Jon 4:39 - Nobonob Baibel

³⁹ Aria Samaria kuɗum ag ahnu nai doona, ag Jesusnu oolagppa genab dooppig. Aɗinu? Ah nug, “Da anukka keeke oh hemi amu, Nug amu miag da amelppa aum,” awa aum.

Jon 4:39 ပူးပေါင်းရင်းမြစ်များ

Matyu 10:5

Jesus Nug totol danab 12 amu maatte, gokkulagnu daaegeg, Nug nai matta aum. “Ag gona, iitta aɗi dilagppa, amu Samaria dilagppa ele aib goppig.

Jon 1:37

Nug anam a amu, ippunittak awak danab aɗit aa Jon nai aum, aa dooya, aa Jesus dim lamitteheh,

Jon 11:45

Jesus danab mauhak maɗette amu, Juda kuɗum Maria anidkkulagnu uɗippig ele ag Jesus uɗat amu he anidna, ag nuhignu oolagppa genab dooppig.

Jon 4:29

“Dona, danab imu antteg! Nug keeke oh da anukka hemi amu, Nug amu miag da amelppa aum. Nug am Kristustai?” awa aum.

Jon 4:30

Aria danab ag ahan, aab uuna, Jesus gumidna uɗippig.

Jon 4:38

Da danab laa uɗat heppigppa ag dahilad, ag dad amuppa meu aoglagnu maatti goppig. Laa ag tatam ahilag wagai makppa dad ooppa ee ewak uɗat heppig, amu gemu ag ooppa nona meu aotteb,” awa aum.

Jon 4:40

Amunu Samaria danab ag Jesus gumidna dona, Nug ag ele daaglagnu unuqppig. Unuqeg amu, Jesus Nug deɗ aɗit ag ele aab amuppa daappig.

Jon 4:42

Oolagppa genab doona amu, ag ah amu amegppa appig. “Ig na ame amuppa oonigppa genab ii doomut. Iitta. Ig ikka ele Nug oɗeppa a doomut, amuppa ig aakku doottem, Nug am genab ig wanppan danab ah oh eɗua awikkak danab,” aon appig.

Jon 4:5

Nug Samaria aab laa onig Saika, appa teum. Aab amuam Jakop nug bekka Josep wan mettom, amu guguittak.