Jon 3:20 - Nobonob Baibel

²⁰ Anam amu, danab oh ag hak nauppa daatteb amu, ag amahlaknu nau ninig ele dootteb. Ahilag hak nau miag atimanu amu, ag amahlakppa daaglagnu oolag ii daatte.

Jon 3:20 ပူးပေါင်းရင်းမြစ်များ

2 Samuel 13:9

Nug mana mala, nug bret manaknu keekeppanu awa, tappiɗppa ma, Amnon medakkunu heum, amge nug uuom. Nug ii laum. Nug ii lanana, nug nuhikkud maɗi nid maɗi ah ele oh ag laih gokkulagnu a, ag oh goppig.

1 King 22:8

Jehosapat nug Ahap anam oɗ mette, Israel dilag king Ahap nug aum. “Laippu laa ig hepput, nug Yawe oɗ metteb, aɗi ab doya, nug ab doognignu elele. Nug am Imla bekka Mikaia, amge da danab amunu nau ninig ele doottem. Aɗinu? Haen oh nug dimppa aɗi bekkunu nai dahilnu da amelppa maditte amu, keeke ena laa bekkunu ii maditte. Iitta. Nug nauib bekkunu atte,” awa aum. Ahap nug anam a, Jehosapat nug aum. “O king, na anam madikkutnu am ena iitta,” awa aum.

1 King 3:20

Am tuqan tugmag da, nahip maɗi ah, da niiiyi, nug dahil nid, dahil betppanu awa, nuhig betppa mewowa, nuhig nid amu, nug dahil betppa meum.

Sam 50:17

Ag anen anen ag dahil tolittaknu nau ninig ele dootteb. Ag dahil ɗo dimedappig daatteb.

Prowerb 1:29

Ag doyaknu nau ninig ele dooppig. Ao, ag Yawenu ebehilag oh bodoetta le mekkunu uuppig.

Prowerb 15:12

Awa awa qettak danab nug tolitta mettak uutte; nug danab doyak dabmak ena ele nug ulum mettaglagnu gumatta iinab goma.

Prowerb 16:30

Laa nug amegppa amuhpapaɗ qette amu, nug kobol eheɗ, tutukku iitta laa hekkunu maittak aotte. Ao, laa nug layag guhuɗitta, oɗe qamuttak oitte amu, nug eheɗ laa hekkunu dabmak awa male, ɠagattag eppom daatte.

Prowerb 2:13

Danab amu ag ib ena tutukku, ag amuppa oiyaknu uutteb; ag ib gatatu eleppa oitteb.

Prowerb 4:18

Amu genab tutukku hak danab ippulag am digmakppa ena daatte, gamagppa enanag daatte, batakppa am enanagnab daatte; am aam haɗaedette, amahlak nakok nakok wanppa daye ukke, aam be, amahlak naɗi daatte, amubia daatte.

Prowerb 5:12

Am na geha akkut. “Laa ag da toliɗna, bu meɗaglagnu heppig amu, da uue autenab aomi! Ao, laa ag da daul batappig amu, daug batak ahilagnu doyak nakok laa aokkulnu, da uue autenab aomi!

Jeremaia 9:6

Jeremaia, na danab ah ag hambuppuak kobol huanak hetteb, na ag oolagppa daattem. Ao, ag hambuppuak amu oh dim lamidnana, ag da am Yawe, ag amu dabmekkulagnu uun autna aotteb.” Yawe Nug anam awa atte.

Luk 11:45

Jesus Nug anam a amu ɗo mehuqak danab doyak amu okkainab ele laa nug oɗeppa awa aum. “Ippunittak danab, na nai ame amu, na nai amuppa ig nai dittiakppa yaaigttem,” awa aum.

Jon 3:21

Amge laa nug doyak diig genabib kobol dim lamidtte, nug laa ag Kayak a doya hette miag atiak anidkkulagnu, nug amahlakppa daakkunu uɗia daatte,” awa aum.

Jon 7:7

Wanppan danab ah wannu kobol dim lamadtteb amu, ag oolagppa ahilagnu nau ninig ele dooglagnu elele iitta, amge dahilnu ag anam dootteb. Aɗinu? Da haen oh kobol eheɗ ag hetteb ele, da amunu madittem.