Jon 20:25 - Nobonob Baibel

²⁵ amunu, ippunittak awak danab laikkud laa ag Naɗi anidppignu amegppa aeg, nug aum. “Ag Nug eppeg tutuippa atulppignu duɗupa da amelppa anttena, da duɗupa amu eppelppa aɗen, Nug qetti duɗupa ele eppelppa aɗe doyena amu, da oolppa genab dookkul,” awa aum.

Jon 20:25 ပူးပေါင်းရင်းမြစ်များ

Job 9:16

Da hettoɗiak abenppa ukken dayeye, da laa nug da epeɗiltte ele onigppa eppi, nug uɗikku dayeb amu, Nug nai doya mala hettoɗia epeɗia elele mettak kobol dim lamitta, nai dahil babaittak hekkunu amu, da Nug dahil nai ii bappaidma oolppa genab doottem.

Sam 22:16

Kekeɗ dahil ag qai ameg laa bia, ag da taliliɗppig daatteb. Yo, nau hak danab ameg laa, ag da taliliɗna daatteb. Laion danab beɗu emale nauhtte, amubia ag da eppel, bael ele heeg nauhppig.

Sam 78:32

Kayak Nug anam he, danab ah ag amu anidppig, amge ag hipunin henanaib daappig. Ao, ag kobol danab hekkunu elele iitta heum anidppig, amge ag oolagppa genab ii dooppig.

Matyu 27:42

“Nug danab laa ehanattom, amge nug nugakka ehanidkkunu elele iitta. Nug am Israel dilag kingde! Nug ad emaitak uua, honap neeb amu, ig nuhignu oonigppa genab doognig.

Mak 16:11

Nug anam a, ag Jesus eɗua hibaittom, ah amu Nug ele anttom dooppig, amge ag oolagppa genab ii dooppig.

Mak 16:13

Wana amu Jesus Nug he, aa Nug dooyya, aa eɗuya goya, nai amu aeh amu, laa ag oolagppa genab ii dooppig.

Mak 16:14

Dimppa amu Jesus Nug ippunittak awak danab 11 ag ee lanana daaegeg, Nug tula gumatta wana, Nug ag ooppa genab doyak iitta daanna, ag laa ag Nug eɗua hibaittom dimppa anidna, ag amelagppa appig, amge ag oolagppa genab dooglagnu uun, ahilag dabmak amu ɠagattag eppom, Nug amunu daulag batom.

Luk 24:25

Aa anam aeh, Jesus Nug amelahppa aum. “Aa am danab dabmak tutukku iitta ele. Kayaknu propet ag nai amu mehuqppig, amge aa paha oolahppa genab dooglahnu ii hettep,” awa aum.

Jon 1:41

Amu nug paha ukka, Saimon antta, nug amegppa aum. “I Mesaia aakku anidmuɗ,” awa aum. Mesaia diig am, danab laa Kayak Nug Nug wan imu ohnu okkai daakkunu epeɗiom. Grik naippa Mesaia eɗuak amu Kristus.

Jon 20:27

Nug anam awowa, Nug Tomas amegppa aum. “Na eppen doɗoppa da eppel nakok aɗan, amenppa ele da eppel antte! Na eppen bahin, da qettil ele nakok aɗe! Na ooppa genab ii doyak danab bia aib heme. Iitta! Na ootppa genab doye!” awa aum.

Jon 21:7

Anam daye amu ippunittak awak danab laa, Jesus nuhignu oo huanak mauhttom ele amu, nug Saimon Pita amegppa aum. “Umu am Naɗi,” awa aum. Anam a, Saimon Pita nug uɗat haaha, ulahnu lamen uɗa dayom ele amu, haen nug, “Umu am Naɗi,” nai amu doya, nug ulah lamen awa ma, oola leppa noum.

Jon 6:30

Jesus Nug anam aum amunu ag appig. “Na Kayak dabmettaknu kobol danab haknu elele iitta aɗi laa heppe, ig anidta, nahipnu oonigppa genab doognigte? Na amu laa attem hekkut?

Hibru 3:12

O lailad, ag lailag laa ag oolagppanu nug dabmak nau, amu ooppa genab doyak ele iitta, amubia oiyaya, Kayak bauklel dimettamanu, ag dabmena autna aweg!

Hibru 3:18

Amu Kayak Nug aun aɗi dilagnu ag genabnab nuhig hik awak ii aomnanu nai ɠagattag qetta aum? Amuam danab ah ag nuhig nai ii dim lamidppig ele. Kayak Nug amu dilagnu anam aum