Jon 5:37 - Nobonob Baibel

³⁷ Aria Mama Nug da meiɗe uɗimi ele amu, Nug dahilnu mattiom, amge ag Nug baag ii dooppig, gemu ele ii dootteb, ag Nug iɗu ele ii anidppig, gemu ele ii anidtteb.

Jon 5:37 ပူးပေါင်းရင်းမြစ်များ

Eksodas 20:19

ag Moses amegppa appig. “Kayak Nug na amenppa aɗi nai ab amu, na nakka nai amu ig amenigppa madippe, ig doognig, amge ig mauhmatanu na appe, Kayak Nug ig amenigppa nai baula ii mattima,” aon appig.

Aisaia 26:10

Nau hak danab ah amu, ag genab tutukku hak kobol ii dootteb. Na ahilagnu kobol ena attem hekkut am ii ehanadma. Iitta. Ag eɗun, genab tutukku hak kobol hekkulagnu iinab dabmemana. Ag danab ah genab tutukku hetteb imu oolagppa daatteb, amge ag ahilag hak nau am ii uutteb. Ag tuɗidna henana, ag Yawe, Nug dagom onig ɠagattag ele daatte amu, ag amu dab-ii-metteb. Iitta!

Matyu 17:5

Nug anam mattieye, lombig hakkab amemɗia awak ele tonattette, lombig ooppanu baag laa inam a dooppig. “Imuam da Bekkal, da nuhignu ool mauhtte. Da nuhignu enanag doottem. Ag nuhig nai doyeg!” awa aum.

Matyu 3:17

Kayak Ouɗi anam ne amu, baag laa hab aabppanu aum. “Imuam da bekkal, da nuhignu ool mauhtte. Nuhignu ele da oolppa enanag doottem,” ewa aum.

Mak 1:11

Kayak Ouɗi Nug ne, baag laa hab aabppanu Jesus amegppa aum. “Na am da bekkal, da nahipnu ool mauhtte. Ele amu, da nahipnu oolppa enanagnab doottem,” awa aum.

Luk 24:27

Nug anam amelahppa awowa, Nug Mosesnu naippa digme ukke, Kayaknu propet oh dilag nai ele nuhignu nai aum niitte amu, Nug amu oh diig mehuqom.

Luk 3:22

Kayak Ouɗi Nug uppuɗil beɗulag nakok laabia nug qaɗeppa ne, baag laa hab aabppanu Jesus amegppa aum. “Na am da Bekkal, da nahipnu ool mauhtte. Ele amu, da nahipnu oolppa enanag doottem,” awa aum.

Jon 1:18

Danab laippu laa nug haen laa Kayak ii anttom. Iittanab. Kayak Bekka laippunab, Nug Kayak ele ouqak daattep amu, Nug aakkuib anitta doya, Kayak ippunikkom.

Jon 14:9

Pilip anam a amu, Jesus aum. “Pilip, haen elabnab da ag ele daamut, am na iite dooiɗttem? Danab nug da aniɗtte amu, nug Mama anidtte. Am aɗinu na Mama anidkkutnu oɗ meɗattem?

Jon 15:24

Da kobol danab hekkunu elele iitta, danab laa ii heum ele ahilagppa ii helom amu, ag hipuninnu aab iitta daalob, amge ag anadna, hamu bia doona, da amu da Mamel ele ag ihinihnu nau ninig ele dooppig.

Jon 5:32

amge laa daatte, amu Kayak, Nug dahilnu maditte. Amu da doottem, Nug nai tutukkuib maditte.

Jon 6:27

Ag ee aon lappeg, beɗulag ɠagattag qeeb, wan imuppaib ena daaglagnu aib anuqak dooppig. Iitta. Ag Kayak nai aon dabmenan, bauklel hanhannu aoglagnu anuqak doyeg! Mama Kayak Nug da ag amu madakkulnu ɠagattag meɗom amunu amu, Danab Bekkalag da, da ag madakkulnu elele,” awa aum.

Jon 8:18

Da dakka da dahilnu nai madittem, Mame, Nug da meiɗe uɗimi ele amu, Nug ele dahilnu nai maditte,” awa aum.

Duteronomi 4:12

Aakku Yawe Nug aab dittiak ooppanu ag amelagppa nai mattiom. Ag nai mattiom dooppig, amge ag beɗu am ii anidppig; baag aakkuib dooppig.

1 Timoti 1:17

Amu Kayak, Nug am keeke ohnu king hanhan daatte, Nug ii mauhtte, ig Nug anidkkunignu elele iitta, Nug aakkuib am Kayak. Binag, amu binag amahlak oppiaawak ele hanhan alet ele nuhigppa dayaɗ! Genab.

1 Timoti 6:16

Nug nukka aakkuib ii mauhtte; hanhan daatte. Amahlak ig gukkuidta gokkunignu elele iitta ele amu Nug amuppa daatte. Danab laippu laa ele Nug ii anttom, laa anidkkunu ele elele iitta. Nug binag amu nuhig ɠagattag haen oh ele nuhigppa dayeɗ! Amu genab.

1 Jon 4:12

Genab danab laippu laa nug Kayak ii anttom, amge ig nug oo mauhak kobol hettem dayeb, Kayak Nug ig oonigppa dayeye, nuhig oo mauhak kobol ihinigppa elelenab mette.

1 Jon 4:20

Am laa nug, “Da Kayaknu ool mauhtte” atte, amge nug layagnu nau ninig ele dootte amu, nug am hambuppuak danab. Aɗinu? Danab nug layag laa antta malom ele, nug nuhignu oo mauhak ii dootte dayeb, nug attem ha, Kayak, nug Nug ii anttom amu, nug nuhignu oo mauhak dookku?.

1 Jon 5:9

Ig hettoɗiakppa danab dilag nai am genab doottem, amge Kayaknu nai am danab dilag eɗittaknab. Aɗinu? Kayak Nug amu mattiom. Aria, Nug Jesusnu ippunikkom amunu, ig oonigppa genab doognignu elelenab.