Jon 20:22 - Nobonob Baibel

²² Anam awowa, Nug ouɗi ahilagppa iwala, Nug aum. “Ag Kayak Ouɗi aweg! awa aum.

Jon 20:22 ပူးပေါင်းရင်းမြစ်များ

Genesis 2:7

Dimppa Yawe Kayak Nug wan gappud awa, amuppa danab heum. Ha amu, Nug danab amu noob oɗeppa ouɗi iwale, bau dayom.

Job 33:4

Kayak Ouɗi Nug da heiɗom. Ao, Laa Nukka Ɠagattag Oh Ele Ouɗi Nug da bau meɗatte.

Sam 33:6

Yawe Nug a, hab beum daatte. Nug oɗeppa nai mattieye, hoɗopai keeke beppig daatteb.

Esekiel 37:9

Beɗulkad ag anam aakku hena beeg amu, Yawe Nug da amelppa aum. “Na dimppa aɗi bekkunu nai ulah amegppa appe doyaɗ! Yo, danab bekka, na dimppa aɗi bekkunu nai ulah amegppa inam appe doyaɗ! Naɗi Yawe Nug atte. ‘Ulah, na aben ohppanu uɗittem, na anam uɗin, beɗulkad imu ag eɗun bau daaglagnu na ahilkadppa ouɗi iwalppe, noa heeb, beɗulag imu oh ag eɗun, bau ahan dayeg!’ ” Yawe Nug da anam akkulnu aum.

Jon 14:16

Amu da Mamel oɗ medappi, Nug Ehanittak laa madakku. Nug ag ele hanhan daaglag.

Jon 15:26

Kayak Ouɗi, Nug onig laa Ehanittak, Nug am doyak diig genabibnu diig Kayak toppa daatte amu, da Nug geha meppi, ag ehanadkkunu ahilagppa uɗikku. Nug amu Mame nuhigppa dayaya uɗikku. Haen Nug uɗia amu, Nug nai dahilnu ag amelagppa mattieb dooglag.

Jon 16:7

Da genabnab genab ag amelagppa attem. Da hab aabppa gokkul am ena. Da ii goppi am ena iitta. Aɗinu? Da ii goppi amu Kayak Ouɗi, ahilag Ehanittak, Nug ii nema, amge da tein dayeye, da meppi, Nug ag gumatta nekku.

Jon 20:21

Ag anam doyeg amu, Jesus baula amelagppa aum. “Ag maɗoɗ ele dayeg! Mame Nug da meiɗe uɗimi, amubia da ele ag maatti gotteb,” awa aum.

Jon 20:23

Ag danab laanu hipunin uhuqadna mettaglag dayeb, danab amunu hipunin am iitta mekkulag. Ag ii uhuqadna mettaglag dayeb amu, danab amunu hipunin iitta ii memana,” awa aum.

Jon 7:39

Jesus Nug nai amuam Kayak Ouɗinu aum. Danab ag oolagppa genab dooglag ele, ag aoglag. Amge haen amuppa Jesus Nug Mame toppa ii ukkom amunu, Kayak Ouɗi, Nug danab oolagppa ii dayom.

Aposel 10:47

“Amu laa nug danab imu ag layattak aoglagnu gun mekkunu elelete? Ag Kayak Ouɗi ig aomut amubiaib aoppig,” awa aum.

Aposel 19:2

Nug oɗ mattom. “Ag oolagppa genab doyona, ag Kayak Ouɗi aoppigte?” awa aum. Awa a ag appig. “Iitta! Ig Kayak Ouɗi daatte, nai amu laa nug ii a doomut,” aon appig.

Aposel 2:38

Aon aeg am, Pita nug amelagppa aum. “Kayak Nug ahilag hipunin uhuqatta madakkunu amu, ag oh akka anen anen ag oolag eɗueb, Jesus Kristus onigppa layattak aweg! Ag anam heppeg, Kayak Nug nuhig Ouɗi ag ɗo hamu mettak bia madakku.

Aposel 2:4

Anam he amu, danab oolagppa genab dooppig ele, danab amu ag oh Kayak Ouɗi ag oolagppa ambe, ag ahan, nai digdigppa nai madippig. Amu Kayak Ouɗi Nug he, ag oɗelagppa anam nai madippig.

Aposel 4:8

Danab amu ag anam aon oɗ mataeg, Kayak Ouɗi Nug Pita ooppa ambe, nug aha ag amelagppa aum. “O ag Israel danab okkai, amu ag ikki danab ele,

Aposel 8:15

Aa gumadya tewoya, ag Kayak Ouɗi aoglagnu unuqidpiɗ.

Galesia 3:2

Keeke laippuib da ag oɗ madappi ag appeg doyei! Ag Kayak Ouɗi aoppig amu, ag attem hena Nug aoppig? Ag ɗo dim lamidna aoppigte? O iitta ag Nai Ena doona oolagppa genab dooppig, ag amuppate ag Kayak Ouɗi aoppig?