam a, danab nug hibaitta dayeye, Jesus Nug ɗo gumak danab-Parasia oɗ mattom. “Ɗo ihinig aɗi atte? Ig Sabat deɗppa ena hekkunig am enatai o iitta ig Sabat deɗppa eheɗ hekkunig am enatai? Ig hepput danab mauhkku amuam enatai o iitta ig hepput, danab laa nug mauhkkunu hette ele amu nug elele daakku amuam enatai?” awa aum. Nug anam oɗ matte amu, ɗo gumak danab-Parasia ag Jesusnu oɗmak amunu nob mekkulagnu oolag ii dayom amunu ag toettan, bakkum daappig.

Mak 3:6

Jesus anam heum amunu, ɗo gumak danab-Parasia ag ahan ukkaeg, Herotnu ehanittak danab ele qagmena, Jesus qekkulagnu ib madippig.

Jon 1:17

Yo, ɗo amu ig Moses nuhigppa aomut, amge ehanittak okkai hamu mettak kobol, amu doyak diig genabib ele amu, ig Jesus Kristus nuhigppa aomut.

Jon 10:39

Jesus Nug anam a, ag nug aɗaglagnu heppig, amge Nug ag qe-aɗattatta ukkom.

Jon 11:53

Aria, Juda okkai ag deɗ aguppaib digmena, Jesus qeppeg mauhkkunu nai madippig

Jon 5:16

Nug anam a, Jesus Nug keeke amu Sabat deɗppa heum dooppig amunu, diig amunu Juda okkai ag digmena, Jesus eheɗ hedappig.

Jon 5:18

Amuppa Juda okkai ag Jesus qeppeg mauhkkununab oolag dayom. Aɗinu? Nug Sabat deɗnu ɗoib ii tippalom. Iitta! Nug, “Kayak Nug am da Mamelnab,” aum amunu, nai amuppa Nug Kayak ele, elele elele daattep ippuanattom.

Jon 5:45

Da ag Mame noobppa naippa yaaladkkulnu aib dabmeppig. Danab nug ag naippa yaaladkku ele am Moses. Danab amunu amu ag, ‘Nug ig ehanigkku,’ aon atteb.

Jon 7:1

Keeke amu oh dimppa Jesus Nug laih Galili appa ukka oiyom. Juda wanppanu Juda okkai ag Nug qeppeg mauhkkunu heppig amunu, Nug wan amuppa oiyaknu uua aha ukka, Galili appa oiyom.

Jon 7:25

Jesus Nug anam a, Jerusalem danab laala, ag Juda okkai ag Jesus qeppeg mauhkkunu dabmeppig amu, ag amu doona, ag appig. “Danab imuam ag qeppeg mauhkkunu appig,

Aposel 7:38

Moses nug dimppa Israel ele oh ag atu taɗakppa, Sainai qaukoppa qagmena amu, nug engel, ig mamelkad aɗi ele dilag gamag danab dayeye, engel nug Kayak nai bau dayaknu amu mette, nug awa, ag mattom.

Galesia 3:19

Aria, aɗinu Kayak Mosesnu ɗo meum? Amuam iikku. Kayak Nug hipunin diig geha miag atikkunu oo dayom amunu, Nug Abraham amegppa nug keeke aokkunu nai qakka aum dimppa, Nug ɗo amu aakku he beum. Amu ɗo nug dayeb ukkeb, geha Jesus bekku, amu batak daakkunu meum. Kayak a, engel ag Moses ɗo ippunitteg, nug gamag danab dayaya ɗo awa, danab ah ippuanattom.

Galesia 6:13

Danab amu ag gaɗa otaɗak aoppig, amge ag ɗo tutukku dim ii lamidtteb. Danab amu ag ɗo tutukku ii dim lamidtteb, amge ag lailkad amelagppa ag akka ag onilag humaglagnu ag amunu ii dabmenana, ag ag Galesia daatteb eeɗatteg, ag gaɗalag otaɗkkulagnu hetteb. Ag ahilagppa hena, ag beɗulag amuppa ag onilag okkai aoglagnu hetteb.

Duteronomi 1:17

Ag keeke laanu nai doon malan, hettoɗin, epeɗiak henana, ag danab nug onig okkai ele, diig amunu ag nuhignu ena aib heppig. Iitta! Ag nai doya mala hettoɗia epeɗia elele mettak eleleppa danab ah onilag iitta, amu danab onilag okkai ele, amu oh dilagppa heig! Ag oh inamib dabmatteg! Kayak Nug aun eheɗ heum, aun eheɗ ii heum amu dootte, amu haen ag nai doon malan, hettoɗin, epeɗin elele metteb amu, Kayak Nug ehanatteb, ag uɗat amu hekkulag amunu, ag laa ag ahilagnu attem hattaglagnu aib baɗappig. Uug atten laa babaittaknu elele iitta amu ag aon doppeg, da ehanatte bappaidkkul.” Da anam ami.

Duteronomi 33:4

Da, Moses, da Kayaknu ɗo, danab ah mattami. Ɗo amuam Israel danab ah, ahilagnab.