Jon 5:39 - Nobonob Baibel

³⁹ Ag Kayak nai yaak niitte, nai amu ebqena autna aona, ‘Nai amu bauklel hanhannu megatte,’ atteb, amge nai amuam dahilnu aakku atte

Jon 5:39 ပူးပေါင်းရင်းမြစ်များ

Sam 1:2

Nug Yawenu ɗonu oo huana heehe, dim lamidtte. Nug ɗo amunu tuqan, amun ele dabmak unuqag awawa daatte.

Sam 119:11

Da nahip-ppa hipunin qak hepa, da nahip nai da oolppa mein, dabmak dahilppa ele memi.

Sam 133:3

Baito, qauko Hermonnu na, keeke appa daatteb oh le madatte. Baito amubia Sion guguittak qauko daatteb, amuppa ele nette. Amu maɗoɗ ele laippu dayak am baito enanag amubia. Ge, kobol amuam enaib. Jerusalem appa amu, Yawe Nug danab ah bau hanhan dayaknu itittak ena madatte.

Sam 16:11

Na bau dayaknu ib da ippuniɗme. Ao, na da ele daattep amunu, da maɗoɗppan gamag ahak okkainab doottem, Ge, haen da na eppen naɗiap-ppa dayeye, da enanag doottem, hanhan anam dookkul.

Sam 21:4

Nug bau dayak medakkutnu oɗ mette, am na anam heme. Yo, nug bau haen elab dayaknu oɗ mette, na bau dayak elab mettan, na hanhan nuhigppan laa king daakkunu ame.

Sam 36:9

Aɗinu? Na aakkuib am bau dayaknu diig. Na aakkuib hee, danab ah ag bau daaglagnu keeke aon, bau daatteb.

Prowerb 6:23

Aɗinu? Haknunab anak ihinihppan imu, ag am lam laa bia. Ao, ihinih ippunittak imuam amahlak laa. Amu anak ihinih na tolitta, daut batebeb, na aokkut amu, amuam na bauklel daakkutnu ippu aakku.

Aisaia 34:16

Na Yawenu buk itoɗiak laappa neegna, amuppa aɗi yaak daatte ebqe! Am inam. “Doɗ amu laa am appa daakkunu ii uuma. Ag ohnab ahilag ehanittak ele appa daaglag. Yawe Nug amu bekkunu Nug oɗeppa haknunab mattiom amunu, am anam bekku. Nuhig Ouɗi Nug doɗ amu oh aguppa qagmaadkku amunu, am anam daakku.”

Aisaia 8:20

Gona, ag Kayaknu dabmak, nuhig ɗo naippa, nuhig nai laappa ele, ag amuppa anidna doyeg! Aun aɗi ag nai maditteb ele, ag Kayak nai bia ii maditteb dayeb, ag ahilagppa amahlak laa iitta.

Jeremaia 8:9

Danab ag akka, “Ig doyak dabmak ena ele aɗattem atteb,” amge ag da, Yawe, ag dahil nai geɗidna, ii dim lamidtteb, ag am doyak dabmak ena ele genab am iitta. Ag amu hetteb amunu, ag uɗa nak nau aoglag. Ag oo uug nau qak doon, ag doɗ pelemppa teum daatte, ag amubia daaglag.

Daniel 12:2

Kuɗumnab, ebqaknu iitta huanaknab moɗppa niitteb ele, ag eɗun ahaglag. Laa ag bauklel hanhannu aoglag; laa ag uɗa nak nau, laa noolagppa keeke hamunab doyak ele hanhannu aoglag.

Matyu 22:29

Ag anam aeg am Jesus Nug oɗelagppa awa aum. “Ag am Kayak nai ii doonna, Kayaknu ɠagattag ele ag ii dootteb amunu, ag madittebnu diignu doyak tutukku iitta ele daan, nai maditteb.

Mak 10:3

Ag anam oɗ mettaeg amu Jesus Nug oɗelagppa awa, oɗ mattom. “Keeke amunu amu Moses nug ɗo attem meum?” awa aum.

Mak 12:10

Jesus Nug anam ana, Nug tuɗitta aum. “Ag nai laa Kayak naippa daatte ele, ag iite ebqeppig. Nai amuam inam. ‘Men laa, lag hak danab ag men amu uuppig, amge lag mameg nug men amu awa me, lagnu men anuqak daatte.

Luk 16:29

Nug anam aum, amge Abraham nug aum. ‘Ag amu Mosesnu nai am Kayaknu propet dilag nai ele; ag am nai amu doyeg!’ awa aum.

Luk 16:31

Nug anam aum, amge Abraham nug amegppa aum. ‘Ag Mosesnu nai amu Kayaknu propet dilag nai ele doona ii dim lamidppeg amu, aria laippu laa nug mauhom, matmatppanu aha ukka amelagppa ab amu, ag amu ele geha ag oolagppa amunu genab ii doomna,’ awa aum.” Jesus Nug nai amu mattiom.

Luk 24:25

Aa anam aeh, Jesus Nug amelahppa aum. “Aa am danab dabmak tutukku iitta ele. Kayaknu propet ag nai amu mehuqppig, amge aa paha oolahppa genab dooglahnu ii hettep,” awa aum.

Luk 24:27

Nug anam amelahppa awowa, Nug Mosesnu naippa digme ukke, Kayaknu propet oh dilag nai ele nuhignu nai aum niitte amu, Nug amu oh diig mehuqom.

Luk 24:44

Nug amelagppa aum. “Anukka da ag ele daatta, da ag amelagppa dahilnu nai oh Mosesnu ɗoppa, amu Kayaknu propet dilag yaakppa ele, nai amu oh bekkuoitte ami,” awa aum.

Jon 1:45

Anam a amu Pilip nug Nataniel mattia antta, amegppa aum. “Danab Moses nug anukka ɗo naippa nuhignu yom, propet ag ele nuhignu yaappig amu, ig aakku anidmut. Nug am Josep bekka Jesus, Nasaret ted,” awa aum.

Jon 5:32

amge laa daatte, amu Kayak, Nug dahilnu maditte. Amu da doottem, Nug nai tutukkuib maditte.

Jon 5:36

Amge keeke laa ele, Mame Nug da meiɗe uɗimi amu ippunadtte. Keeke amuam Jonnu nai eɗidtte. Keeke amuam uɗat da hettem imu. Da Mamel Nug da amu hein malakkulnu meiɗe uɗien hettem.

Jon 5:40

amunu, aɗinu ag da gumiɗna uɗina, bauklel aoglagnu ii hetteb?

Jon 5:46

Ag Mosesnu nai oolagppa genab doolob amu, ag dahilnu ele oolagppa genab doolob. Aɗinu? Nug am dahilnu nai yom.

Jon 7:52

Nug anam a amu, ag nuhig nai inam nob meppig. “Na ele am Galili ted amunu na doyak iittatai? Na nai atognona ebqena am tutukku anidna dookkut. Propet laippu laa nug Galili appanu iinab bema,” aon appig.

Aposel 13:27

Aria, danab Jerusalem daatteb amu ahilkad ikki danab ele, ag Jesus anidna, ag Nug am laa propet ag uɗikkunu appig amu, ag amu oolag ii maittom. Anam amge haen ag Nug qeeg mauhom, haen amuppa ag propet dilag yaak, Sabat deɗ ohppa ebqetteb ele amu, ag hena, ag nai amu elele medappig.

Aposel 17:11

Am Juda danab Beria daappig amu, ena haknu, ag diilag am Juda danab Tesalonaika daappig eɗittak. Aɗinu? Ag nai Pol mattiom ele dooglagnu oolag ahe, ag doon autna aoppig. Ag doon aon, Pol nai attom am genabte, o iitta genab iittate amu, ag amu dooglagnu deɗ ohppa Kayak nai ebqeppig.

Aposel 26:27

Pol nug nai amu Pestus amegppa awowa, nug eɗua Agripa amegppa aum. “King Agripa, na propet nai ootppa genab doottemte?” awa aum. Pol nug anam ana, nug nai tuɗitta, nug nukka oɗmak nuhig nob ma aum. “Yo, da doottem. Na ootppa genab doottem,” awa aum.

Rom 1:2

Kayak Nug anukka Nai Ena amu megakkunu nai qakka a, nuhikkud propet ag aon, Kayak naippa yaaeg noum.

Rom 3:2

Yo, ag Juda daanna, gaɗa otaɗak aona, ehanittak digdig aoppig. Keeke anuqaknab amu inam. Kayak Nug nai nuhignab Juda ag atognona dim lamidkkulagnu mattom.

Duteronomi 18:15

Yawe, ahilag Kayak, Nug ag ehanadkkunu geha ahilagppanu propet danab laa da bia nug epeɗikku amunu, ag propet amu nug aɗi nai ag amelagppa mattieb amu, ag nug oɗe doyeg!

Duteronomi 18:18

amunu da nai ag amelagppa akkulnu amu, da geha danab laa ag oolagppanu na bia epeɗidkkul. Da geha dahil nai propet amu medappi, nug ag amelagppa nai oh da nug madakkununab appi amu, nug tutukku ab dooglag.

Duteronomi 29:29

Yawe, ihinig Kayak, Nug haen gemunu keeke, o butti aɗinu keeke amu, Nug amunu diignu doyak tutukku oh ig ii mekkom, amge ig, amu ig buɗunkad ele ɗo mekkom, Nug ig amu dim lamittaknu haknunab anak nai ihinignu aum.

Duteronomi 32:47

Aɗinu? Dim lamitta haknu nai imuam hamu iitta. Laa amu, nai amu ag bauklel madakku. Ag dim lamidkkulag dayeb amu, ag wan Jodan le mataɗna nona aon daaglagnu hetteb ele, ag haen elab wan amuppa daaglag,” awa aum.

Kolosi 3:16

Kristusnu nai enanag meu ele ag oolagppa daakkuoitte! Ag akka akka doyak dabmak ena eleppa nug ippunidnana, nug ehanittak ele heig! Ag oolagppa Kayak amegppa, “Ena hen mekkame” anana, ag sam, mettidnu ahi, amu Kayak binag maknu ahi ele etteg!

Hibru 11:16

amge anam am iitta. Ag appalag ena dimppanu, hab aabppa amunuib dabmeppig amunu Kayak Nug, “Da ahilag Kayak,” akkunu amu uɗa ii nette. Iitta. Nug aab enanag, ag daaglagnu babaittom daatte.

Hibru 11:35

Aria, danab ag oolagppa genab dooppig ele, ag heeg, danab laala mauhppig ele ag eɗun hippaidna, ag waalkad ele baula daappig. Amu laa ag oolagppa genab dooppig ele, ag oolagppanu laala kekeɗ ahilkad ag eheɗnab hattanna, beɗulag heeg nauha auta awom, amge ag mauhona, dimppa eɗun hippaidna, bauklel hanhannu, wan imuppan bauklel eɗittak, ag amu aoglagnu aakkuib dabmeppig; ag Kayak dimedappeg, kekeɗ uuadppeg gokkulagnu dab-ii-meppig.

Josua 1:8

Na haen oh Ɗo Nai Buk imu ebqena autna awe! Na keeke oh ɗo yaak imuppa tutukku elele dim lamidkkutnu elele daakkutnu, na tuqan, amun ele ippunidtte, na amunu dabmak unuqag aonna daye! Aɗinu? Na anam hekkut dayeb amu, na aɗi aɗi hekkut amu, na heppe, ena beeb, na doyak dabmak ena ele aɗan oikkut.

Revelesen 19:10

Anam a amu da nug noobppa dup noin binag mekkulnu nug baegppa laippun gatel qaun oin gomelen, iɗul wanppa memi, amge nug da amelppa aum. “Na anam ii hemana! Da na, amu na laipad ele, ag oh Jesusnu oolagppa genab doonna, nuhignu mehuqtteb ele, da na ag ele, ig oh am Kayaknu maɗi nid. Na Kayak noobppa dup nona binag me! Aɗinu? Propet ag Kayak Ouɗi ɠagattagppa Jesusnu mehuqak heppig, amubia Jesusnu mehuqak oh am Kayak Ouɗi ɠagattagppa bette,” awa aum.