Jon 4:48 - Nobonob Baibel

⁴⁸ Jesus Nug nug amegppa inam aum. “Da heppi, ag Kayak dabmettaknu kobol danab haknu elele iitta digdig ii anidkkulag amu, ag oolagppa genab iinab dooglag,” awa aum.

Jon 4:48 ပူးပေါင်းရင်းမြစ်များ

Daniel 4:2

Da Kayak Attannab Laa Oh Eɗattak, Nug nuhignu dabmettaknu kobol danab haknu elele iitta, amu uɗat ɠagattagnab ele, Nug dahilnu heum amu appi dooglagnu gamag ahak doottem.

Daniel 6:27

Nug danab ehanatte, ag qagaiettakppa ii daatteb. Nug ehanatte, ag padal ii metteb, Nug habppa, wanppa ele uɗat naɗi, Nug heumnu at daatte amu uɗat ɠagattagnab ele hette. Nug Daniel ehanitte, qagaiettakkppa ii dayeye, laion ag nuhignu eheɗ laa ii heppig,” awa yom.

Namba 14:11

Ag antteg amu, Yawe Nug Moses amegppa aum. “Danab ah imu ag dahilnu, ‘Keeke hamunab,’ dootteb; amu haen gane laa ele ukkeb, ag dabmak amu uuglag? Da ag oolagppa dahilnu dabmettaknu kobol danab haknu elele iitta iɗu iɗu hattami, amge ag dahilnu oolagppa genab ii dootteb. Amu haen gane laa ele ukkeb, ag dabmak amu uun, ag dahilnu oolagppa genab dooglag?

Matyu 16:1

Deɗ laa ɗo gumak danab-Parasia amu ɗo gumak danab-Sadyusi ele ag Jesus gumidna gona, ag Jesus ma anttak mettanna, Nug Kayak dabmettaknu kobol danab haknu elele iitta laa heeb anidkkulagnu oɗ medappig,

Matyu 24:24

Aɗinu? Geha danab laa ag hambuppuna, ‘Da am Kristus,’ o ‘Da am propet,’ akkulag. Ag anam anana, ag epponak keeke danab haknu elele iitta okkainab, amu kobol danab haknu elele iitta laala ele hekkulag. Ag amuppa Kayak danab ah, nuhikkud tituanattom ele, ag agnab hambuppualadkkulagnu hekkulag, amge elele iitta.

Matyu 27:42

“Nug danab laa ehanattom, amge nug nugakka ehanidkkunu elele iitta. Nug am Israel dilag kingde! Nug ad emaitak uua, honap neeb amu, ig nuhignu oonigppa genab doognig.

Mak 13:22

Aɗinu? Geha danab laa ag hambuppuna, ‘Da am Kristus,’ o ‘Da am propet,’ akkulag. Ag anam anana, ag epponak keeke danab haknu elele iitta, amu kobol danab haknu elele iitta laala ele hekkulag. Ag amuppa Kayak danab ah, nuhikkud tituanattom ele, ag ag hambuppualadkkulagnu hekkulag, amge elele iitta.

Luk 10:18

Anam aeg am Jesus Nug ag amelagppa aum. “Da Satan nug amemɗi bia hab aabppanu na qeeqe anidmi.

Luk 16:31

Nug anam aum, amge Abraham nug amegppa aum. ‘Ag Mosesnu nai amu Kayaknu propet dilag nai ele doona ii dim lamidppeg amu, aria laippu laa nug mauhom, matmatppanu aha ukka amelagppa ab amu, ag amu ele geha ag oolagppa amunu genab ii doomna,’ awa aum.” Jesus Nug nai amu mattiom.

Jon 12:37

Jesus Nug danab ah kuɗum amelagppa Kayak dabmettaknu kobol danab haknu elele iitta kuɗum heum, amge ag nuhignu oolagppa genab ii dooppig.

Jon 15:24

Da kobol danab hekkunu elele iitta, danab laa ii heum ele ahilagppa ii helom amu, ag hipuninnu aab iitta daalob, amge ag anadna, hamu bia doona, da amu da Mamel ele ag ihinihnu nau ninig ele dooppig.

Jon 2:18

Anam daye amu, Juda okkai ag amu anidna, ag Jesus amegppa appig. “Na Kayak dabmettaknu kobol danab haknu elele iitta aɗi laa heppe, ig anidta, na heme imu hekkutnu ehah ele daattem amu, ig doognig?” aon appig.

Jon 20:29

Nug anam a amu, Jesus nug amegppa aum. “Na amu amenppanab da aniɗna, na ootppa genab doome. Laa ag da ii aniɗna, oolagppa genab dootteb amu, ag itittak ena aoppig daatteb,” awa aum.

Jon 4:49

Nug anam a amu gabmannu ikki danab nug aum. “Naɗi, nid dahil mauhmanu paha ne!” awa aum.

Aposel 14:3

Amunu Pol, Barnabas ele aa haen elab Aikoniam appa baɗak iitta ele Naɗinu nai mehuqeh, Naɗi Nug ɠagattag mate, aa Kayak dabmettaknu kobol danab haknu elele iitta kuɗum digdig ele hepiɗ. Anam heeheh, amuppa Naɗi Nug nuhig ehanittak okkai hamu mettaknu nai, amuam genab, danab ah ippuanattom.

Aposel 15:12

Pita nug nai amu anam mattieye, ag qagmak amuppa daappig ele, ag nai laa ii madippig. Ag nai ii mattieg amu Pol, Barnabas ele aa nai mattieheh, amuib dabmettaegeg, aa Kayak Nug aa eppelahppa Kayak dabmettaknu kobol danab haknu elele iitta kuɗum, digdig ele, iitta aɗi oolagppa heum amunu madipiɗ.

Aposel 2:19

Amu da heppi, habppa uɗat ɠagattagnab beppeg, wanppa dahilnu dabmettaknu kobol danab haknu elele iitta ele bekkulag. Kobol amuam inam; tiig, aab ewak, amu aab kah huanaknab tak ele daaglag.

Aposel 2:22

Amu Israel danab ag nai imu doyeg! Da ag amelagppa Jesus, Nasaret ted, nuhignu appi dooglag. Ag akka aakku dootteb, Kayak Nug ehanitte, Nug ag oolagppa kobol danab haknu elele iitta, uɗat ɠagattagnab, Kayak dabmettaknu kobol danab haknu elele iitta digdig heum. Kayak he, Jesus anam heum, amuam Kayak Nug Jesus me neum ippunadtte.

Aposel 2:43

Ag anam henana, danab ah oh ag Kayaknu ebehilag oh bodoetta le meum. Amu Kayak Nug totol danab 12 eppelagppa nuhignu dabmettaknu kobol danab haknu elele iitta kuɗum, digdig ele heum.

Aposel 4:30

Laa ele amu na Jesus, nahip maɗi nid oppiaawak ele amu, na Nug onigppa eppen bahin, oɗe danab aɗualadppe, ag eɗun ena daaglagnu unuqidttem. Kayak dabmettaknu kobol danab haknu elele iitta amu, na amu ele Jesus onigppa hekkutnu oɗ medattem,” aon unuqidppig.

Aposel 5:12

Aria, haen amuppa danab ah oh ag Jesusnu oolagppa genab dooppig ele ag hanhan Kayaknu mettid lagnu aɗ ooppa, aben laa Solomonnu Aben atteb, amuppa qagmedappig. Qagmenan oinna, totol danab 12 ag aabppan danab oolagppa Kayak dabmettaknu kobol danab haknu elele iitta kuɗum digdig, amu uɗat ɠagattagnab ele heppig.

Aposel 6:8

Amu Kayaknu ehanittak okkai hamu megatte, nuhig ɠagattag ele Stiven ooppa ambe, nug Kayak dabmettaknu kobol danab haknu elele iitta hatta, nug kobol danab haknu elele iitta laala ele danab ah oolagppa heum,

Aposel 7:36

Amu Moses nug danab amu ag Isip wanppanu gokkunu omalattatta, nug Kayak dabmettaknu kobol danab haknu elele iitta digdig heum. Nug omalatta ugakka, nug Isip wanppa, Le Kokoɗppa amu atu taɗakppa ele, appa maɗ 40 batak anamib heum.

Rom 15:19

Ele amu, iitta aɗi ag Kayak dabmettaknu kobol danab haknu elele iitta okkai okkai, amu kobol danab haknu elele iitta digdig ele Kayak Ouɗinu ɠagattagppa da hei anidna, ag Kayak nai dim lamidppignu madikkul. Nug anam ehaniɗom amunu, da Jerusalem appa digmein, Kristusnu Nai Ena ohnab mehuqeqe, aben ohppa ele oii ukke ukke, Ilirikum aabppa batami.

1 Korint 1:22

Am Juda danab ag laa heeb, Kayak dabmettaknu kobol danab haknu elele iitta anidkkulagnu dabmak aoegeg, Grik danab ag laa ippuanatteb, ag doyak dabmak ena ele aoglagnu oolag hette,

2 Korint 12:12

Iitta. Da dakka da ag Korint ag oolagppa dayeye, da am totol danab daattem uɗat dahilppa ippunadmi. Uɗat da uug doyaya eɗittaknuib dabmak awewe hemi am, Kayak dabmettaknu kobol danab haknu elele iitta digdig, uɗat ɠagattagnab, aria kobol danab hekkunu elele iitta laala ele.

2 Tesalonaika 2:9

Amge ii nauhak haenppa ɗo ii dim lamittak danab amu nug Satannu ɠagattag ele uɗia, hambuppuak kobol danab haknu elele iitta, laanu dabmettaknu kobol danab haknu elele iitta, amu uɗat ɠagattagnab ele haaha,

Hibru 2:4

Kayak Nug nuhignu dabmettaknu kobol danab haknu elele iitta hattomppa, aria kobol danab haknu elele iitta laalappa, amu Nug nuhig Ouɗinu ɗo digdig ele, Nug oo niiom bia, danab mattom eleppa nai amu ɠagattag qettom.