Jon 4:24 - Nobonob Baibel

²⁴ Kayak Nug am Ouɗi amunu, danab ag Nug noobppa dup nona binag elele mekkulagnu amu, ag Kayak Ouɗi ehanittakppa, amu doyak diig genabib eleppa Nug noobppa dup nona binag mekkulagoitte,” awa aum.

Jon 4:24 ပူးပေါင်းရင်းမြစ်များ

Sam 145:18

Yawe Nug danab ah oh ag Nug onigppa etteb ele, Nug ag guguattak daatte. Ao, Yawe Nug danab ah ag kobol doyak diig genabibppanu betteb, ag amu dim lamidnana, ag Nug onigppa etteb ele amu, Nug ag guguattak daatte.

Sam 50:23

Danab laa nug ena heme anaknu ofa ha, da meɗakku dayeb amu, amuam ena. Amuppa nug da binal mette. Amu da nug ehanidppi, nug padal ii memanu ippu dahil ippunidkkulnu amu, nug ofa amuppa ib amu matultte.” Kayak Nug anam awa atte.

Sam 51:17

Amu genab na doɗ mana mettaknu oot ii daatte, amge na oot daatte am, danab nug hipunin qeum, nug ooppa guittak okkai doyaya, nukka nug onig qeeb nekkunu oot hette. O Kayak, danab hipunin heum ele nug ooppa guittak okkai doyaya, nukka onig qe nette dayeb, nug baula hemanu dabmekku dayeb amu, na danab amu ii geɗidmana. Iitta. Na hipunin amu uhuqna medakkut.

Sam 66:18

Da dabmak dahilppa hipunin qekkulnu dabmelom amu, Naɗi Nug unuqittak dahil ii doolo.

Aisaia 57:15

Aɗinu? Yawe, Nug attannab dayaya, keeke laa ohnab eɗadtte, Nug hanhan daatte, nug onig am oppiaawak ele amu, Nug atte. “Da aben attan, aben oppiaawak ele, da amuppa daattem, amge da danab aun laa, nug nukka nuhignu, ‘Da am danab ena, onil okkai ele,’ ii dabmette, nug nukka nug onig qe nette amu, da danab amu ele daattep. Da danab nug nukka nug onig qe nette amu, da nug ooppa ɠagattag qedakkulnu, da anam hettem. Ao, da danab nug nukka nuhignu, ‘Da am danab ena, onil okkai ele,’ ii dabmette amu, da nug nuhig ouɗippa ɠagattag qedakkulnu, da anam hettem.

Jon 4:23

Amge haen aakku uɗiom, danab ag Nug noobppa dup noa binag mak genab hekkulagnu amu, ag Kayak Ouɗi, nuhig ehanittakppa, amu doyak diig genabib eleppa Mame noobppa dup nona binag mekkulag. Dup noa binag mak anam amu, Mame Nug oo daatte.

2 Korint 1:12

Aria, ig keeke laanu maɗoɗppan gamag ahak doottem. Ihinig ooppan oiyak ippunittaknu ulum am keeke amuam genab ippunigtte. Keeke amuam inam. Ig wanppa oimut, gemu ele oittem amu, ig Kayaknu oppiaawak kobol amu nuhig hambuppuak iitta kobol ele aot oimut. Ig danab dabmakppa ii hemut. Iitta. Ig Kayaknu ehanittak okkai hamu megatte, ig amuppa hetata amu, ig ag Korint daatteb oolagppa huana hemut.

2 Korint 3:17

Naɗi Nug am Ouɗi daatte, amu Naɗinu Ouɗi Nug danab laa, nuhigppa daatte dayeb, keeke laa danab amu aɗa ii maniguidma. Iitta. Hamu elele enaib daakku.

Pilipai 3:3

Aɗinu ag amu dilagnu dabmena autna aoglag? Ag am gaɗa otaɗak danab genab iitta. Ig Kayak Ouɗippa Kayak noobppa dup nota binag meta, ig Kristus Jesusnu uɗatppa aakkuib ig padal mematanu ehanittak aognignu dabmeta, ig beɗunignu kobol ig ehanigkkunu elele oonigppa genab ii doottem ele amu, ig ikka am gaɗa otaɗaknu kobolnu danab genab daattem.

1 Timoti 1:17

Amu Kayak, Nug am keeke ohnu king hanhan daatte, Nug ii mauhtte, ig Nug anidkkunignu elele iitta, Nug aakkuib am Kayak. Binag, amu binag amahlak oppiaawak ele hanhan alet ele nuhigppa dayaɗ! Genab.

1 Samuel 16:7

Samuel nug ooppa anam aum, amge Yawe Nug Samuel amegppa aum. “Na nid imu, nug beɗu, iɗu ele ena anidna, ‘Imuam king daakku,’ aib ame! Aɗinu? Da nug king daakkunu geɗidmi. Da amu heminu diig am, da danab keeke anidna epeɗitteb, da amubia ii hettem. Iitta. Ag am keeke dimittim amuib anidna epeɗitteb. Da am danab oolag anidttem,” awa aum.