Jon 5:14 - Nobonob Baibel

¹⁴ Danab amu nug Jesus ii doyom, amge dimppa Jesus Nug danab amu Kayaknu mettid lakka appa antta amegppa aum. “Antte! Gemu na beɗun pahaettom. Uug naɗinab na tonidmanu, na hipunin tuɗidna aib heme,” awa aum.

Jon 5:14 ပူးပေါင်းရင်းမြစ်များ

2 Stori 28:22

Uug digdig amu be, King Ahas nug doyom, amge uug amu beebe, nug eɗua, Yawe dim ii lamittom. Iitta. Nug tuɗitta, Yawe ippunittomnu oo metta ii uuak kobol dim lamidkkunu uua auta autanab awa oiyom.

Nehemaia 9:28

Na ag ehanatte, ag ahilkad kekeɗ eppelagppa ii daan, ag eɗun, kobol laala, kobol amuam nahip neekkakppa kobol eheɗ daatteb ele amu, ag kobol amu heppig. Ag anam heeg, na baula uuatte, ahilag kekeɗ ag eɗatteg, ag kekeɗ eppelagppa eɗun daaeg, kekeɗ ag ahilkad okkai daan, aɗi haknu appig ag aakku heppig. Ag anam daaeg ukke, nahipnu baula gaaeg, na hab attan daanna doon, ahilagnu oot bodoetta, le me, na hee, ag ahilkad kekeɗ eppelagppa ii daappig. Haen kuɗum ag anam anamib heppig

Sam 118:18

Yawe Nug da ena daakkulnu bu ɠagattag da meɗom, amge Nug da mauhpanu ehaniɗe, da ii mauhmi.

Sam 18:22

Laa amu, Yawenu ɗo oh am hanhan dahil neekkakppa daatteb. Ao, da nuhig ɗo dim lamidkkulnu iinab uumi

Sam 27:6

Amunu da kekeɗ ag da taliliɗppig daatteb, da ag eɗatten, ool gamag huana ahebeb, mettid haknu peh lagppa mana mettak hekkul. Da ahi edette, musik heinne, Yawe binag humakkul.

Sam 9:13

O Yawe, na dahilnu oot gai-iitta doon oot meɗan ehaniɗkkutnu oɗ medattem. Ao, na da laa ag dahilnu nau ninig ele dootteb, na da ag eppelagppa daaiyi, ag eheɗ heiɗtteb anidkkutnu oɗ medattem. Ge, na da mauhakppan eɗun awiɗkkutnu unuqidttem.

Aisaia 38:20

Yawe Nug ehaniɗe, da ii mauhmi amunu, ig bau daattem ele, ig haen amu ohppa nuhig mettid lagppa Nug onig humagnignu musik gitappa, amu keeke gita biappa hetat daagnig.” Hesekaia nug ahiettak anam yom.

Aisaia 38:22

Amge tatam Hesekaia nug Aisaia inam oɗ mettom. “Yawe Nug da geha eɗue bau mein, nuhig mettid lakka gokkulnu aum amu, nug geha at aɗi, da nai amuam genab bekku dookkulnu meɗakku?” awa oɗ mettom. ⌊Nug anam oɗ mette, Yawe Nug he, lokko adqaɗppa dayom, lokko amu aben dayomppanu eɗua teum.⌋

Lewitikas 13:20

Am mana mettak danab nug mamattin amegppa gaɗa oɗe amu ba, tebuppa noak dayeb anitta, beɗu uɗig gaɗa oɗe abenppa am hakkab eppa ukkak anidkku dayeb amu, mana mettak danab nug danab amu nug Kayak ele ouqa dayaknu elele iitta awa akku. Amuam gaɗa oɗe nau ele aakku. Amuam mamattin qakppa beum.

Lewitikas 26:27

Da anam heppi, bu awak amuppa ag oolag ii eɗueb, ag dahil nai ii doon, dahil kekeɗ tuɗidna daaglag dayeb amu,

Lewitikas 7:12

Laa nug Yawe amegppa, ‘Ena heme,’ awa akkunu ha, nug ena heme anaknu ofa hekku dayeb, nug doɗ awa, mana mettak hette haaha, nug bret batappatak, yis iitta, goɗen ele kaboliak laala, bisket teppu iitta, yis iitta, goɗen qaɗeppa laittak ele laala, amu bret batappatak, plaua enanag, goɗen ele kaboliak ele, nug amu oh mana mettak amu ele mekkuoitte.

Matyu 12:45

nug eɗua ukka, ouɗi nau eblaih aɗit laa ele, ag ahilag ɠagattag kobol nau hekkulagnu nug eɗittak ele, nug amu diie, nug ele uɗitteb. Uɗin, ag lag amu ooppa nona daatteb. Noeg amu danab amu anukka nau dayom, amu gemu nug naunab daatte. Amubia danab ah haen gemu imunu ahilagppa am anam bekku,” awa aum.

Mak 2:5

Paɗaeg noum amu, Jesus Nug ooppa genab doyak ahilag antta, Nug oɗe danab amegppa aum. “O nan, nahip hipunin oh da uhuqe medattem,” awa aum.

Jon 5:13

Ag anam oɗ medappig, amge danab beɗu ena dayom ele nug danab aun he, nug ena dayom ele amu, nug ii doyom. Aɗinu? Danab kuɗum appa daappig amunu, Jesus Nug ag oolagppa ukka qettoɗom.

Jon 5:5

Aria, danab laa appa dayom amu nug maɗ 38 diɗi aɗak ele daattom.

Jon 8:11

Anam a amu ah nug aum. “Naɗi, laippu laa anam ii heum,” awa aum. A amu Jesus aum. “Da ele na nob nau aokkutnu ii apa; na gona hipunin baula aib heme,” awa aum.))

1 Pita 4:3

Danab ag Kayak bekkod iitta, ag kobol nau digdig hetteb. Aria, ag gemu nai imu aotteb amu, ag ele anukka kobol anamib hedappig, amge gemu ag ii hetteb. Laa ele amu, ag baula aib heppig! Kobol amuam inam. Hipaɗu ahak kobol, oo hak nau kobol, le ɠagattag lawowa kaaka qak kobol, goɗak qiɗ nau ele hak kobol, le ɠagattag lana mauhnoak oiyak kobol, kayak hambuppuak binag mak kobol ele; Kayak Nug kobol amunu ooppa uuaknab dootte.