Jon 6:66 - Nobonob Baibel

⁶⁶ Jesus Nug nai amu mattiom, haen amuppa amu nuhikkud ippunittak awak danab kuɗum ag Nug dimedappig, tuɗidna Nug dim ii lamidppig.

Jon 6:66 ပူးပေါင်းရင်းမြစ်များ

Sepanaia 1:6

Da heppi, laa ag anukka da noolppa dup nona binal meppig, amge ag uun uuiɗna, kayak laanu dabmetteb; ag da, Yawe, ag da aniɗna dim lamiɗkkulagnu ii mattiɗna, ag da ulum madakkulnu oɗ ii meɗatteb amu, da ag ele heppi, ag nauhkkulag.” Yawe Nug anam awa atte.

Matyu 19:22

Awa a amu nid bau amu doya, nug oo uugnab ele ukkom. Aɗinu? Nug enub kuɗum ele.

Luk 9:62

Nug anam aum, amge Jesus Nug amegppa aum. “Aun nug dahilnu oo aɗit ele amu, nug Kayaknu ɗo maɗoɗ ooppa daakkunu elele iitta,” awa aum.

Jon 2:2

ag Jesus Nug nuhikkud ippunittak awak danab ele, ag oh ele hobul amuppa daaglagnu onilagppa eppig.

Jon 6:60

Aria Jesus Nug anam mattie, nuhig ippunittak awak danab kuɗum ag nai mattiom amu doona amu ag appig. “Nai umuam uug elenab; aun nug dookkunu elele?” aon appig.

Jon 6:64

Anam daatte, amge ag oolagppa laala ag oolagppa genab ii dootteb,” awa aum. Jesus Nug digmakppan aun aɗi ag oolagppa genab ii dooppig, amu danab aun nug Jesus kekeɗ eppelagppa mekku amu, Nug amu oh doyom.

Jon 7:3

Jesus amakkud ag Nug amegppa appig. “Na aben imu uuna, Juda wanppa ukke! Gona, nahipad ippunittak awak danab ag nahip uɗat, danab haknu elele iitta, na hettem ele, ag amu anidkkulagnu, na appa heppe anidkkulag.

Jon 8:31

Juda danab ag Jesusnu oolagppa genab dooppig ele amu, Nug ag amelagppa aum. “Ag ippunittak nai dahil dim lamidtteb dayeb amu, ag am genab ippunittak awak danab dahiladnab daaglag.

2 Timoti 1:15

Na doome, Asia danab ag oh da uuiɗna goppig; danab amunu oolagppa am Pigelus, Hermogenes ele.

Hibru 10:38

Genab tutukku hak danab dahilad, ag dahilnu oolagppa genab dootteb amunu, ag bau daaglag. Amu laippu laa nug dimeɗakku amu, nuhignu amu da oolppa ena ii doopa.”

1 Jon 2:19

Kristusnu kekeɗ ag ig oonigppa daappig, amge ahilag ooppa genab doyak am ihinig ele laippu iitta amunu, ag uuigna goppig. Ag ig ele ooppa genab doyak laippu daalom, ig gemu ag ele laippu daalom. Ag ig uuigna goppig amu, amuam ag ig ele laippu ii daamut ippunigtte.