Jon 3:21 - Nobonob Baibel

²¹ Amge laa nug doyak diig genabib kobol dim lamidtte, nug laa ag Kayak a doya hette miag atiak anidkkulagnu, nug amahlakppa daakkunu uɗia daatte,” awa aum.

Jon 3:21 ပူးပေါင်းရင်းမြစ်များ

Sam 119:105

Nahip nai amu hul bia oikkulnu amahlak meɗatte. Yo, am amahlak bia da ib ippuniɗkkunu daatte.

Sam 119:80

Da uɗa nak ii doopanu amu, da nahip ɗo dim lamidppi, nahip neekkakppa da oolppa kaliak laa ii daamanu ool daatte.

Aisaia 26:12

Ig aɗi uɗat ena hemut ele amu, na ihinig uɗat amunu ulum mekkae, ena beum amunu, O Yawe, na heppe, nahip maɗoɗ ihinigppa ba daakku, ⌊da oolppa genab doottem⌋.

Aisaia 8:20

Gona, ag Kayaknu dabmak, nuhig ɗo naippa, nuhig nai laappa ele, ag amuppa anidna doyeg! Aun aɗi ag nai maditteb ele, ag Kayak nai bia ii maditteb dayeb, ag ahilagppa amahlak laa iitta.

Hosea 14:8

O Israel, ag dottolkad eppelagppa hak, ag amu dilagnu awaidna dayeg! Da aakkuib, ag dabmadette atognoadttem. Da am ad pain ena laa bia, ⌊ag da waalppa ena daaglagnu elele⌋. Ahilag meu wak am dahilppanu ahilagppa uɗitte.” Yawe Nug anam atte.

Jon 1:47

Pilip nug anam a, Nataniel nug Jesus anidkkunu uɗieye, Jesus Nug antta, Nug aum. “Antteg! Umu am Israel ted genab. Nug ooppa am hambuppuak laa iitta,” awa aum.

Jon 3:20

Anam amu, danab oh ag hak nauppa daatteb amu, ag amahlaknu nau ninig ele dootteb. Ahilag hak nau miag atimanu amu, ag amahlakppa daaglagnu oolag ii daatte.

Jon 5:39

Ag Kayak nai yaak niitte, nai amu ebqena autna aona, ‘Nai amu bauklel hanhannu megatte,’ atteb, amge nai amuam dahilnu aakku atte

Jon 7:17

Am danab laippu laa nug Kayaknu dabmak awaknab dim lamidkku amu, nug nai, da madittem imu, nai amuam Kayak toppanu beum o iitta da dahil dabmakppatai madittem amu nug dookku.

1 Korint 15:10

Amge Kayak Nug da ehanittak okkai hamu meɗe, da gemu attem daattem amu ehanittak nuhig amuppa da aakku daattem. Nug da ehanittak okkai hamu meɗe amu, da ii kakidmi. Iitta. Da uɗat ɠagattag hei uɗie, gemu ele hettem. Totol danab laa ag da uɗat ɠagattag hettem bia ɠagattag ii hetteb, amge da dakka ii hettem. Iitta! Kayak Nug da ehanittak okkai hamu meɗe, da amuppa amu hettem.

2 Korint 1:12

Aria, ig keeke laanu maɗoɗppan gamag ahak doottem. Ihinig ooppan oiyak ippunittaknu ulum am keeke amuam genab ippunigtte. Keeke amuam inam. Ig wanppa oimut, gemu ele oittem amu, ig Kayaknu oppiaawak kobol amu nuhig hambuppuak iitta kobol ele aot oimut. Ig danab dabmakppa ii hemut. Iitta. Ig Kayaknu ehanittak okkai hamu megatte, ig amuppa hetata amu, ig ag Korint daatteb oolagppa huana hemut.

Galesia 6:8

Amubia danab laa nug beɗunu kobol haaha oitte amu, nug beɗu kobolnu meu nau, padal mak aokku. Amge danab nug Kayak Ouɗinu ehanittak awa aɗa, amuppa oiyaya, Ouɗi kobol amu dim lamitta oitte, Ouɗi Nug danab amu bauklel hanhannu metteb daakku.

Pilipai 1:11

Oo mauhak kobol ahilag am okkai dayebeb, haen ag wan imuppa oitteb ele, genab tutukku hak kobolppan meu, Jesus Kristus he betteb ele amu, meu amu oh ahilagppa naɗi daaglag. Amuppa ag Kayak Nug binag amahlak oppiaawak ele okkai medappeg, Nug binag naɗi ele daakku.

Pilipai 2:13

Aɗinu? Kayak Nug hanhan, ag Nug oo niitte bia, nuhig uɗatnu dabmaknab aon, amu hekkulagnu oolagppa uɗat hette.

Kolosi 1:29

Diig amunu da dahil ɠagattag ohppa da uɗat amu hekkulnu heɗiag okkai hettem. Kristus Nug nukka da uɗat anam hekkulnu ɠagattag okkai nuhig da meɗa, Nug da tappaɗilele hettem.

1 Pita 1:22

Ag gemu ag doyak diig genabib dim lamidtteb, amuppa ag danab oolag ihan oppiak daatteb amunu, ag oo mauhak kobol genabppa ag lailkad dilagnu oolag mauhtte. Ag anam daatteb, amge ag tuɗidna, ag lailkad dilagnu oolkad unuqagppanu oo mauhaknab doyeg!

1 Jon 1:6

Am ig, “Ig Nug ele oonig laippu ele nug dootta daattem,” attem dayeb, amge ig gatatu ooppa oittem amu, ihinig nai amuam hambuppuak; am ig doyak diig genabib ii dim lamidta oittem.

3 Jon 1:11

O lai gamal, kobol nau aib dim lamidme. Na kobol tutukku ena amu dim lamitte! Laa nug kobol ena hette, nug Kayak ele laippu daattep. Am laa nug kobol nauppa oitte amu, nug Kayak ele laippu iinab daattep.

Revelesen 3:15

Na nahip hak oh amu, da doottem. Na gamagmag daattem amunu, da nahipnu oolppa ena ii doottem. Na dabmak dahil daatte bianab helom am ena.