Jon 21:25 - Nobonob Baibel

²⁵ Amu keeke kuɗum laa ele Jesus Nug heum amu, keeke amu oh danab nug bukppa yaalo amu, buk huanaknab daalob, buk amu wan imu ohppa ambena, laa ele daalob.

Jon 21:25 ပူးပေါင်းရင်းမြစ်များ

Job 26:14

Keeke amu oh am Kayak Nug ɠagattag okkainab ele ippunigtte, amge elele ii ippunigtte; nakoknab aakkuib ippunigtte. Ao, danab nai otiptip-ppa mattie, ig nai oqotti nakokib doottem, amubia keeke amuam Kayaknu ɠagattag nakokib ippunigtte. Otiptip mattiak am oqotti nakokib, hakkaɗ qak am oqotti okkai; amubia Kayak Nug nuhig ɠagattag okkai oh ippunikkeb, ig attem dabmelom?” Job nug anam Bildad amegppa aum.

Sam 40:5

O Yawe, dahil Kayak, na keeke kuɗum, danab amu hekkunu elele iitta, na aakku heme. Ao, na keeke ena ena kuɗum ihinignu maidme amu, laa nug keeke amu ohnu eɗua, na amenppa ab dookkutnu elele iitta. Keeke na hekkutnu maidttem am huanak, ebqaknu iitta amunu, da ma anttak hein, da laa amegppa keeke amu ohnu akkulnu hekkul dayeb amu, da elele iitta. Am keeke kuɗum, huanak ele.

Sam 71:15

Na kobol enanagnab kuɗumnab, da oh doyadkkulnu elele iitta hettem amunu, da na keeke genab tutukku hettemnu oh amelagppa akkul. Yo, deɗ oh amun tuqan ele da laa amelagppa na danab ah nahipad padal memananu ehanadme akkul.

Eklisiastis 12:12

Amu ippunittak danab nug inam atte. “Anam amunu, o da bekkal, na nau aomnanu dabmettak nai dahil imu doon autna awe! Na nai laala, danab doyak dabmak ena iitta ele oɗelagppa uɗitte amu, na nai amu aib dabmeme! Danab ag buk huanaknab yaatteb, amu buk amu ge iitta ebqak am beɗu he, bahi yaatte.

Amos 7:10

Amos nug nai amu mattie, Amasaia, Betelnu mana mettak danab, nug nai imu Israel dilag king Jeroboam toppa me ukkom. “Amos nug Israel danab ah oolagppa noa he, ag na kekeɗ mettaglagnu daatteb. Nug nai huan huan maditte, amu na nug uuidppe daakku, nuhig nai heeb, wan imu nauhkku.

Matyu 11:5

Amelag gaɗuak ag eɗun neegtteb, baelag nau autaut oitteb amu, ag ena oitteb, gaɗalag oɗe nau ele amu oɗe amu iitta mette, daulag ituak amu ag eɗun nai dootteb, danab mauhppig ele, ag eɗun bau daatteb, amu daɗek danab ag Nai Ena dootteb.

Matyu 19:24

Da baula ag amelagppa attem, doɗ kamel nug koitaknu tutui giɗoppa noa laih gokkunu am uug ele, amge danab enub kuɗum ele, nug Kayaknu ɗo maɗoɗ ooppa gokkunu, amuam uug okkainab ele,” awa aum.

Mak 5:16

Aria, danab ag Jesus Nug danab ouɗi nau ele nuhignu attem heum amu anidppig ele amu, ag laa amelagppa amunu mattinna, bonu ele madippig.

Aposel 10:38

dimppa Kayak he, nuhig Ouɗi Nug Jesus, Nasaret ted, Nug ooppa ambe, ɠagattag okkai ele mettom amunu, Nug Galili appa digma, aabaab oiyaya, danab ah ehanatte, danab oh Satan he ena ii daappig ele amu, Nug bappalatte, ag eɗun ena daappig. Aɗinu? Kayak Nug ele daapiɗ,” awa aum.

Aposel 20:35

Da Naɗi Jesusnu nai laa dabmeinne, da ehanittak kobol amuppa amu, da ag danab ah, keeke iitta, hamu daatteb, ig ag ehanadkkunignu daattem amu, da kobol amuppa ag ehanadkkulagnu ib ippunadmi. Jesusnu nai amuam inam. ‘Danab nug danab laa keeke metta, itittak ena aotte, itittak amuam danab nug keeke awa, itittak ena aotte, itittak amu eɗidtte.’ ”

Hibru 11:32

Amu oh ag anam heppig amunu, gemu da aɗi nai laa tuɗitte madikkul. Amu da Gideonnu kaya, Baraknu kaya, Samsonnu kaya, Jeptanu kaya, Dawitnu kaya, Samuelnu kaya, amu propet dilag kaya ele madikkulnu elele amge haen iitta.