Jon 6:52 - Nobonob Baibel

⁵² Jesus Nug anam a amu, Juda laala ag akka akka aeg ona aeg do nai mattin, “Attemnab danab imu nukka nuhig teppu ig mekkeb lakkunig?” aon appig.

Jon 6:52 ပူးပေါင်းရင်းမြစ်များ

Jon 1:19

Aria, deɗ laa Juda okkai ag Lewi buɗubppan mana mettak danab, Lewi buɗubppan mana mettak danab iitta ele Jerusalem appanu Jon nukka nuhignu oɗ mettaglagnu maatteg gona, “Na am aun?” ana oɗ mettaeg, Jon nug nai anana,

Jon 10:19

Jesus anam a, Juda ag doona, baula oppatna, ameg aɗit daappig.

Jon 3:4

Jesus anam a amu, Nikodemus nug amegppa aum. “Danab nug kaino daatte amu, nug attemun eɗua bau menuak aokku? Nug baula anig ooppa nob, anig nug eɗua menukkunu elelete?” awa aum.

Jon 3:9

Jesus anam a amu, Nikodemus oɗeppa awa aum. “Keeke amu nug attemun anam bekku?” awa aum.

Jon 4:11

Jesus Nug anam a amu, ah nug aum. “Danab Naɗi, na le itakkutnu hanak iitta, am le moɗ imu ele umanab unuqagnab daatte amunu, na le bauklel ele amu adeppanu aokkut?

Jon 6:41

Jesus Nug matu, “Da am hab aabppanu bret wanppa uɗimi,” awa aum amunu, Juda ag nuhignu oolagppa elele ii daye, akka akka nai kuɗum madippig.

Jon 6:60

Aria Jesus Nug anam mattie, nuhig ippunittak awak danab kuɗum ag nai mattiom amu doona amu ag appig. “Nai umuam uug elenab; aun nug dookkunu elele?” aon appig.

Jon 9:16

Danab nug anam a amu, ɗo gumak danab-Parasia laa ag Jesusnu appig. “Danab amuam Kayak toppanu ii uɗiom. Aɗinu? Nug ihinig Sabat deɗnu ɗo ii dim lamidtte,” aon appig, amge laa ag appig. “Attemun ha, danab hipunin ele Nug Kayak dabmettaknu kobol danab haknu elele iitta amubia anam hekku?” aon appig. Ag anam anana oppatna, ameg aɗit daappig.

Aposel 17:32

Aria, laa ag nai Pol mattiom dooppig ele amu, haen ag danab mauha eɗua hibaittomnu nai amu ag doon, laala ag ahan awa awa qettak nai mattiegeg, laala ag appig. “Dimppa geha ig nahip nai keeke amunu mattime amu baula appe doognig,” aon appig.

1 Korint 2:14

Amge danab nug Kayak Ouɗi ii awom ele, nug Kayak Ouɗinu dabmak ii aotte. Aɗinu? Nug dabmak amunu, “Dabmak tutukku iitta,” anam dabmette. Dabmak amunu amu, Kayak Ouɗi Nug danab ehanidkku dayeb, nug dabmak amunu oo maidkku amunu, danab ag Kayak Ouɗi iitta ele, ag am dooglagnu elele iitta.