Jon 5:34 - Nobonob Baibel

³⁴ amge danab ag dahilnu maditteb, da amunu dabmak okkai ii aottem. Iitta. Amge ag Jonnu nai dabmena, dahilnu oolagppa genab dooppeg, Kayak Nug ag eɗua diikkunu amu, da amunu Jonnu nai amu mattimi.

Jon 5:34 ပူးပေါင်းရင်းမြစ်များ

Luk 13:34

O Jerusalem, O Jerusalem, na propet aqae mauhtteb, maɗi nid Kayak nahip-ppa maatte uɗitteb ele amu, na ag ele menppa aqae mauhtteb. Da haen kuɗum na begapad, matuk anig nug nakkud haugppa qagmaatta tonadtte, amubia qagmaadkkulnu hemi, amge ag uuppig.

Luk 19:10

Anam ana, Nug nai tuɗitta aum. “Danab Bekkalag da amu, da danab ag padal meppig daatteb ele, da ag eɗuen diiadkkulnu uɗimi,” awa aum.

Luk 24:47

Amge laa ele ippunigtte. Amuam Kristus Nug hibaitteb, ⌊nuhikkud danab⌋ ag Kristus onigppa wan atu ohppanu danab ah amelagppa ag Kayak Nug danab ah dilag hipunin uhuqa madakkunu, ag oolag eɗuglagnu mehuqkkulagoitte. Ag uɗat amu Jerusalem digmekkulag. Kayak nai anam ippunigtte.

Jon 20:31

Amge yaak imu daatte amu, ⌊ag ebqetteb ele,⌋ ag ebqenana, ag Jesus, Nug am Kristus, Kayak Bekka daatte, ag amu doona, oolagppa genab dooglagnu daatte. Amu yaak imu daatte amu, yaak amuam ag Jesusnu ooppa genab doyakppa ag bauklel hanhannu aotteb oolagppa genab dooglagnu ele daatte.

Jon 5:32

amge laa daatte, amu Kayak, Nug dahilnu maditte. Amu da doottem, Nug nai tutukkuib maditte.

Jon 5:41

Da danab ag da binal mekkulagnu ii dabmettem,

Jon 8:54

Aon aeg amu Jesus oɗelagppa awa aum. “Da dakka da binal amahlak oppiaawak ele daakkulnu hekkul dayeb amu, dahil binal amahlak oppiaawak ele amuam hamu. Amge da Mamel, ag nuhignu, ‘Nug am ihinig Kayak,’ oɗelagib atteb amu, Nug da binal amahlak oppiaawak ele daakkulnu hette.

Rom 10:1

O lailad, Kayak Nug danab dahilad, Israel, ag eɗua diikkunu ool unuqag ele doyeye, da amunu Kayak unuqidttem.

Rom 10:21

Amge Israel dilagnu amu nug aum. “Da amu hein, amu da deɗ oh amun tuqan ele danab ah ag oɗe ii dim lamittak danab ah, ag ahilag dabmak ɠagattag eppak daatte, da ag ehanadkkulnu heinne daami.”

Rom 12:21

Aria na aib heppe, kobol eheɗ na eɗittom. Iitta! Na kobol ena henana, na kobol eɗitte!

Rom 3:3

Genab, Juda danab laala ag nai amunu oolagppa genab ii dooppig, amge ooppa genab ii doyak ahilag amuam he, Kayak Nug aɗi hekkun attenu oo metta ii uuak kobol dim lamidtte, am nuhig kobol amu iitta meumte?

1 Korint 9:22

Amu da danab ɠagattag iitta oolagppa dayeye amu, da danab ɠagattag iitta bia daami. Da danab ɠagattag iitta amu diiadppig, ag Kristusnu oolagppa genab dooglagnu anam hemi. Da am danab oh ag ahilag kobol atten attenppa oitteb amu, da ag diilag amu awe, da ag oolagppan laa ehanatti padal ii memananu uɗat kuɗum heinne daattem.

1 Timoti 4:16

Na nakka kobol na hettem, amu nai, na amu danab ah ippunadttem ele amu, na amu oh atognona dabmenana he! Na uug doyaya eɗittaknuib dabmak awak kobol dim lamidna, anam he! Aɗinu? Na anam hekkut amu, uɗat nahip amuppa na laa nahip nai dootteb, na nakka nahipnu ele, na ag oh ehanadppe, ag ib ii apiɗidmana.

1 Jon 5:9

Ig hettoɗiakppa danab dilag nai am genab doottem, amge Kayaknu nai am danab dilag eɗittaknab. Aɗinu? Kayak Nug amu mattiom. Aria, Nug Jesusnu ippunikkom amunu, ig oonigppa genab doognignu elelenab.