Jon 3:35 - Nobonob Baibel

³⁵ Mame Kayak Nug Bekkanu oo mauhtte amunu, keeke oh Nug eppegppa meum.

Jon 3:35 ပူးပေါင်းရင်းမြစ်များ

Genesis 41:44

Aria, anam dayeye amu, Paro nug Josep amegppa aum. “Da am Paro, daib na eɗidttem. Isip danab laa oh ag na oɗen aakkuib dim lamidkkulagnab,” awa aum.

Genesis 41:55

Aakku Isip danab ag ahilag ee iitta me, ag ahan gona, Paro toppa eenu oɗ medappig. Oɗ mettaeg amu, Paro nug amelagppa aum. “Ag Josep gumidna gona appeg, nug ab doon, aɗi atte amu, ag heig!” awa aum.

Sam 2:8

Na da oɗ meɗappe, da wanppan wan oh tituanatte, na aut daaglagnu na medakkul. Ge, wan atu oh am nahip daakku. Na kingnu qakun aenppa hak aɗan, wan oh dilag danab ah elelenab ɠagattag gumadkkut. Ao, na danab ah nau hetteb amu, na heppe nauhkkulag; danab nug waa makkuɗe aoɗtte, amubia.’ ” Yawe Nug da amelppa anam awa aum.

Prowerb 8:30

Nug keeke oh hattette amu, da Doyak Dabmak Ena Ele, da Nug heqoppa danab uɗat laala haknu doyak okkai ele dayeye ehanidmi. Deɗ oh da Nug ele daagnihnu enanagnab doyeye, da Nug ele daagnihnu ool gamag okkai ahe daamuɗ.

Aisaia 42:1

Yawe atte. “Antteg! Imuam dahil maɗi nid; da nug haen oh elele daakkunu ɠagattag medattem. Ao, imu amu, da nug tituanmi; da nuhignu enanagnab doottem. Da dahil Ouɗi Nug medappi, dahil maɗi nid nug danab ah oh nai doya mala hettoɗia epeɗia elele mettak kobol ippunadkku.

Daniel 7:14

Nug gumitta ukke, amu Kayak Hanhan Daatte Nug king daakkunu ehah, binag amahlak oppiaawak ele, ɠagattag okkai, wanppan ɠagattag laa oh eɗattak ele mettom. Danab ah wanppan huu ohppanu, danab ah ɗo maɗoɗ ohppan, amu danab ah nai piɗe piɗe ohppanu ele ag Nug noobppa dup nona Nug binag meppig. Nug hanhan king daakku, laa tuqa ii aoma. Laa ele ɗo maɗoɗ nuhig heeb ii nauhma; gemu, am butti aɗi ele.

Matyu 11:27

Jesus Nug anam ana, Nug baula tuɗitta aum. “Da Mamel Nug keeke oh da eppelppa meum. Amu danab laippu laa nug Kayak Bekka ii dootte. Kayak Nug nukkaib Nug dootte. Ele amu, danab laippu laa nug da Mamel ii dootte. Iitta. Da, Kayak Bekka, da aakkuib Nug doottem, amu danab, da ag da Mamel ippunadttem ele, ag Nug dootteb,” awa aum.

Matyu 17:5

Nug anam mattieye, lombig hakkab amemɗia awak ele tonattette, lombig ooppanu baag laa inam a dooppig. “Imuam da Bekkal, da nuhignu ool mauhtte. Da nuhignu enanag doottem. Ag nuhig nai doyeg!” awa aum.

Matyu 28:18

Anam heegeg, Jesus Nug ag gumatta doa, amelagppa aum. “Kayak Nug da keeke oh wanppanu, habppanu ele ikkilag daakkulnu meiɗom

Matyu 3:17

Kayak Ouɗi anam ne amu, baag laa hab aabppanu aum. “Imuam da bekkal, da nuhignu ool mauhtte. Nuhignu ele da oolppa enanag doottem,” ewa aum.

Luk 10:22

Jesus Nug anam ana, Nug baula tuɗitta aum. “Da Mamel Nug keeke oh da eppelppa meum. Amu danab laippu laa nug Kayak Bekka am aun ii dootte, Kayak Nug nukkaib dootte. Ele amu, danab laippu laa nug da Mamel, Nug am aun ii dootte. Iitta. Da, Kayak Bekka, da aakkuib doottem, amu danab, da ag da Mamel am aun ippunadttem ele, ag amu dootteb,” awa aum.

Jon 13:3

Jesus Nug Mameg keeke oh Nug eppegppa meum doya, Nug Kayak toppanu uɗiom, Nug eɗua Kayak toppa gokkunu ele doyom

Jon 15:9

Mame Nug dahilnu oo mauhtte amubia da ahilagnu ool mauhtte. Ag dahil oo mauhak amu ooppa ag hanhan dayeg!

Jon 17:23

Dahilad ag oolag laippunab daaglagnu, laippunab dayak amuppa ag wanppan danab ah na da meiɗe uɗimi, na dahilnu oot mauhom, gemu ele mauhtte, amubia na dahilad, ahilagnu ele oot mauhom, gemu ele mauhtte ippunadppeg dooglagnu, da ahilagppa daakkul, na dahilppa daakkut.

Jon 17:26

Da na diit ahilagppa miag atimi. Amu na dahilnu oot mauhtte, oo mauhak amu ag oolagppa daakkunu, da dakka, da ele ag oolagppa daakkulnu amu, da baula na diit ippunadkkul,” awa unuqittom.

Jon 5:20

Mama Nug dahilnu oo mauhtte amunu, keeke oh Nug hette ele, Nug da ippuniɗom. Nug geha uɗat kuɗum okkainab, keeke amu oh eɗittak ele, ag ottaina dabmak kuɗum aoglagnu ippuniɗkku.

Jon 5:22

Mama Nug danab laa ii epeɗitte. Iitta. Nug danab ah oh ag Nug binag metteb, amubia da binal mekkulagnu epeɗiak uɗat amu oh Nug Bekka da, da eppelppaib meum. Am danab nug Kayak Bekka da, da binal ii mette amu Mama, Nug da meiɗe uɗimi ele amu, Nug binag ele ii mette.

1 Korint 15:27

Amu bekkunu diig am, Kayak naippa, nai laa amunu inam daatte: “Kayak Nug Nug keeke oh gumadkkunu eppegppa meum.” Kayak nai amuam Kayak Nug keeke oh Kristus waappa meum ippunigtte, amge Kayak Nug nukka keeke amu ooppa ii daatte am ele miag atiak daatte. Nug keeke laa oh Kristus waappa meum.

Epesus 1:22

Kayak Nug he, keeke oh Jesus waappa daatte, amu ele Nug Jesus Nug Kristen tamaniak keeke ohppa ehanadkkunu, Nug ahilag ikki daakkunu tituanittom.

Hibru 1:2

amge Nug gemu, gog tak haen imuppa amu, Nug Bekka oɗeppa ig amenigppa nai mattiom. Kayak Nug Bekka Nug aug daakkunu Nug keeke oh aokkunu aum, amu nuhigppa Nug keeke oh ele hattom.

1 Pita 3:22

Jesus Nug eɗua hibaitta, Nug hab aabppa teum. Nug Kayak eppeg naɗiap-ppa daatte. Engel oh, laa ag gumaknu ehah ele oh, aria ɠagattag digdig oh ele, ag oh Nug waappaib daatteb.