Jon 5:44 - Nobonob Baibel

⁴⁴ Ag am lailkad dilagppa binalag okkai aoglagnu hetteb, amge binalag laa, Kayak toppanu uɗitte ele, ag amu aoglagnu ii hetteb amunu, ag attem hena, oolagppa genab dooglag?

Jon 5:44 ပူးပေါင်းရင်းမြစ်များ

2 Stori 6:8

Nug anam dabmeum, amge Yawe Nug da mamel Dawit amegppa aum. ‘Na mettid lag laa, da onil amuppa daakkunu buukkutnu dabmeme amu, dabmak nahip amuam ena,

Jeremaia 13:23

Kus danab nug nukka nug heeb, nug gaɗa eɗua, laa daakkunu elelete? Doɗ lepad, gaɗa otultul ele, nug nukka nug heeb, otultul amu eɗua, laa daakkute? Amubia ag eheɗ tuɗidib hetteb ele, ag akka ag hena, ag ena hekkulagte?

Matyu 23:5

Ag keeke oh danab amelagnuib hetteb. Ag Kayak nai inaknu kunup okkai henan, uɗalagppa amu eppelagppa ele qakkana, unuqittak lamen daugppa bala elab elab ele hetteb.

Luk 19:17

‘Na maɗi nid ena, na uɗat enanag heme, na keeke nakoknab oo metta ii uuak kobolppa dabmettan autna aome amunu, gemu da na aab okkai 10 gumadkkutnu ɠagattag medattem,’ awa aum.

Jon 12:43

Ag danab ag binalag mekkulagnu oolag mauhttom. Kayak Nug ag binalag mekkunu amu, ag amunu oolag ii mauhom.

Jon 17:3

Bauklel hanhannu, amuam danab ag na Kayak, na nakkaib am Kayak genab, amu da, na bekkat, na da meiɗe uɗimi amu, ag i oh dooitkkulagnu daatte.

Jon 3:20

Anam amu, danab oh ag hak nauppa daatteb amu, ag amahlaknu nau ninig ele dootteb. Ahilag hak nau miag atimanu amu, ag amahlakppa daaglagnu oolag ii daatte.

Jon 5:41

Da danab ag da binal mekkulagnu ii dabmettem,

Jon 8:43

Am aɗinu ag dahil nai tutukku dab-ii-medatteb? Amunu diig am ag dahil nai ii doon aotteb.

Rom 2:10

Amge Kayak Nug geha binag amahlak oppiaawak ele, maɗoɗ, amu binag ele danab oh kobol ena hetteb ele madakku; Juda ag tatam ⌊nai amu⌋ doyegeg, iitta aɗi ag aakku geha dootteb.

Rom 2:29

Iitta. Danab nug Juda danabnab amu Nug Jesusnu ooppa genab doye, Kayak Ouɗi Nug danab amu oo babaittom. Amuam gaɗa otaɗak genab aakku. Oo babaittak amuam ɗo nai yaak niitte amu dim lamittaknu keeke iitta, Ouɗinu keeke. Danab amu nug danab amelagppa nug binag iitta, amge Kayak amegppa nug binag ele.

Rom 2:7

Danab laala ag binag amahlak oppiaawak ele, bau hanhan dayak, binag ele mattinna, kobol tutukku hetteb amu, geha Kayak Nug danab amu bauklel hanhannu madakku.

1 Korint 4:5

Epeɗiak uɗat amu ig gemu ii gumattem amunu, haen gamag imuppa ig anam ii hemata. Ag Naɗi uɗikkunu haen ameg meig! Nug uɗia, keeke oh gatatuppa lokkumak daatteb amu heeb, amahlakppa miag atippeg, aria Nug ele heeb, danab ag diig aɗinu keeke laala heppig amu, danab oh dilag dabmak amu miag bekku. Haen amuppa geha Kayak Nug ig danab oh laib laib ihinig haknu nob tutukku megakku.

2 Korint 10:18

Danab nug nukka nuhignu, “Da uɗat amu hekkulnu ena, elele daattem,” atte, amuam keeke hamu, amge danab Naɗi Nug nuhignu, “Nug uɗat amu hekkunu ena, elele daatte,” atte, amuam meu ele.

Pilipai 2:3

Ag akka akka ahilagnuib dabmenan, keeke laa aib heppig. Amu ele ag akka hamu onilag humanna, keeke laa aib heppig. Ag akka ag onilag qeppeg neeb, danab laa dilagnu, “Da ag eɗadttem,” aib dooppig.

1 Tesalonaika 2:6

Amu ele, ig danab noolagppa binanig aognignu ii hemut; ag noolagppa iitta, danab ah laa noolagppa ele iitta.

1 Timoti 1:17

Amu Kayak, Nug am keeke ohnu king hanhan daatte, Nug ii mauhtte, ig Nug anidkkunignu elele iitta, Nug aakkuib am Kayak. Binag, amu binag amahlak oppiaawak ele hanhan alet ele nuhigppa dayaɗ! Genab.

Hibru 3:12

O lailad, ag lailag laa ag oolagppanu nug dabmak nau, amu ooppa genab doyak ele iitta, amubia oiyaya, Kayak bauklel dimettamanu, ag dabmena autna aweg!

Jems 2:1

O lailad, ag Naɗi ihinig Jesus Kristus, Nug binag amahlak oppiaawak ele amu, ag nuhignu oolagppa genab dootteb amunu, ag danab onilag okkai ele amuib atognoadna, danab onilag iitta ele am keeke hamu bia anadkkulagnu aib heppig.

1 Pita 1:7

Uug betteb amu, ag diig imunu betteb. Ag beppeg, ahilag ooppa genab doyak am ena, ɠagattag daattete o iittate, amu anttaknu aakku betteb. Gol am nauhkkunu keeke, amge danab ag gol babaitta epeɗia awak daakkunu uɗat hetteb, amubia Kristen danab, ag ahilag ooppa genab doyak, nug nauhkkunu keeke iitta, gol eɗittak, enanag, amu epeɗidkkunu uug amu ag betteb. Ooppa genab doyak ahilag nug ɠagattag daakku, amu dimppa, Jesus Kristus eɗua uɗikku haenppa, ag binag amahlak oppiaawak ele, onig okkai, amu binag ele aoglag.

Jut 1:25

Kayak Nug nukka am Kayak, amu Nug am Padal ii maknu ehanittak ihinig daatte. Anam aakku amu, Jesus Kristus, ihinig Naɗi, nuhigppa binag amahlak oppiaawak ele, dagom onig ɠagattag ele, ɠagattag, amu gumaknu ehah oh ele Kayak, nuhigppa dayeg! Keeke amu oh am anukka haen ii digmeumppa, gemu, butti aɗi ele hanhan nuhigppa daatteb. Genab.

1 Samuel 15:30

Samuel anam a, Saul nug aum. “Da hipunin hemi, amge dahilad danab ah Israel, amu dilag ikki danab, amu Israel laa oh ele, ag dahilnu eheɗ doomnanu, na ag noolagppa dahil nai imu dim lamidnana, amuppa na binal mekkutnu oɗ medattem. Dahil nai am inam. Da Kayak noobppa dup noin binag mekkulnu amu, na da ele oh eɗuɗ, Yawe, nahip Kayak, Nug binag mak abenppa goɗu!” awa aum.

1 Samuel 2:30

Amge na anam hettem amunu, Yawe, Israel dilag Kayak, Nug inam atte. ‘Anukka da ag Aron buɗub laa, ag na mamen anukka tiigppan uɗiak, ag haen oh da noolppa dahil ɗo maɗoɗ uɗat hekkulagnu nai qakken ami, amge gemu da nai imu attem. Ag amubia iinab hemana. Aɗinu? Aun aɗi ag da binal tutukku metteb amu, da ag binalag madakkul, amge aun aɗi ag dahilnu keeke hamu bia dootteb amu, da heppi, ag honopnab nokkulag.