Jon 21:17 - Nobonob Baibel

¹⁷ Jesus baula ewam batak Pita oɗ mettom. “Saimon, Jon bekka, na dahilnu oot mauhttete?” awa aum. Pita Jesus haen ewam batak, “Na dahilnu oot mauhttete?” aum amunu ooppa guittak doyaya, nug Jesus amegppa aum. “Naɗi, na keeke oh doon malame, amu na da nahipnu ool mauhtte ele doottem,” awa aum. Pita anam a amu Jesus amegppa aum. “Dahil sipsip bekkadna meɗe!” awa aum.

Jon 21:17 ပူးပေါင်းရင်းမြစ်များ

2 Samuel 7:20

O Naɗi Yawe, na da, nahip maɗi nid, na da dooiɗttem amunu, da, Dawit, da na amenppa aɗi nai laa madikkulnu daatte? Iitta.

1 King 17:18

Aakku ah nug Elaiya amegppa aum. “Kayaknu danab, na aɗinu dahilppa kobol imu heme? Na uɗin heppe, Kayak Nug dahil hipunin eɗua daugppa dob heeb, nid dahil imu oɗe awa, mauhkkunu uɗimete?” awa oɗ mettom.

1 Stori 17:18

O Kayak, da Dawit, nahip maɗi nid amu, da aɗi nai laa na amenppa madikkulnu daatte? Iitta. Na hettem amu, amuppa na aakku binan meɗattem. Na da dooiɗttem.

1 Stori 29:17

O Kayak dahil, da doottem, na danab oolagppa attem attem daatte, ag oolag italttem. Amu na danab nug nuhig dabmak oiyak ele am tutukkuib anidna, na amunu ootppa ena doottem. Anam amu, keeke imu oh da na mettami amu, da oo qak iitta ele, da dabmak genab dim lamitten mettami. Laa amu, da danab nahipad ag ina daatteb amu, ag oo qak iitta ele keeke medappig, da amu ele antten, gamag ahak okkai doottem.

Sam 17:3

Na dahil dabmak attemu amu anidna malame. Ao, na da ool attemu daatte amu, tuqanppa na anidna malame. Na da pehettananab aniɗna doottem, da eheɗ laa ii hein oimi. Da nai mattiak dahilppa eheɗ laa ii hein oimi.

Jeremaia 17:10

Anam, amge Yawe Nug atte. “Da Yawe, da danab, nuhig hak aɗi ippuniɗtte amu, da amu dabmein, nob tutukkuib medakkulnu, da nuhig kobol aɗi ippuniɗtte amu, da amu ele dabmein, nob tutukkuib medakkulnu, da danab oolag unuqag andette, da ahilag dabmak ele anidttem.

Gayak Nai 3:33

Amunu diig am, Nug danab ah bu matteb, uug dooglagnu gamag ahak ii dootte.

Matyu 25:40

Ag anam appeg amu, da ag oɗelagppa awe akkul. ‘Da genab ag amelagppa attem. Ag keeke aɗi laa da lailad, onilag iitta ele, ag oolagppanu laippu laa ag nuhigppa heppig amu, ag dahilppa heppig,’ awe akkul.

Mak 14:72

Pita nug anam a amu, matuk dawai nug paha haen ebqak aɗit gayom. Gaye amu Jesusnu nai, “Tuqan imuppa matuk dawai haen ebqak aɗit ii gayeb, na dahilnu, ‘Da Nug ii doottem,’ haen ewam batak akkut,” nai amu Pita daugppa doum. Nai amu Pita daugppa do, nug dabmaama gayom.

Jon 12:8

Daɗek danab ag oolagppa hanhan daaglag, amge da ag ele haen oh ii daamta,” awa aum.

Jon 13:38

A amu Jesus oɗeppa awa aum. “Na genab dahil aben aona mauhkkutte? Da genabnab genab na amenppa attem. Na tuqan imuppa, na dahilnu, ‘Da Nug ii doottem,’ aon, haen ewam batak akkut. Na haen ewam anam appe, geha matuk dawai nug gaakku,” awa aum.

Jon 14:15

Am ag dahilnu oolag mauhtte dayeb, ag dahil haknunab anak dim lamadkkulag.

Jon 15:10

Da Mamenu haknunab anak dim lamittette, nuhig oo mauhak ooppa daattem, amubia ag dahil haknunab dim lamidkkulag amu, ag haen oh dahil oo mauhak ooppa daaglag.

Jon 16:30

Gemu amu ig doottem, na keeke oh doottem amunu, danab laa nug tatam na oɗ metteb, na dimppa nug nob medakkutnu iitta. Iitta. Na oɗmak amu matu doon malan, nob mekkutnu elele. Amuppa na Kayak toppanu uɗime amu, ig oonigppa genab doottem,” aon appig.

Jon 18:27

Anam a amu Pita eɗua amegppa, “Iitta,” awa aum. Nug anam a, haen amuppanab matuk dawai gayom.

Jon 18:4

Jesus Nug keeke oh nuhigppa hekkulag amu oh doya malom amunu ag uɗieg, Nug guguatta wana oɗ mattom. “Ag aun maditteb?” awa aum.

Jon 21:18

Jesus Nug anam ana, Nug nai tuɗitta aum. “Da genabnab genab na amenppa attem. Haen na nid bau daanna, na nakka matagiɗ imuanppa takkana, aben na nakka gokkutnu oot dayom amu na amuppa gottame. Amge dimppa haen na kaino mena amu, na eppen humappe, laa nug na matagiɗ imuanppa tagitta, aben na gokkutnu oot ii daatte, amuppa omaitteb gokkut,” awa aum.

Jon 4:16

Anam a amu, Jesus Nug amegppa aum. “Gona, na gamut appe doyeb, eɗuya uɗieɗ!” awa aum.

Aposel 1:24

Ag danab aɗit otiatona, ag inam unuqidppig. “Naɗi, na danab oh oolag diig doottem amunu, danab aɗit imu oolahppan na aun nug Judas abenabppa ba, totol uɗat imu aokkunu tituanme amu, na ig ippunigkkutnu oɗ medattem. Judas nug nuhig abenppa gokkunu uɗat amu uuom,” unuqidna anam appig.

Aposel 11:10

Lamen okkai amu nug ne, haen ewam bate, aria ⌊Kayak he⌋ keeke amu eɗua, hab aabppa teum.

Aposel 15:8

Amu Kayak, Nug danab ah oh oolag diig dootte ele, Nug iitta aɗi nuhig Ouɗi ig mekkom bia ag mattom, amuppa Nug eɗua diiadkkunu oo dayom ig ippunikkom.

2 Korint 1:12

Aria, ig keeke laanu maɗoɗppan gamag ahak doottem. Ihinig ooppan oiyak ippunittaknu ulum am keeke amuam genab ippunigtte. Keeke amuam inam. Ig wanppa oimut, gemu ele oittem amu, ig Kayaknu oppiaawak kobol amu nuhig hambuppuak iitta kobol ele aot oimut. Ig danab dabmakppa ii hemut. Iitta. Ig Kayaknu ehanittak okkai hamu megatte, ig amuppa hetata amu, ig ag Korint daatteb oolagppa huana hemut.

Epesus 4:30

Ag Kayak Ouɗi oo uug aib medappig. Aɗinu? Ag Nug aoppig oitteb amunu, dimppa qagaiettakppanu eɗua uhuqak awaknu deɗppa Kayak Nug uhuqak amu madakkunu, nuhig Ouɗi, epponak keeke bia, ahilagppa daatte.

Josua 22:22

“Yawe Nug nukka aakkuib am Kayak! Yawe Nug nukka aakkuib am Kayak! Ig Yawe waappa daagnignu uut, nuhig nai tabapput nekkunu qaɗab imu ii hemut. Ag ig genab Yawe waappa daat, nuhig nai tabapput nekkunu hemut anigtteb dayeb amu, ag gemu ig iqappeg mauhtu! Amge anam iitta. Yawe Nug ig Nug dimettata, kayak laa dim lamidkkunignu ikka ihinignu qaɗab imu ii hemut dootte. Nug dootte amu, ig ag Israel laa oh ele amu dooglagnu oonig daatte. Ig qaɗab amu hemut, amge ig manaknu ofa, o ee aegnu ofa, o laippu dayaknu ofa amuppa ii hemata. Yawe Nug neekka, ig kobol laa amu hekkunignu hemut anigkku dayeb amu, Nug ig bu megakkunu oonig daatte, amge anam iitta.

1 Pita 1:6

Gemu haen imuppa ag keeke digdigppa uug dooglagtai, amge ag ehanittak okkai amu aoglagnu daatteb amu, ag amunu maɗoɗppan gamag ahak okkai aotte.

2 Pita 3:1

O lailad, imuam ad uɗug aɗit batak ahilagnu yaami. Uɗug aɗit ohppa nai yaami amu, ag tatam dooppig, amge da ag dabmak ahilagppa keeke amu oh genabnab dooglagnu, da dabmak maɗattak nai aakku yaami.

Revelesen 2:23

Da nuhikkud nid ele heppi mauhkkulag. Amuppa Kristen tamaniak oh ag dooglag, da danab oolag, amu ahilag dabmak ele epeɗie aute aottem. Amu ele, da Taiataira daatteb, da ahilag hak attemu amu, da amuppa nob madakkul.

Revelesen 3:19

Da bekkalad dilagnu ool mauhe, amu da ag tutukku daaglagnu ag daulag batete, ahilag kobol ena bekkulagnu toliadttem amunu, na kobol nahipnu dabmena autna aona, oot eɗuaɗ!