Jon 6:11 - Nobonob Baibel

¹¹ Ag daaegeg, Jesus bret diia aɗa, Kayak amegppa, “Ena hen mekkame,” awowa he, ⌊nuhikkud ippunittak awak danab ag⌋ panin, danab daappig amu oh anen anen madappig. Nug kakai amu ele anamib heum, amu danab oh ag ee elele aoppig.

Jon 6:11 ပူးပေါင်းရင်းမြစ်များ

Matyu 15:36

Ag anam daaegeg, Jesus Nug bret kunum eblaih aɗit ele, amu kakai ele diia, Kayak amegppa, “Ena hen mekkame,” awowa, pane ne, nuhikkud ippunittak awak danab mattom. Matte, ippunittak awak danab ag danab ah madappig.

Luk 24:30

dimppa ee lakkulagnu hena, Jesus Nug aa ele oh balalppa daanna, Nug bret awa Kayak amegppa, “Ena heme,” awowa, pane ne, Nug matete,

Jon 21:10

Ag keeke anam antteg amu Jesus amelagppa aum. “Kakai ag geha aakku diippig ele amu, laa akkan doig!” awa aum.

Jon 21:13

Ag anam dooppig amu Jesus Nug doa, bret awa, pania mattom. Kakai ele awa, pania mattom.

Jon 21:9

Haen ag uub el qena uɗin, le ihippa dona amu, aab laa ilak ewawa dayeye anidppig. Kakai aab ottagppa daaegeg anadna, amu bret ele dayeye anidppig.

Jon 6:23

Aria ag anam doonna daappig, amu uub laala Taiberiasnu ag uɗin, Naɗi Nug unuqittowa, bret matte lappig abenppa eeɗppig

Jon 6:9

“Nid danab laa iikku daatte, nug am bali bret kunum tanig ele, amu kakai aɗit ele. Amge amuam keeke nagnag, danab am huanak,” awa aum.

Aposel 27:35

Nug anam awa amelagppa awowa, nug bret awe, ag anttegeg, nug ag noolagppa Kayak unuqitta, nug bret pana awa, digma laum.

Rom 14:6

Amu danab laa nug deɗ laanu gun dootte, danab amu, nug Naɗinu dabmaama anam dabmette. Amu danab laa nug ee oh latte, nug Kayak amegppa, “Ena ha meɗom,” anana latte amunu, nug ele Naɗinu dabmaama anam hette. Aria, danab laa nug ee oh ii latte, nug ele Naɗinu dabmaama, teppu laa lamanu gun mette, amuppa nug ele am Kayak amegppa, “Ena ha meɗom,” awa atte.

1 Korint 10:31

Amge ag ee le ele lakkulag, o keeke laa hekkulag amu ag keeke amu ohppa ag Kayak binag amahlak oppiaawak ele mekkulagnu aakkuib dabmenan heig!

1 Tesalonaika 5:18

Wanppan oiyak ahilagppa aɗi aɗi bette amu, ⌊Kayak Nug ag ehanadtte amunu,⌋ ag amunu Nug amegppa, “Ena heme,” aon aig! Ag Kristus Jesusnu daatteb amu, Kayak Nug ag kobol anam hekkulagnu oo daatte.

1 Samuel 9:13

Amu aa goya, aabppa teya, ooppa noyaya, aa nug anidkkulah. Nug aabppan mettid lag nakokppa, danab laa ele mana mettaknu doɗ lakkulag amunu, aa ig amut bia hekkulah dayeb, aa nug aben amuppa ii tak haenppa anidkkulah. Aɗinu? Nug teppu amu ititteb, danab ag aakku lakkulag; tatam ii itittom haenppa ii lamana. Aa paha teiɗ! Aɗinu? Aa anam hekkulah amu, aa haen amuppa anidkkulah,” aon appig.