Jon 5:21 - Nobonob Baibel

²¹ Mama Nug laa mauhppig maɗatte ahaeg, bau dayak madatte, amubia Nug Bekka da, da ele aun aɗi bau dayak madakkulnu dabmaknab aottem amu, da madattem.

Jon 5:21 ပူးပေါင်းရင်းမြစ်များ

1 King 17:21

Elaiya nug anam unuqitta mala, nug ukka, nug beɗu nid beɗu qaɗeppa ma tona niie, ewam bate, nug Yawe unuqitta aum. “O Yawe, na Kayak dahil, na heppe, nid imu nug eɗua, bau mekkunu oɗ medattem,” awa unuqittom.

2 King 5:7

Israel dilag king nug uɗug amu ebqewowa, nug oo uug dayom. Nug oo uug dayeye, nug nuhig lamen elab aɗa pattiɗa, nug aum. “Da am Kayakte? Da heppi, danab mauheb, heppi, nug eɗua, bau ena daakkunu elelete? Da doottem, Aram dilag king nug banel uɗia, iweb mauhkkulnu ib mattiaya, danab imu gaɗa oɗe nau ele dahilppa me uɗiom, aakkuib,” awa aum.

Jon 11:25

Anam a amu Jesus Nug aum. “Da am eɗua hibaittaknu diig, bauklel hanhannu diig ele. Laa nug dahilnu ooppa genab dootte ele nug mauhkku, amge nug bauklel aokku;

Jon 6:63

Ag doyeg! Kayak Ouɗi nukka, Nug danab bauklel medatte; danabnu ɠagattag am elele iitta. Am nai da ag mattami imuam Ouɗi, am bauklel ele.

Aposel 26:8

Amge Kayak Nug heeb, danab ag eɗun hippaidkkulagnu elele iittate? Aɗinu ag daatteb oolagppanu laa ag amunu uug dootteb?

Rom 8:11

Kayak Nug he, Jesus eɗua hibaittom ele, Nug nuhig Ouɗi ag oolagppa daatte dayeb, Kayak he, Kristus eɗua hibaittom ele, Nug geha ag beɗulag mauhtteb ele am bauklel, Ouɗi nuhig, ag oolagppa daatte ele, nuhigppa ag madakku.

1 Korint 15:45

Kayak naippa, nai amunu inam daatte. “Danab Kayak digmakppa heum, onig Adam amu, Kayak he, nug am bau dayom.” Amge dimppanu Adam, Nug am Ouɗi laa, bauklel megatte.

Duteronomi 32:39

Antteg! Da dakka, da Kayak laippu daattem; kayak laa ⌊ag ehanadkkunu⌋ da heqolppa ii daatte. Da dakka Kayak daattem. Da danab bau dayak madattem, amu da bau dayak amu eɗue aɗattem. Da danab eheɗ hedattem, amu da danab ehanatti, ena daatteb. Auntai laa, dahil hak nuhigppa hekkulnu hettem, nug amu qe-eɗitta, oola gokkunu elelete? Iitta!