Jon 20:21 - Nobonob Baibel

²¹ Ag anam doyeg amu, Jesus baula amelagppa aum. “Ag maɗoɗ ele dayeg! Mame Nug da meiɗe uɗimi, amubia da ele ag maatti gotteb,” awa aum.

Jon 20:21 ပူးပေါင်းရင်းမြစ်များ

Matyu 10:16

Doyeg, da ag maatti, ag sipsip wulp oolagppa gotteb bia gotteb amunu, ag dabmak tutukkunab aona, keeke heig! Amu ele ag keeke oh qinonob henana, kobol nau laa hekkulagnu aib dabmeppig.

Matyu 10:40

Danab nug ag oo matta humadtte amu, nug da oo meɗa humiɗtte. Laa nug da oo meɗa humiɗtte amu, nug Mama, Nug da meiɗe uɗimi ele, nug Nug oo metta humidtte.

Luk 24:36

Ippunittak awak danab, amu danab laala ele ag nuhignu aakku mattinna daaegeg, Jesus Nugib aakku tula doa, oolagppa hibaitta, amelagppa aum. “Ag maɗoɗ ele dayeg!” awa aum.

Jon 13:20

Da genabnab genab ag amelagppa attem. Laa nug maɗi nid, da nug mei gotte ele, nug nug oo metta humidtte amu, nug da aakku oo meɗa humiɗtte. Laa nug da oo meɗa humiɗtte, nug laa, da meiɗe uɗimi ele amu, Nug oo metta humidtte,” awa aum.

Jon 14:27

Da maɗoɗ awe ii gopa. Iitta! Da maɗoɗ ag madattem. Ge, da dahil maɗoɗ ag madattem. Wan imuppan maɗoɗ am laa, da amubia ii madattem amunu, ag oolag uug aib qeum. Ag aib baɗappig.

Jon 20:19

Aria, mettid digmakppanu deɗ, deɗ amuppa gatatu ne, Jesusnu ippunittak awak danab ag Juda dilag okkai baɗadna, lag ooppa od lok qak ele daaegeg, Jesus uɗia tula, ag oolagppa hibaitta, ag amelagppa aum. “Ag maɗoɗ ele dayeg!” awa aum.

Jon 20:22

Anam awowa, Nug ouɗi ahilagppa iwala, Nug aum. “Ag Kayak Ouɗi aweg! awa aum.

Jon 20:26

Nug anam a dimppa, mettid laippu uue, ippunittak awak danab ag baula Sabat deɗppa lakka qagmena daanna, haen amuppa Tomas nug ele oh daappig. Ge, lag od am lok qak daaegeg daappig, amge Jesus Nug uɗia, ag oolagppa dayaya aum. “Ag maɗoɗ ele dayeg!” awa aum.

Jon 3:17

Kayak Nug, Nug Bekka wan imuppa me uɗiom, amge Nug wanppan danab ah epeɗiadkkunu me ii uɗiom. Iitta. Kayak Nug nuhigppa wanppan danab ah eɗua diiadkkunu me uɗiom.

Aposel 1:8

Amge geha dimppa Kayak Ouɗi Nug ahilagppa neeb, ag ɠagattag aon, geha ag dahil aɗi heehe anttomnu mattiak danab daanna, ag dahilnu Jerusalem mehuqna, ag gona, Juda wan ohppa, Samaria appa ele mehuqna, ag wan atu ohppa ele gona mehuqkkulag,” awa aum.

2 Timoti 2:2

Am nai oh dahil, da danab ah kuɗum noolagppa mattiyi doome ele amu, na danab diilag ena ele, ag am oɗe dim lamittak danab, ag laa nai amu ippunadkkulagnu elele amu, na ag amelagppa madippe doyeg!

Hibru 3:1

Amunu O ig lainkad, ag Kayaknu danab ah oppiaawak ele, Nug ag ig ele hab aabppa daagnignu tituanikkom amu, ag Kristus Jesus, Nug am ihinig ooppa genab doyaknu mana mettak ikki danab, Nug am ihinig ooppa genab doyaknu totol danab daatte ele amu, ag nuhignu atognona dabmena autna aweg!

3 Jon 1:14

Da paha na gumitte gokkulnu dabmettem. Da gumitte goppi, na da ele nug iɗu anidɗaɗa, nai mattignih.