Jon 6:1 - Nobonob Baibel

^1-5 Imu dimppa Juda dilag Pasowanu Hobul haen miag do, Jesus Nug le ameg Galili, laa ag le amunu, “Le ameg Taiberias,” aon atteb, le amu heqo laih gokkunu mataɗom. Jesus Nug laih ugekke, danab huanak ag le ihi aiɗna, dim lamidna goppig. Aɗinu? Ag Nug Kayak dabmettaknu kobol danab haknu elele iitta oɗe danab beɗulagppa heehe, ag ena daaegeg anidppig. Jesus Nug appa ukka, qauko laappa nakok te, nuhikkud ippunittak awak danab ele ag heɗep nena daappig. Daanna amu, Jesus Nug neekke ukke, danab ah huanak ag gumidna uɗiegeg antta, Nug Pilip oɗ mettom. “Ig ee elele adeppanu imu oh mattagnignu daden mekkunig?” awa oɗ mettom.

Jon 6:1 ပူးပေါင်းရင်းမြစ်များ

Namba 34:11

Sepamnu amu, ahilag tom am ukka, aab onig Ainnu aam bedeppan ukka, Ripla ta, qauko laala, le gottu okkai Galili, le amuppanu laih aam bedeppanu daatteb amu, qauko amuam tom daakku.

Matyu 15:29

Aria, Jesus Nug aab amu uua, Galili le ihi matta ukka, qauko laappa nakok ta, heɗep na dayom.

Matyu 4:18

Jesus Nug anam nai mehuqak dim lamitta, Galili le ameg ihippa oiyaya, Nug Saimon, onig laa Pita, Andru ele, aa am eamag, Nug aa ahilah uhui eeheh anatom. Aa am kakai awak danab amunu, aa uhui epiɗ.

Luk 5:1

Deɗ laa Jesus Nug le ameg Genesaret, le amu ihippa hibaitta dayeye, danab ah kuɗum ag Kayak nai dooglagnu uɗin itun daaegeg,

Jon 21:1

Amu dimppa amu, Jesus Nug nuhikkud ippunittak awak danab, ag Taiberias le ihippa daaegeg, Nug appa ag gumatta tula beum. Keeke amuam inam beum.

Jon 6:23

Aria ag anam doonna daappig, amu uub laala Taiberiasnu ag uɗin, Naɗi Nug unuqittowa, bret matte lappig abenppa eeɗppig

Jon 7:1

Keeke amu oh dimppa Jesus Nug laih Galili appa ukka oiyom. Juda wanppanu Juda okkai ag Nug qeppeg mauhkkunu heppig amunu, Nug wan amuppa oiyaknu uua aha ukka, Galili appa oiyom.

Jon 9:10

Nug anam a amu ag nug oɗ medappig. “Na amen attemnab ha, ena dayom?” aon appig.

Josua 12:3

Sihon nug Jodan leppanu kaɗag uɗitteppanu atu Araba ele gumom. Atu amunu tom laih yawalti uɗitteppanu daatte, amuam Galili le ameg, tom laih yau uɗitteppanu daatte, amuam Mauhak Le. Tom laa am aab Bet Jesimot, amu appanu ukka, qauko laa onig Pisga batak.