Jon 5:28 - Nobonob Baibel

^28-29 Anam amunu, ag dabmak kuɗum aib aoppig. Aɗinu? Haen laa uɗieb, danab oh mauhppig, moɗppa niitteb ele, ag da baal doona, ag mauhak aben uuna, eɗun hippaidkkulag. Am danab ag kobol ena heppig ele ag eɗun hippaidna, bauklel daaglag. Danab ag kobol eheɗ heppig ele, ag eɗun hippaidna, ag hettoɗiakppa daaglag.

Jon 5:28 ပူးပေါင်းရင်းမြစ်များ

Aisaia 26:19

Ig anam daamut, amge ⌊O Yawe, nahipad⌋ huu mauhna, moɗppa daatteb, ag geha eɗun ahaglag. Ag beɗulag eɗua, bau ahakku. O ag danab ah, ag matmatppa niitteb amu, ag eɗun, bau ahan gamalag ahebeb, ag eig! Aɗinu? Yawe Nug heeb, tuqan baito wan qaɗaiettakppa na, leppu mette, gikkiɗah bau bette, amubia ag moɗppa daatteb ele, ag eɗun ahaglag.

Daniel 12:2

Kuɗumnab, ebqaknu iitta huanaknab moɗppa niitteb ele, ag eɗun ahaglag. Laa ag bauklel hanhannu aoglag; laa ag uɗa nak nau, laa noolagppa keeke hamunab doyak ele hanhannu aoglag.

Hosea 13:14

Da geha ehanittak okkaippa ag moɗnu qagaiettakppanu uhuqadkkul. Ao, da mauhaknu qagaiettakppanu eɗua uhuqak hein madakkul. Da anam heppi, danab ah ag akkulag. ‘O Mauhak, na attem heppe, danab ah ag oɗe nau danab kuɗum aqe mauhtteb ele digdig amu aon mauhkkulag? O Boumak Aben, na attem heppe, danab ah ag nauhkkulag?’ aon akkulag. Haen amuppa da ag ehanadkkulnu dabmettem amu, dabmak amuam iinab baolima.

Jon 3:7

Anam daatte, amu da na bau menuak aokkutoitte ami amu, na amunu dabmak kuɗum aib aome.

Jon 4:21

Anam a amu, Jesus oɗeppa awa aum. “Ah, na dahil nai ootppa genab doye! Haen elab iitta ag baula Mame Kayak Nug noobppa dup nona binag mekkulagnu qauko imuppaib Nug noobppa dup nona binag ii memana, o Jerusalem appaib ele Mame Kayak Nug noobppa dup nona binag ii memana.

Jon 4:23

Amge haen aakku uɗiom, danab ag Nug noobppa dup noa binag mak genab hekkulagnu amu, ag Kayak Ouɗi, nuhig ehanittakppa, amu doyak diig genabib eleppa Mame noobppa dup nona binag mekkulag. Dup noa binag mak anam amu, Mame Nug oo daatte.

Jon 5:20

Mama Nug dahilnu oo mauhtte amunu, keeke oh Nug hette ele, Nug da ippuniɗom. Nug geha uɗat kuɗum okkainab, keeke amu oh eɗittak ele, ag ottaina dabmak kuɗum aoglagnu ippuniɗkku.

Jon 5:25

Da genabnab genab ag amelagppa attem. Haen laa uɗikkunu hette, gemu iikku uɗiom amu, mauhak aɗi ag Kayak Bekka da, da baal dooglag. Am danab amu oolagppanu aun aɗi ag amu doona amu, ag bau daaglag.

Aposel 24:15

Da amu oolppa genab doottem, amu da keeke laa elenu dabmak aɗa ameg ma dayak doottem, danab imu hetteb, amubia. Amuam Kayak Nug geha heeb, genab tutukku hak danab, amu danab nau ele oh ag eɗun hippaidkkulag.

Aposel 3:12

Ag anam heeg, Pita nug anatta, nug amelagppa inam aum. “Israel danab, ag aɗinu keeke imunu dabmak kuɗum aotteb? Amu diig aɗinu ag i iya, ihinih ɠagattagppa, o iitta i iya ihinih ena hakppa i heuɗ, danab imu nug aha tappa oitte dabmak aona, ag amelag behabe, i neekkit-tteb? Anam iittanab, iitta.

1 Korint 15:22

Amu inam. Adam hipunin heum amunu, danab oh mauhtteb. Anamib aakku Kristusnu uɗat okkaippa amu, danab oh ag bauklel aoglag.

Pilipai 3:21

Geha Kristus Nug ɠagattag nuhigppa keeke oh Nug waappaib maatteb daaglag ele, ɠagattag amuppa Nug heeb, ig beɗunig mauhtte imu, am Nug beɗu enanagnab binag ele bianab bekku.

Revelesen 20:12

Da aakku danab mauhadppig, okkai nakok ele oh, Nug noobppa hippaidna daaegeg anadmi. Nug buk laala kolattom amu buk laa, amuam buk onig Bauklel Awe Onig Yaaknu Buk, Nug buk amu ele kolom. Danab mauhadppig amu ag aɗi heppig, buk laalappa epeɗiaknu amu yaak niitte amuppa epeɗiattom. Amu oh ag aɗi heppig amuppa epeɗiattom.