Jon 4:21 - Nobonob Baibel

²¹ Anam a amu, Jesus oɗeppa awa aum. “Ah, na dahil nai ootppa genab doye! Haen elab iitta ag baula Mame Kayak Nug noobppa dup nona binag mekkulagnu qauko imuppaib Nug noobppa dup nona binag ii memana, o Jerusalem appaib ele Mame Kayak Nug noobppa dup nona binag ii memana.

Jon 4:21 ပူးပေါင်းရင်းမြစ်များ

Aisaia 66:1

Yawe Nug atte. “Hab aab am sia king dahil, wan am da bael maknu balal nakok daatte. Anam daatte amunu, ag lag laa, da aguppa daakkulnu hekkulagnu elelete? Ag aben laa da aguppa hik awe daakkulnu hekkulagnu elelete? Iitta.

Esekiel 14:3

“Danab bekka, danab imu ag kayak hambuppuak dim lamadkkulagnu dabmak ag oolag unuqagppa meppig daatte. Ag amu hena, ag kayak hambuppuak dottolkad, amuam keeke nau, danab he na qette amu, ag amu noolagppa dup nona binalag metteb. Ag anam hetteb amunu, da nai laa ag madakkulnu am enate?

Esekiel 20:3

“Danab bekka, na Israel dilag ikki danab amelagppa inam appe doyeg! Naɗi Yawe Nug inam atte. ‘Ag da keeke laanu oɗ meɗaglagnu uɗippig, amge da genab bau daattem, genab amubia da ag oɗmak meɗaglagnu ib ii madapa.’ ” Naɗi Yawe Nug anam atte.

Malakai 1:11

Aɗinu? ⌊Da ahilag mana mettak ii aopanu uug laa ii doottem.⌋ Aam bedeppan ukka aam nodeppa da onil am binag ele daakku. Da onil am binag ele daakku amunu, danab ah ag kalu danab ile muttuɗig enanag bette, amu doɗ tutukku ele manan, da meɗaglag,” Yawe Nukka Ɠagattag Oh Ele Nug anam atte.

Matyu 18:20

Ao, danab aɗit, o ewam aakkuib ag da onilppa, aben adekkuppa qagmekkulag amu, da ele ag oolagppa daakkul,” awa aum.

Matyu 28:19

amunu, ag gowona, wan atu ohppanu danab ah heppeg, dahilad ippunittak awak danab ah daappeg, ag Mama onigppa, Nug Bekka onigppa, amu Kayak Ouɗi onigppa layatteg!

Luk 21:24

Geha laala ag qep elabppa mauhkkulag, am laala, ahilkad kekeɗ ag ag diin gona, wan laa ohnu oolagppa maadppeg daaglag. Amu iitta aɗi ag uɗin, Jerusalem aon daana, uug medappeg ukkeb ukkeb, ahilag haen Kayak tituanom ele maleb malakku.

Jon 14:6

A amu, Jesus Nug nob ma aum. “Da am ⌊Kayak gumitta ukkaknu⌋ ib. Laa ele amu, da am doyak diig genabibnu diig, amu da bau dayaknu diig ele. Danab nug Kayak gumitta gokkunu amu, daib nug ehanidppi gokkunu elele daattem.

Jon 16:2

Danab ag Juda dilag nai doyak lag ooppanu lamadkkulag. Ge, dimppa haen beeb, ag ag aqappeg mauhppeppeg, ‘Ig Kayaknu uɗat ena hettem,’ aon akkulag.

Jon 16:32

Antteg! Haen aakku miag uɗiom. Ao, haen aakku doum. Laa ag ag lamadppeg, da uuiɗna, matatun appalagppa ukkadkkulag. Amge da dakka ii daapa. Iitta. Da Mamel Nug da ele daagnih.

Jon 4:23

Amge haen aakku uɗiom, danab ag Nug noobppa dup noa binag mak genab hekkulagnu amu, ag Kayak Ouɗi, nuhig ehanittakppa, amu doyak diig genabib eleppa Mame noobppa dup nona binag mekkulag. Dup noa binag mak anam amu, Mame Nug oo daatte.

Jon 5:25

Da genabnab genab ag amelagppa attem. Haen laa uɗikkunu hette, gemu iikku uɗiom amu, mauhak aɗi ag Kayak Bekka da, da baal dooglag. Am danab amu oolagppanu aun aɗi ag amu doona amu, ag bau daaglag.

Jon 5:28

Anam amunu, ag dabmak kuɗum aib aoppig. Aɗinu? Haen laa uɗieb, danab oh mauhppig, moɗppa niitteb ele, ag da baal doona, ag mauhak aben uuna, eɗun hippaidkkulag. Am danab ag kobol ena heppig ele ag eɗun hippaidna, bauklel daaglag. Danab ag kobol eheɗ heppig ele, ag eɗun hippaidna, ag hettoɗiakppa daaglag.

Aposel 6:14

Amu nug mattiaya, inam aawo ig doomut. ‘Jesus, Nasaret ted, geha nug Kayaknu mettid lag imu heeb nauheb, anukka Moses nug kobol ig mekkom amu ele Nug eɗukku,’ awa aum,” aon appig.

Epesus 2:18

Amunu ig ameg aɗit amu, ig oh Kristusnu uɗat okkaippa, Kayak Ouɗi laippunu ehanittakppa, ig oh Mame toppa gokkunignu elele.

Epesus 3:14

Da Kayaknu dabmak amu dabmein, da amunu Mame noobppa gatel qaun ottem.

1 Timoti 2:8

Amunu da danab oh ag unuqidkkulagnu amu ag oppiaawak daanna, ag oo nauhak, a ona a doak ele iitta daanna, unuqidkkulagnu ool daatte.

1 Pita 1:17

Ag Kayak, Nug danab oh melemel laippuppa ahilag hak anen anenppa epeɗiadtte amu, ag Nug unuqidnana, Nug onig diin Mame atteb amunu, ag haen imuppa aab diig danab iitta daanna wan imuppa oitteb amu, ag nuhignu ag ebehilag oh bodoetta le meeb, ag Nug onig binag metteg!

Revelesen 21:22

Amu da aab okkai amuppa Kayaknu mettid lag ii anidmi. Aɗinu? Naɗi Kayak Nukka Ɠagattag Oh Ele amu Sipsip Nag ele aa aakkuib aab amuppanu Kayaknu mettid lag daattep.