Jon 5:4 - Nobonob Baibel

⁴ ((Ag le amemɗul mettak ameg mena daadttappig. Haen laala engel nug le amuppa na, le amu amemɗul medattom. Le amemɗul mettak male amu, aria danab aun nug tatam anuqa leppa nottom, nug oɗe nuhig attemutai ele amu, haen aguppa nug ena daattom.))

Jon 5:4 ပူးပေါင်းရင်းမြစ်များ

2 King 5:10

Tena daaegeg, Elisa nug nai awa ukkak danab laa nug ukka, Naman amegppa inam akkunu a, ukka aum. “Na gona, Jodan leppa haen eblaih aɗit ele le laappe, geha nahip oɗe amu iitta meeb, na beɗun eɗua ena daakku,” awa aum.

Sam 119:60

Nahip ɗo, da aɗi keeke hekkulnu atte amu, da pahanab dim lamitte hekkul. Da ameg mein daappi ukkeb haknu amu, da amu ii hepa.

Prowerb 6:4

Na paha aib niime, ⌊na nai ame amu waappa daamnanu, tatam goppe, nahip mudippan laippu ele nai babaitteɗ⌋! Ao, na amen paha aib heppe amuhom. ⌊Na nahip mudippan laippu eppegppa daamnanu, tatam na goppe, nug ele nai babaittoya, dimppa na amen qamuhkkut⌋!

Prowerb 8:17

Amu aun laa ag dahilnu oolag mauhtte amu, da ahilagnu ool mauhtte; am laa ag da aniɗna dim lamiɗkkulagnu mattiɗtteb, ag da aniɗtteb.

Eklisiastis 9:10

Na gemu bau daattem amu, na haen imuppa aɗi uɗat hekkutnu anidkkut, na nahip ɠagattag ohppa he! Aɗinu? Na moɗppa gokkutnu oittem amu, appa danab laa nug uɗat laa ii hette, nug keeke laa hekkunu maittak ii aotte, appa doyak laa ii daatte, doyak dabmak ena ele laa ii daatte.

Esekiel 47:8

Da amu anitti, danab amu nug da amelppa aum. “Le imu nug aam bedeppa, appa ugakka, Jodan lenu oolnu noakppa ukka, le gottu okkai onig Mauhak Le, le amuppa gotte. Le imuam Mauhak Leppa ukka heeb, le amu ena iitta daatte amu, eɗua ena daakku.

Hosea 13:13

Israel danab ah ag am bau daaglagnu ib ele, amge ag ib amuppa ukkaknu ag doyak dabmak ena ele iitta; appa ii oitteb. Aɗinu? Ag am nid yuɗ laa menuaknu daatte, amge nid loabppan dokkunu uua daatte, ag amubia daatteb.

Sekaraia 13:1

Le dubuttid ihe, iitta mette, amubia qinob Yawe Nug heeb, Dawit buɗub, am Jerusalem danab ah ele ag hipunin iitta, beɗulagppa ele aab iitta daaglagnu ib daakku.

Sekaraia 14:8

Aria, deɗ amuppa amu le laa, le amu he, danab bau daatteb ele, le amuam Jerusalemnu nan gokku. Le amu laih am Mauhak Leppa ukkebeb, laih am Mediterenia yuppa gokku. Aam haenppa, oug haenppa ele le amu am anam ukkakib gokku.

Matyu 11:12

Jonnu haen uɗie uɗie gemu ele Kayaknu ɗo maɗoɗ nug okkai mekkunu wagai mette, amu wagai mak danab ag ele Kayaknu ɗo maɗoɗ aɗaglagnu wagai metteb.

Matyu 6:33

Amge tatam ag Kayaknu ɗo maɗoɗnu, amu genab tutukku kobol ele hekkulagnu anuqak dooppeg, geha Nug keeke amu oh ele ag madakku.

Luk 13:24

“Ag od hogogdoak ele noaknu ebehilag qaiettaɗ! Da ag amelagppa attem, danab kuɗum ag od oɗe nakokppa nokkulagnu hekkulag, amge ag elele iitta.

Luk 16:16

Ɗo nai, amu Kayaknu propet nai ele, anukka danab ag amu mehuqegeg uɗie uɗie, Layattak Jonnu haen batak; amu Layattak Jonnu haenppa uɗie, gemu ele amu ag Kayaknu ɗo maɗoɗnu Nai Ena mehuqtteb. Amu danab oh ag Kayaknu ɗo maɗoɗ amu ooppa nokkulagnu wagai metteb.

Jon 5:3

Lag amuppa oɗe danab kuɗumnab, ag amelag gaɗuak, baelag laih nauhak, beɗulag laih mauhak ele daappig.

Jon 5:5

Aria, danab laa appa dayom amu nug maɗ 38 diɗi aɗak ele daattom.

Jon 5:7

Awa a amu oɗe danab oɗeppa awa aum. “Danab naɗi, haen le imu amemɗul medatte amu, danab laa da ehaniɗa le umuppa meiɗkkunu laa iitta. Da dakka le amu ooppa nokkulnu heiyi amu, laa nug da qe-eɗila, nug tatam anuqa notte,” awa aum.

1 Korint 6:11

Anukka ag oolagppa laala amubia oittappig, amge Kayak Nug he, hipunin ahilag iitta meum. Nug he, ag oppiaawak daatteb. Kayak Nug he, ag genab tutukku hak danab ah daatteb. Ihinig Kayak Nug amu oh Naɗi Jesus Kristus onigppa, amu nuhig Ouɗippa ele heum.

1 Jon 1:7

Amge Nug nukka amahlakppa daatte, amubia ig amahlakppa oittem dayeb amu, ig oh nug oo laippu ele nug doya dayakppa daattem, amu Nug Bekka Jesus, Nug tiig ihinig hipunin oh mihehe, ig oppiak daattem.