Jon 4:32 - Nobonob Baibel

³² Amge Nug aum. “Da ee laa ele, ag ee amu ii dootteb,” awa aum.

Jon 4:32 ပူးပေါင်းရင်းမြစ်များ

Job 23:12

Da haknunab nai Kayak oɗeppanu doomi amu, da nai amu ii uumi. Da dim lamidmi. Ao, da ee lakkulnu ool hette, amge da Kayak nai, Nug oɗeppanu aomi amu, da nai amunu ool huanaknab hette.

Sam 119:103

Danab laa nug keeke ubuhi ele lakkunu oo huana hette, amubia da nahip nainu ool huananab hette. Uppuh leppu am ubuhi elenab, amge nahip nai am ubuhi huanaknab ele.

Sam 25:14

Laa ag Yawenu ebehilag oh bodoetta le mette amu, Yawe Nug ag ele layam batatte. Nug ag ehanatte, ag nuhignu nug tituana nai qakkak nainu meu dootteb.

Sam 63:5

Danab nug ee ena lanana, oo dittie enanag dootte, amubia da ⌊na lautppa na guguitten dayeye,⌋ da elelenab dookkul. Da ahi oo gamag ahak, na binan maknu ele ettaladkkul.

Prowerb 14:10

Nahip oo gamag ahak, oo uug doyak ele, amuam nakka nahip keeke; laa nug na doottem bianab dookkunu elele iitta.

Prowerb 18:20

Danab ag aɗi nai maditteb, amuppa ag nob aotteb. Ao, ag nai attem maditteb, amuppa ag nob aoglag.

Aisaia 53:11

Amu Yawe Nug atte. “Dahil maɗi nid, nug genab tutukku hak kobolib dim lamidtte amu, Nug guittak amu mawa malowa, nug bau dayaya, ⌊danab oolag eɗueb ele antta,⌋ elele dookku. Dahil maɗi nid nug nuhig doyak, nug amuppa heeb, danab ah kuɗumnab ag genab tutukku hak danab ah daaglag. Nug ahilag hipunin mawa heeb, iitta mekku.

Jeremaia 15:16

O Yawe, na Yawe Kayak Nakka Ɠagattag Oh Ele, na onin dahilppa daatte amunu, na ae, nahip nai dahilppa uɗie, da danab ee lanaknu baag enanag lanana, gamag ahak dootte, amubia da nahip nainu enanagnab doomi.

Jon 4:31

Amge haen gamag amuppa nuhikkud ippunittak awak danab ag Jesus amegppa appig. “Ippunittak danab, na ee la!” aon appig.

Jon 4:33

Nug anam a amu ippunittak awak danab ag akka akka nug oɗ mettan appig. “Danab laa ee laa awa uɗia mettomtai,” aon appig.

Jon 4:34

Ag anam mattieg amu, Jesus Nug aum. “Laa Nug da meiɗe uɗimi ele, da nuhig dabmaknab awak hekkulnu, da nuhig uɗat oh hein malakkulnu, amuam ee dahil.

Aposel 20:35

Da Naɗi Jesusnu nai laa dabmeinne, da ehanittak kobol amuppa amu, da ag danab ah, keeke iitta, hamu daatteb, ig ag ehanadkkunignu daattem amu, da kobol amuppa ag ehanadkkulagnu ib ippunadmi. Jesusnu nai amuam inam. ‘Danab nug danab laa keeke metta, itittak ena aotte, itittak amuam danab nug keeke awa, itittak ena aotte, itittak amu eɗidtte.’ ”

Revelesen 2:17

Danab nug daug ele dayeb, nug Kayak Ouɗi Nug Kristen tamaniak dilkadppa nai mehuqtte doyaɗ! Aun laa nug ban eɗidkku amu, da maana gemu lokkumak daatte, da amunu laa medakkul. Da nug men hakkab laa ele nug medakkul. Men amuppa onig bau yaak ele daatte. Laippu laa nug onig amu diig ii dooma, aun nug da mettami ele amu, nug aakkuib dookku,” awa aum.