Jon 3:5 - Nobonob Baibel

⁵ Nikodemus anam a amu, Jesus oɗeppa awa aum. “Genabnab genab da na amenppa attem. Danab nug leppa, amu Kayak Ouɗippa ele menuak ii aokku amu, nug Kayaknu ɗo maɗoɗ ooppa nokkunu elele iitta.

Jon 3:5 ပူးပေါင်းရင်းမြစ်များ

Matyu 18:3

Nug aum. “Da genab ag amelagppa attem, ag oolag ii eɗueb, ag nid naunau ag ⌊mamelkad waalagppa⌋ daatteb bia ⌊Kayak waappa⌋ ii daaglag amu, ag Kayaknu ɗo maɗoɗ ooppa iinab nomana.

Matyu 19:24

Da baula ag amelagppa attem, doɗ kamel nug koitaknu tutui giɗoppa noa laih gokkunu am uug ele, amge danab enub kuɗum ele, nug Kayaknu ɗo maɗoɗ ooppa gokkunu, amuam uug okkainab ele,” awa aum.

Matyu 21:31

Am nid aɗit amu oolahppa aun nug mameg oɗe dim lamittom?” awa aum. A amu ag appig, “Nid tatamnu,” aon appig. Ag anam aeg, am Jesus amelagppa aum. “Da genab ag amelagppa attem. Takis awak danab, amu ib baag ah ele ag Kayaknu ɗo maɗoɗ ooppa noaknu ib nakok paha neegna anidtteb; ag mana mettak danab okkai, Juda dilag ikki danab ele, ahilag neekka anttak eɗittak.

Matyu 28:19

amunu, ag gowona, wan atu ohppanu danab ah heppeg, dahilad ippunittak awak danab ah daappeg, ag Mama onigppa, Nug Bekka onigppa, amu Kayak Ouɗi onigppa layatteg!

Matyu 3:11

Da ag oolag eɗuom Kayak dim lamidtteb ele leppa layadttem, amge laa Nug da dimulppa uɗitte amu, nuhig ɠagattag am dahil eɗidtte. Nug am danab okkainab, da am okkai iitta; dahil hak am nuhig bia iitta, dahil am elele iittanab iitta. Nug Kayak Ouɗi, aab aɗu eleppa ag layadkku.

Matyu 5:20

Da tutukku ag amelagppa attem. Ahilag genab tutukku hak am ɗo mehuqak danab, ɗo gumak danab-Parasia ele dilag ii eɗadkku dayeb, ag Kayaknu ɗo maɗoɗppa nokkulagnu elele iittanab.

Mak 10:14

Ag nakok alatteg, Jesus Nug anatta, kobol heppig ele amunu nug oo nauhe, amelagppa aum. “Danab ag nid naunau bia daatteb, ag am Kayaknu ɗo maɗoɗ ooppa daatteb amunu, ag nid uuadppeg, dahilppa doig! Ag ib ahilag aib oo neppig.

Mak 16:16

Ag mehuqppeg doona amu, danab laa nug ooppa genab doya, layattak aweb, Kayak nug eɗua aokku. Laa nug ooppa genab ii doya amu, nug Kayak noobppa nai ele daakku.

Mak 9:47

Laa ele amu na amen he, na hipunin hettem dayeb, na amen laih amu kehan, maoppe ukkaɗ! Na amen laihigib ele daanna hab aabppa gokkut, amuam ena. Amge na amen aɗit oh ele daappe, ag na mawidppeg padal mak abenppa gokkut, amuam ena iitta.

Luk 13:24

“Ag od hogogdoak ele noaknu ebehilag qaiettaɗ! Da ag amelagppa attem, danab kuɗum ag od oɗe nakokppa nokkulagnu hekkulag, amge ag elele iitta.

Luk 13:3

Da tutukku ag amelagppa attem, amu iitta. Amunu ag dabmeig! Ag oolag ii eɗueb amu, ag ele laa mauhppig bia mauhkkulag.

Luk 13:5

Da tutukku ag amelagppa attem, amu iitta. Amunu ag dabmeig! Ag oolag ii eɗueb amu, ag ele laa mauhppig bia mauhkkulag,” awa aum.

Jon 1:13

Ag tiig makkulakppa o beɗunu kobolppa, o danabnu dabmakppa Kayak bekkod ii beppig. Iitta! Kayak Nug he, ag Nug bekkod beppig.

Jon 3:3

A amu Jesus oɗeppa awa aum. “Da genabnab genab na amenppa attem. Danab nug bau menuak ii aokku amu, nug Kayaknu ɗo maɗoɗ ii anidma,” awa aum.

Jon 3:4

Jesus anam a amu, Nikodemus nug amegppa aum. “Danab nug kaino daatte amu, nug attemun eɗua bau menuak aokku? Nug baula anig ooppa nob, anig nug eɗua menukkunu elelete?” awa aum.

Aposel 2:38

Aon aeg am, Pita nug amelagppa aum. “Kayak Nug ahilag hipunin uhuqatta madakkunu amu, ag oh akka anen anen ag oolag eɗueb, Jesus Kristus onigppa layattak aweg! Ag anam heppeg, Kayak Nug nuhig Ouɗi ag ɗo hamu mettak bia madakku.

Aposel 3:19

Amunu Kayak Nug ahilag hipunin uhuqa matteb, ag oppiaawak daaglagnu, geha Naɗi Nug haen ena madakkunu, Nug heeb, Kristus, Kayak Nug ahilag ehanittak daakkunu tituanom ele amu, Nug uɗikkunu, ag oolag eɗun Kayak dim lamitteg! Kayak Nug anukka laa tituanom ele amu, Nug am Jesus.

Rom 14:17

Aɗinu? Ee lanak amu le lanaknu kobol ele aa Kayaknu ɗo maɗoɗnu diig iitta. Kayaknu ɗo maɗoɗ diig am genab tutukku hak kobol, maɗoɗ kobol, amu maɗoɗppan gamag ahak kobol ele. Keeke amu oh am Kayak Ouɗi Nug he bette.

Rom 8:2

Aɗinu? Kristus Jesusnu uɗat okkaippa Kayak Ouɗinu ɗo, ig bauklel megatte ele, ɗo amu da, ⌊laa oh Jesusnu oolagppa genab dootteb ele⌋ am hipuninnu ɗo, mauhak he bette ele amu, ɗo amu eleppanu eɗua awikke, gemu da, ⌊laa oh ag Jesusnu oolagppa genab dootteb ele⌋ baula keeke aɗit amu waappa ii daattem.

1 Korint 15:50

O lailad, da ag amelagppa attem. Wanppan beɗu nug Kayaknu ɗo maɗoɗppa daakkunu elele iitta. Keeke beɗatte ele, amuam wanppan beɗu, amu keeke ii beɗatte ele, amuam Kayaknu ɗo maɗoɗ, amuppa daakkunu elele iitta.

1 Korint 2:12

Ig keeke ena ena Kayak mekkom daatte ele, ig amunu diig pehettak doognignu Kayak Nug wan imuppan ouɗi ii mekkom. Iitta. Nug keeke ena ena oo qak iitta mekkom daatte amu, ig amunu diig pehettak doognignu Nug nuhig Ouɗi ig mekkom.

1 Korint 6:11

Anukka ag oolagppa laala amubia oittappig, amge Kayak Nug he, hipunin ahilag iitta meum. Nug he, ag oppiaawak daatteb. Kayak Nug he, ag genab tutukku hak danab ah daatteb. Ihinig Kayak Nug amu oh Naɗi Jesus Kristus onigppa, amu nuhig Ouɗippa ele heum.

Galesia 6:15

Danab nug Kristus Jesus ele ouqak daattep amu, nuhigppa gaɗa otaɗak kobol, o iitta gaɗa ii otaɗak kobol, aɗit amu oh am keeke hamu. Kayak Nug he, ig danab Kristusnu uɗat okkaippa bau menuak aot daattem amuib am keeke ena, keeke genabnab daatte.

Epesus 5:26

Ge, Kristus Nug tamaniak leppa amu Kayak naippa ele iheb, oppiaawak daakkunu,

1 Pita 1:2

Ag Jesus Kristus oɗe dim lamidkkulagnu, Jesus tiigppa oppiak bena daaglagnu amu, Kayak, ig Mamenig, Nug anukka ag doyattom, amu amuppa Nug, ag nuhikkud danab ah daaglagnu tituanatte, nuhig Ouɗi he, ag oppiaawak daatteb. Ag amu, Kayaknu ehanittak okkai hamu mettak, amu nuhig maɗoɗ ele ahilagppa naɗi daaglahnu ool daatte.

1 Pita 3:21

Aria, ag gemu daatteb amu, ag am Noa aɗi, ag aɗi keeke ippunigtteb bia daatteb. Ag ele leppa ehanittak aotteb. Amuam layattak, amge layattak am beɗunigppanu dubuttid ihaknu keeke iitta. Iitta. Layattakppa ⌊ag oolag eɗueb,⌋ ahilkad ooppan oiyak ippunittaknu ulum am ag oolagppa eheɗ laa ii daatte ippunatte, ag amuppa Kayak oɗe genab dim lamidkkulagnu Nug amegppa ahilag nai ɠagattag qettan maditteb. Amunu diig am Jesus Kristus, Nug mauhakppanu eɗua hibaittom.

1 Jon 2:29

Ag Kristus Nug genab tutukku hak danab daatte dootteb amunu, ag imu ele doyeg! Danab ag genab tutukku hak kobolppa oitteb amu, ag aakku Kayak bekka daatte.

1 Jon 5:1

Am aun laa nug, Jesus am Kristus, ooppa genab dootte amu nug Kayak Bekka beum daatte. Amu aun laa nug Mamenu oo mauhak dootte amu, nug Bekkanu ele oo mauhak dootte.