Jon 6:51 - Nobonob Baibel

⁵¹ Bret bauklel ele hab aabppanu uɗiom am da. Am laa nug bret imu latte amu, nug bauklel hanhan daakku. Amu ele bret da wanppan danab ah bauklel daaglagnu madakkul ele imuam, da beɗul,” awa aum.

Jon 6:51 ပူးပေါင်းရင်းမြစ်များ

Matyu 20:28

Yo, nug Danab Bekkalag da, da hettem amubia haɗ! Am inam. Danab Bekkalag da, da wan imuppanu danab ah ag da ehaniɗkkulagnu ii uɗimi. Iitta. Da ag ehanadkkulnu uɗimi, amu da dahil mauhakppa danab ah kuɗum eɗue diiadkkulnu ele uɗimi,” awa aum.

Luk 22:19

Nug anam awowa, Nug bret awa, Mameg amegppa, “Ena heme” awowa, pane ne, pania madatta Nug aum. “Imuam da beɗul, da amuppa ag ehanadkkulnu madattem. Ag dahilnu dabmekkulagnu lanaknu kobol imu heig!” awa aum.

Jon 1:14

Am Kristus, onig laa Nai Kayak Ippunigtte, Nug danab beɗu awa, ig oonigppa dayom. Ig oonigppa dayeye, ig nuhig binag amahlak oppiaawak ele anidmut. Binag amahlak oppiaawak ele amuam laa Nug Kayak Bekka laippunab daatte, Nug Kayak, nuhigppanu uɗiom amu, am nuhig aakku. Doyak diig genabib, amu ehanittak okkai hamu mettak kobol ele, amuam nuhigppa ambaknab ele daatte.

Jon 1:29

Wagɗe deɗ amuppa Jesus Nug Jon gumitta uɗieye, Jon Nug antta aum. “Antteg, Kayaknu Sipsip Nag, Nug wanppan danab ah dilag hipunin uhuqtte, Nug am uukku daatte.

Jon 11:26

danab oh ag bau daan, dahilnu oolagppa genab dootteb ele ag mauhakppa hanhan iinab daamna. Na nai amu ootppa genab doottemte?” awa aum.

Jon 3:13

Laippu laa nug hab aabppa ii teum. Iitta. Danab Bekkalag da aakkuib appa dayeye, hab aabppanu uɗimi.

Jon 3:14

Anukka atu taɗakppa mat nau ag Israel oolagppa bena, danab ah emalatteg mauheg, ⌊Kayak Nug Moses amegppa a,⌋ nug mat dottog laa brasppa ha qappe, danab ag amu neegna anidna, ag ii mauhppig, amubia danab aun aɗi ag dahilnu oolagppa genab doon, ag bauklel hanhannu aon daaglagnu, ag Danab Bekkalag da, ad emaitakppa aihiɗkkulagoitte.

Jon 3:16

Kayak Nug wanppan danab ah dilagnu oo huana mauhom amunu, Nug Bekka laippunab me uɗiom. Nug me uɗiom amunu, aun nug nuhignu ooppa genab dootte ele, nug padal ii mema. Iitta! Nug bauklel hanhannu aokku.

Jon 3:36

Am laa nug Kayak Bekkanu ooppa genab dootte ele amu, nug bauklel hanhannu awom daatte. Laa nug Bekka geɗitte amu, nug bauklel hanhannu ii awom. Iitta. Kayaknu oppoɗi bak nuhigppa daatte,” awa aum.

Jon 5:24

Da genabnab genab ag amelagppa attem. Laa nug nai dahil doya, Laa Nug da meiɗe uɗimi, nuhignu ele ooppa genab dootte amu, nug bauklel hanhannu ele; nug padal maknu epeɗiak ii anidma. Iitta. Nug aakku mauhaknu ib uua, gemu nug bauklel hanhannu ibppa daatte.

Jon 6:33

Bret Kayak madatte ele, amuam laa hab aabppanu neum. Bret amu Nug wanppan danab ah bauklel madatte,” awa aum

Jon 6:35

Aon aeg amu Jesus Nug aum. “Bauklelnu bret am da. Danab nug dahilppa dotte amu, nug enug qak baula ii dooma. Am danab nug dahilnu ooppa genab dootte amu, nug le baag diiak baula ii dooma.

Jon 6:41

Jesus Nug matu, “Da am hab aabppanu bret wanppa uɗimi,” awa aum amunu, Juda ag nuhignu oolagppa elele ii daye, akka akka nai kuɗum madippig.

Jon 6:47

Genabnab genab da ag amelagppa attem. Aun nug dahilnu ooppa genab dootte ele, nug bauklel hanhannu ele awom daatte.

Jon 6:48

Da aakkuib am bauklelnu bret.

Jon 6:50

Amge bret hab aabppanu neum am daib, amu laa nug bret imu lakku dayeb amu, nug ii mauhma, bau daakku.

Jon 7:38

Laa nug dahilnu ooppa genab dootte amu, Kayak naippa yaak laa daatte amubia, ‘Nug ooppanu le bauklel ele kuɗum am bena gonana daaglag. Iitta ii mema,’ ” awa aum.

2 Korint 5:19

Amu nai ihinig amu iikku. Kayak Nug Kristusnu uɗatppa danab ah oh ele oolag laippu daaglagnu ib babaitta, Nug ag ahilag hipuninnu nob madakkunu ii dabmeum. Aria Nug he, danab ah ag Nug ele oolag laippu bekkulagnu ib babaittak daatte, Nug nai amu mehuqaknu uɗat amu ig mekke hettem.

2 Korint 5:21

Kristus Nug eheɗ laa ii heum amge Kayak he, Nug ihinig mana mettak dayeye, Kayak Nug hipunin ihinig oh awa, laippu qagma Nug qaɗeppa me, Nug mawom. Anam amunu, gemu Kayak Nug Kristusnu uɗat okkaippa ig anikka, ihinignu, “Genab tutukku hak danab,” awa akkunu elele.

Epesus 5:2

Ag nug oo mauhakppa, Kristus Nug ihinignu oo mauhe, Nug nukka Nug bau dayak nuhig ig ehanigkkunu uua, ihinignu mauhom bia oiyeg! Kristus Nug danab ag doɗ main Kayak muttuɗig ena dookkunu medatteb bia, nukka nuhigppa anam heum.

Epesus 5:25

Kristus Nug nuhig tamaniaknu oo mauhe, Nug nukka nuhig bau dayak amu uua mauhom, amubia danab ag waalkad dilagnu oolag mauhaɗ!

Taitus 2:14

Kristus Nug ig ihinig nau hak ohnu qagaiettakppanu eɗua uhuqak hekkunu, ig nuhikkudnab danab ah oppiaawak ele daatta, kobol ena tutukku aakkuib hekkunignu dabmak aognignu amu, Nug ihinignu mauhom.

Hibru 10:20

Jesus Nug ib bau, ib amuppa ig bauklel aottem ele buua mekkom. Anukka danab ag Oo Gunnab Eleppa gokkulagnu am ib keldoak dayom. Lamen naɗi laa aihak dayom ele amu, nug ib amu keldoum, amge Jesus Nug mauhak nuhigppa lamen naɗi amu pattiɗa, ib babaitta mekke, ig Oo Gunnab Eleppa nokkunignu elele daattem.

1 Pita 2:4

Naɗi Jesus Nug am men laa bauklel daatte bia daatte. Nug men anuqak bia anam daatte; danab ah ag Nug uuppig, amge Kayak Nug nukka tituana, nuhignu am enanag dootte. Nug anam daatte, amu ag nuhigppa uɗiegeg,

1 Jon 2:2

Nug ad emaitakppa mana mettak bia dayaya, ihinig eheɗ haknu nob nau Nug tiigppa iitta mekkunu he elele mettom. Amge Nug ihinignuib anam ii heum. Iitta. Nug danab ah wan atu ohppa daatteb ele amu, Nug amu dilagnu ele heum.

1 Jon 4:10

Ig Kayaknu oonig mauhom, diig amunu Kayak Nug Bekka me wan imuppa uɗiom am genabte! Iittanab! Nug ihinignu oo mauhom amunu, Nug Bekka laippunab me, Nug ihinig eheɗ haknu nob nau Nug tiigppa iitta mekkunu heeb elele medakkunu wan imuppa uɗiom. Amuam oo mauhak kobol tutukku aakku.

1 Jon 4:14

Mame Nug Bekka, wan imuppan danab oh eɗua diiadkkunu me uɗiom, amu ig Nug Bekka anidta, ig amunu iikku madittem.