Jon 6:32 - Nobonob Baibel

³² Aeg amu Jesus Nug amelagppa aum. “Da genabnab genab ag amelagppa attem. Moses nug hab aabppanu bret ii mattom, amge da Mamel, Nug amu hab aabppanu bret genab ag madatte.

Jon 6:32 ပူးပေါင်းရင်းမြစ်များ

Sam 78:23

Nug ee habppanu, ahilagppa nekkununab aum. Ao, Nug he, ee habppanu neum.

Eksodas 16:4

Ag anam aeg, aria Yawe Nug Moses amegppa inam aum. “Da geha heppi, ee habppanu na qeeb, ag aoglag. Deɗ laib laib anen anen danab ah ag gona, deɗ amunu ee aakkuib ag aoglag. Da geha ag ee madakkul, kobol amuppa da ag ma anttak madappi, ag nai dahil dim lamidkkulag, o iitta am, da dookkul.

Eksodas 16:8

Aa anam awoya amu, Moses nug nai tuɗitta aum. “Yawe Nug ag nuhignu nai heegeg doyom amunu, Nug tueb ag teppu matteb lakkulag; buttua Nug ee laa matteb, ag labeppeg, ag oolag elele aokku. Yawe Nug ee anam matteb, ag Nug Isipnu omalatta, ippa uɗiom dooglag. Amge ag i amenihppa nai hena atteb amu attemu? I am keeke hamunab. Ag naittuɗ maknu nai maditteb amu, ag nai amuppa aakku Yawe yaatteb. Ag ihinihppa ii hetteb,” awa aum.

Jon 1:9

⌊Amahlak amuam Jesus Kristus,⌋ amu amahlak nuhig am amahlak genab. Nug wanppan danab ah oh amahlak madatte.

Jon 15:1

Da am muɗi grep ebekkud diig genab. Da anam daaiyi amu, da Mamel Nug am dad gumak danab.

Jon 6:31

Ig mamenkad aɗi ag atu taɗakppa ee onig maana lappig amu, Kayak naippa nai amunu laa daatte. Nai amuam inam. ‘Ag lakkulagnu Nug hab aabppanu bret ag mattom.’ Nai anam daatte amu na amubia hekkutte?” aon appig.

Jon 6:33

Bret Kayak madatte ele, amuam laa hab aabppanu neum. Bret amu Nug wanppan danab ah bauklel madatte,” awa aum

Jon 6:35

Aon aeg amu Jesus Nug aum. “Bauklelnu bret am da. Danab nug dahilppa dotte amu, nug enug qak baula ii dooma. Am danab nug dahilnu ooppa genab dootte amu, nug le baag diiak baula ii dooma.

Jon 6:41

Jesus Nug matu, “Da am hab aabppanu bret wanppa uɗimi,” awa aum amunu, Juda ag nuhignu oolagppa elele ii daye, akka akka nai kuɗum madippig.

Jon 6:50

Amge bret hab aabppanu neum am daib, amu laa nug bret imu lakku dayeb amu, nug ii mauhma, bau daakku.

Jon 6:55

Aɗinu? Da teppul tiil ele amu lanaknu ee genab.

Jon 6:58

Bret imu amu ag mamelkad aɗi maana lappig, amge dimppa mauhppig, am amubia iitta. Bret imu am hab aabppanu neum, am aun nug bret imu latte amu, nug haen oh bau daakku,” awa aum.

Galesia 4:4

Am anam daye ukkom, amge haen Kayak aum amu elele mette, Kayak Nug Bekka me ne, ah nug menue, Nug ɗo waappa ba dayom.

1 Jon 5:20

Ao ig ele doottem, Kayak Bekka Nug uɗia, ig Mame genab, Nug doognignu diignu doyak tutukku mekkom. Amu laa, Kayak Nug am genab diig, amu ig nuhigppa daattem, amu ig Nug Bekka Jesus Kristus, nuhigppa ele daattem. Kayak Nug am Kayak genab, Nug bauklel hanhannu diig ele.