Jon 3:19 - Nobonob Baibel

¹⁹ Nob nau awaknu hettoɗiak diig am iikku. Amahlak wanppa uɗiom, amge danab ag wanppanu gatatu, ag amunu oolag mauhom; ag amahlaknu oolag ii mauhom. Aɗinu? Ahilag kobol am nau.

Jon 3:19 ပူးပေါင်းရင်းမြစ်များ

Prowerb 2:13

Danab amu ag ib ena tutukku, ag amuppa oiyaknu uutteb; ag ib gatatu eleppa oitteb.

Jeremaia 9:6

Jeremaia, na danab ah ag hambuppuak kobol huanak hetteb, na ag oolagppa daattem. Ao, ag hambuppuak amu oh dim lamidnana, ag da am Yawe, ag amu dabmekkulagnu uun autna aotteb.” Yawe Nug anam awa atte.

Lewitikas 11:16

hipunai qeqeɗi ele, hipunai gayak baag eheɗ ele, kanai, kihkih digdig,

Lewitikas 13:10

Amu mana mettak danab nug danab amu beɗuppa titiɗak laa dayeb, amuppa teppu miag atiak, gaɗappa tonak iitta ele, gaɗa uɗikkudppa appa hakkab eppak ele anidkku amu,

Sekaraia 14:19

Isip danab ah, am wanppan wan laalanu danab ah aun aɗi ag Pehppa Dayaknu Hobul gamag ahak ele hekkulagnu Jerusalem ii tekkulag dayeb amu, ag bu anam aoglag.

Luk 12:47

Am maɗi nid nug nuhig danab okkainu dabmak amu dootte, amge nug digma ii babaitta, nuhig danab okkainu dabmak amu dim ii lamidtte, geha danab okkai nug huana makkuɗkku,

Luk 16:14

Amu ɗo gumak danab-Parasia, ag am men doɗonu oolag mauhom amunu, Jesus Nug nai amu oh mattie doona, ag ahan, nuhignu guhuɗittak nai madippig,

Jon 1:4

Nai Kayak Ippunigtte Nug am bauklel diig; bauklel amuam danab oh dilag amahlak.

Jon 1:5

Amahalak amu Nug gatatuppa amahaltte, amu gatatu nug amahlak amu eɗidkkunu elele iitta.

Jon 12:31

Gemu amu, wan imuppan danab oh dilag epeɗiak haen. Gemu haen imu amu, Kayak Nug heeb, wan imunu gumak danab nug gumak aben nuhigppa ii daama.

Jon 12:43

Ag danab ag binalag mekkulagnu oolag mauhttom. Kayak Nug ag binalag mekkunu amu, ag amunu oolag ii mauhom.

Jon 12:46

Amu laa nug dahilnu ooppa genab dootte, nug gatatuppa daamanu da amahlak awen, wan imuppa uɗimi.

Jon 5:44

Ag am lailkad dilagppa binalag okkai aoglagnu hetteb, amge binalag laa, Kayak toppanu uɗitte ele, ag amu aoglagnu ii hetteb amunu, ag attem hena, oolagppa genab dooglag?

Jon 7:17

Am danab laippu laa nug Kayaknu dabmak awaknab dim lamidkku amu, nug nai, da madittem imu, nai amuam Kayak toppanu beum o iitta da dahil dabmakppatai madittem amu nug dookku.

Jon 7:7

Wanppan danab ah wannu kobol dim lamadtteb amu, ag oolagppa ahilagnu nau ninig ele dooglagnu elele iitta, amge dahilnu ag anam dootteb. Aɗinu? Da haen oh kobol eheɗ ag hetteb ele, da amunu madittem.

Jon 8:12

Aria Jesus haen laappa baula danab ah amelagppa nai mattiaya aum. “Da am wanppan amahlak daattem. Aun laa nug da dim lamiɗkku amu, nug gatatuppa ii oima. Iitta. Nug bauklelnu amahlak ele daakku,” awa aum.

Jon 9:5

Da wan imuppa dayeye, da wanppan danab ah amahlak madattem,” awa aum.

Rom 1:32

Ag Kayaknu ɗo tutukku, amuam danab ag kobol nau amu hetteb ele, ag mauhkkulagnu atte amu ag dootteb, amge ag kobol nau amu hekkulagnu oolag he, ag amu hetteb. Danab amu ag anam aakku hetteb, amge amu aakkuib iitta. Iitta. Ag ele danab laa kobol nau amu hetteb binalag metteb.

Rom 2:8

Amge danab laala ag akka ahilagnu dabmenana, ag doyak diig genabib dimettan, kobol eheɗ, amuib dim lamidtteb ele amu, geha Kayaknu oppoɗi bak aqeb, ag nob naunab aoglag.

2 Tesalonaika 2:12

Danab ah amu ag doyak diig genabibnu oolagppa genab ii dooppig, ag nau hak kobolnu enanagnab dooppig ele, ag anam hena, ag nob nau aoglag.

1 Pita 2:8

Aria Kayak nai amunu laa am, “Men amuam men laa danab ippulagppa dayeye, danab ag men amuppa baelag qena, nena qetteb bia daatte. Ao, am men laa he, danab ag nena qetteb bia daatte.” Aɗinu ag baelag qetteb? Ag Nai Ena oolagppa genab ii dootteb. Ag oolagppa genab ii dootteb amunu, ag nena qekkulagnuib daatteb.

2 Pita 3:3

Amu ag tatam inam dooglagnu, daulagppa dokkunu ele amelagppa attem. Gog tak haenppa eheɗ hak danab laa ag bekkulag. Amu ag beɗu kobol eheɗ ahilag dim lamidna, kobol ena genab amu aon aon qettana imidkkulag.