Jon 21:7 - Nobonob Baibel

⁷ Anam daye amu ippunittak awak danab laa, Jesus nuhignu oo huanak mauhttom ele amu, nug Saimon Pita amegppa aum. “Umu am Naɗi,” awa aum. Anam a, Saimon Pita nug uɗat haaha, ulahnu lamen uɗa dayom ele amu, haen nug, “Umu am Naɗi,” nai amu doya, nug ulah lamen awa ma, oola leppa noum.

Jon 21:7 ပူးပေါင်းရင်းမြစ်များ

Sam 118:23

Yawe Nug men amu he, men amu anuqaknab dayeye, ig amenigppa anidta, ig enanag doot, dabmak kuɗum aomut.

Solomonnu Ahi 8:7

Danab nug le okkai aab ewakppa gokkaɗeb, aab ewak iitta mekkunu elele, amge laa heeb, oo mauhak ii iitta mema. Ao, laa nug le huanaknab aab naɗi ewakppa gokkaɗeb, aab ewak am qauhkku, amge laa nug heeb, oo mauhak ii iitta mema. Danab nug en nuhig ohppa oo mauhak daden mekkunu helo amu, en amuam elele iittanab iitta; am keeke nagnag bia. Oo mauhak am keeke okkainab.

Mak 11:3

Aa anam hebepeɗ, danab laa nug, ‘Aɗinu aa anam hettep?’ awa oɗ mateb amu, aa inam aiɗ! ‘Naɗi Nug nuhignu uɗat ele. Haen elabnu iitta. Nug paha eɗua meeb uɗikku.’ Aa anam aiɗ!” awa aum.

Luk 12:35

Jesus Nug nai amu ana, Nug nai imu ele mattiom. “Ag lamen matagiɗ ele takkan, lam amotna, uɗat hekkulagnu bappaidna,

Luk 2:11

Gemu deɗ imuppa Dawitnu aabppa, am Betlehem amu, appa ah laa nid awom. Nid amu Nug danab dilag Padal ii maknu ehanittak daatte; Nug amu Naɗi, Kristus.

Luk 7:47

Amunu da na amenppa attem. Nug hipunin kuɗum heum amu, nug amunu uhuqak awom daatte amunu, Nug dahilnu oo huanak mauhtte. Amge danab nug hipunin nakok ha, hipunin uhuqa mettak aotte amu, nug oo mauhak nakokib dootte,” awa aum.

Jon 13:23

Ippunittak awak danab laa, Jesus nuhignu oo huanak mauhttom ele, nug Jesus guguittak dayom.

Jon 19:26

Ag anam daaegeg, haen Jesus Nug anig amu ippunittak awak danab laa, Jesus Nug nuhignu oo huanak mauhttom ele, nug ele anata amu, Nug anig amegppa aum. “Anai, nid imuam na bekkat,” awa aum.

Jon 20:2

Anam antta, nug eɗua qaiqaɗ ukka, Saimon Pita, amu ippunittak awak danab laa, Jesus Nug nuhignu oo huanak mauhttom ele, nug aa amelahppa aum. “Ag Naɗi moɗppanu aon, adebtag meppig amu, ig ii doottem,” awa aum.

Jon 20:20

Nug anam awowa amu, Nug eppeg, qetti ele ippuanattom. Nug ippuanatte, ag Naɗi anidna amu, ag maɗoɗppan gamag ahak okkai dooppig.

Jon 20:28

Nug anam a amu, Tomas oɗeppa awa aum. “Na dahil Naɗi! Na dahil Kayak!” awa aum.

Jon 21:20

Pita Jesus ele goyaya amu, Pita nug eɗua neekka, ippunittak awak danab laa, Jesus nuhignu oo huanak mauhttom ele, nug anukka Pasowa ee lanak haenppa Jesus oguitta wana, “Naɗi, aun nug na kekeɗ eppelagppa meidkku?” oɗ mettom ele, nug dim lamatete anttom.

Jon 21:24

Am ippunittak awak danab amuib nug keeke imu oh amegppa antta, nai amu maditte, nai imu ele iikku yom amunu, ig doottem, nai imu am genab.

Jon 21:8

Nug oola leppa no, ippunittak awak danab laa oh ag uubppa daanna elqena, uhui kakai ele eeɗppig. Ag umanab ii daappig, yu ihi guguittak, 100 mita keeke daappig.

Aposel 10:36

Nai amunu diig am Jesus Kristus, Nug wan ohppan dilag Naɗi daatte amu, Nug nuhig uɗat okkaippa maɗoɗ daakkunu ib ooɗe, Kayak Nug maɗoɗnu Nai Ena amu me, Israel dilagppa uɗiom, am anamib daatte.

Aposel 2:36

Anam amunu Israel danab ah, ag oh tutukkunab doyeg! Kayak Nug he, Jesus Nug Naɗi, am Kristus ele daatte. Ag Nug ad emaitakppa atulppig.” Pita ag amelagppa anam mattie dooppig.

1 Korint 15:47

Adam tatamnu amu, Kayak Nug wan awa danab amu heum. Adam dimnu amu hab aabppanu uɗiom.

2 Korint 5:14

Aɗinu? Kristus nuhig oo mauhak amuib ig uɗat imu hekkunignu maɗeɗikkom. Amunu diig am ig imunu tutukku ena doottem; danab laippu Nugib ig danab oh ig abeninig awa mauhom. Nug ig ounig daya mauhom, amuppa ig oh aakku mauhmut.

Jems 2:1

O lailad, ag Naɗi ihinig Jesus Kristus, Nug binag amahlak oppiaawak ele amu, ag nuhignu oolagppa genab dootteb amunu, ag danab onilag okkai ele amuib atognoadna, danab onilag iitta ele am keeke hamu bia anadkkulagnu aib heppig.