Jon 3:30 - Nobonob Baibel

³⁰ Nug onig am okkainab daakku, da am nug waappaib daakkul.

Jon 3:30 ပူးပေါင်းရင်းမြစ်များ

Aisaia 53:12

Diig amunu da heppi, Nug danab ah oolagppa okkainab daya, Nug banppan awak keeke laa ag Nug dim lamidna, danab ɠagattag daatteb ele, Nug ag madakku. Da heppi, anam bekkunu diig laa am, nug doyaya, nuhig bauklel uua dayom. Laa am, ag nug danab nau ele laippu qagmaadna ⌊qeeg mauha, amuppa nug eheɗ haknu nob nau iitta mekkunu he elele mettom⌋. Laa am nug danab ah kuɗumnab dilag hipunin mawom. Amu laa am, Nug danab ah hipunin heppig ele, Nug amu dilagnu unuqittom,” awa atte.

Aisaia 9:7

Nug am King Dawit ou, Nug geha Dawitnu sia kingppa dayaya, danab ah gumadkku. Gumak uɗat pehettak hekkunu ɠagattag, maɗoɗ ele am haen oh okkai meebeb gokku. Nug Dawit ou daya, Dawitnu sia kingppa dayaya, Nug kobol genab tutukku ele, amu nai doya mala hettoɗia epeɗia elele mettak kobol ele dim lamittebeb, gumak nuhig am okkai, ɠagattag ele beebeb ukkeb, anamib hanhan daakku. Yawe Nukka Ɠagattag Oh Ele, Nugib amunu yag-nab-bak doya heeb, anam bekku.

Jon 3:29

Amunu amu da am nid baunu kadoi bia. Nid bau nug ah aotte amu, ah amuam nuhigib, amge kadoi nuhig nug layag ah aotte doya, maɗoɗppan gamag ahak dootte. Nid baunu kadoi nug maɗoɗppan gamag ahak amu dootte, amubia da Jesusnu oolppa maɗoɗppan gamag ahak okkainab doottem.

Jon 3:31

Am laa Nug hab aabppanu nette amu, Nug keeke oh eɗittak daatte. Laa nug wanppa bette amu, nug wan imuppanu keekeib maditte. Laa Nug hab aabppanu nette amu Nug keeke oh eɗittak.

1 Korint 3:5

Ag tutukku dabmak aon antteg! Apolos nug am aun? Am da Pol am aun? I am maɗi nidib; Naɗi Nug i uɗat ihinih piɗe piɗe metom. Nug uɗat amu mete, i uɗat amu heuɗuɗ, ag Kristusnu oolagppa genab dooppig.

Kolosi 1:18

Jesus Kristus Nug am Kristen tamaniak ikki daatte, amu Kristen tamaniak am Nug beɗu daatte. Kristen tamaniak diig amu Nugib aakku. Nug am danab anuqak moɗppan bau eɗua hibaittak danab. Nug anam daatte amunu, keeke oh ikki amu Nug aakku daatte.

Revelesen 11:15

Aria, engel ebqak 7 nug trampet nuhig iwale amu hab aab appa da laa baalag okkaippa inam aeg doomi. “Wan ohppan gumak uɗat aakku eɗua, ihinig Naɗi, amu laa Nug danab ah dilag Padal ii maknu ehanittak daakkunu tituanom, am Kristus, Nug ele eppelahppa daatte. Naɗi Nug hanhan uɗat amu hekku,” aon appig.