Jon 20:19 - Nobonob Baibel

¹⁹ Aria, mettid digmakppanu deɗ, deɗ amuppa gatatu ne, Jesusnu ippunittak awak danab ag Juda dilag okkai baɗadna, lag ooppa od lok qak ele daaegeg, Jesus uɗia tula, ag oolagppa hibaitta, ag amelagppa aum. “Ag maɗoɗ ele dayeg!” awa aum.

Jon 20:19 ပူးပေါင်းရင်းမြစ်များ

Sam 122:8

Da baeladppa, da lailad ele Jerusalem ippa ina daatteb amu, da ahilagnu dabmak anuqak awen, da, “Jerusalem ippa maɗoɗ daakkunu ool daatte,” attem.

Matyu 10:13

Ag itadna, lag amuppan danab itittak ena amu aoglagnu elele daatteb dayeb, ag itittak ena ahilagppa uuppeg dayaɗ! Amge ag amu aoglagnu elele iitta daatteb dayeb, ag eɗun aweg!

Matyu 18:20

Ao, danab aɗit, o ewam aakkuib ag da onilppa, aben adekkuppa qagmekkulag amu, da ele ag oolagppa daakkul,” awa aum.

Mak 16:14

Dimppa amu Jesus Nug ippunittak awak danab 11 ag ee lanana daaegeg, Nug tula gumatta wana, Nug ag ooppa genab doyak iitta daanna, ag laa ag Nug eɗua hibaittom dimppa anidna, ag amelagppa appig, amge ag oolagppa genab dooglagnu uun, ahilag dabmak amu ɠagattag eppom, Nug amunu daulag batom.

Jon 14:27

Da maɗoɗ awe ii gopa. Iitta! Da maɗoɗ ag madattem. Ge, da dahil maɗoɗ ag madattem. Wan imuppan maɗoɗ am laa, da amubia ii madattem amunu, ag oolag uug aib qeum. Ag aib baɗappig.

Jon 16:22

Anamnab aakku. Gemu amu ag oolagppa oo doyak ele daatteb, amge da geha ag eɗue anadkkul, amu haen amuppa ag maɗoɗppan gamag ahak okkai dooglag. Amu laa nug ahilag maɗoɗppan gamag ahak amu qeeb nekkunu elele iitta,” awa aum.

Jon 16:33

Da nai imu ag dahilppa maɗoɗ aon daaglagnu elele daaglagnu amelagppa ami. Wan imuppa amu ag uug anidkkulag, amge ag uug aib aqom! Aɗinu? Da wan imuppanu ɠagattag eɗidmi,” awa aum.

Jon 20:21

Ag anam doyeg amu, Jesus baula amelagppa aum. “Ag maɗoɗ ele dayeg! Mame Nug da meiɗe uɗimi, amubia da ele ag maatti gotteb,” awa aum.

Jon 20:26

Nug anam a dimppa, mettid laippu uue, ippunittak awak danab ag baula Sabat deɗppa lakka qagmena daanna, haen amuppa Tomas nug ele oh daappig. Ge, lag od am lok qak daaegeg daappig, amge Jesus Nug uɗia, ag oolagppa dayaya aum. “Ag maɗoɗ ele dayeg!” awa aum.

Jon 21:1

Amu dimppa amu, Jesus Nug nuhikkud ippunittak awak danab, ag Taiberias le ihippa daaegeg, Nug appa ag gumatta tula beum. Keeke amuam inam beum.

Jon 21:14

Jesus Nug eɗua hibaittom dimppa amu, imuam haen ewam Nug aakku nuhikkud ippunittak awak danab gumatta tula beum.

Jon 7:13

Anam akka akka madippig amge, ag Juda okkai dilag baɗappig amunu, laippu laa nug ag noolagppa nai miag atiak laa ii mattiom.

Aposel 1:3

Aria, Nug guittak nau amu awa mauhowa, dimppa Nug genab eɗua hibaittom Nug nuhikkud totol danab 11 ippuanadkkunu, eɗuak hibaittak dimppa Nug nuhikkud totol danab 11 haen gamag deɗ 40 amuppa gumatta ona, ib kuɗumppa keeke amu ippuanattom. Nug deɗ 40 amuppa Kayaknu ɗo maɗoɗnu nai ele mehuqe dooppig.

Rom 15:33

Kayak, Nug am maɗoɗ diig, Nug ag oh ele daaglagnu ool daatte. Genab.

1 Korint 15:5

Amu Nug Pita gumitta ukke antte, dimppa Nug nuhikkud ippunittak awak danab laa gumatta ukke anidppig.

Epesus 2:14

Ao, Kristus Nugib am ihinig maɗoɗ danab. Anukka Juda amu ag gaɗalag ii otaɗak ele, ag ele kekeɗ daadttappig. Kobol amu nug ouqa laippu oiyaknu ib oo ne, ameg aɗit aakku daattapiɗ, amge Kristus Nug beɗuppa ib oo nak amu loppaɗa, ameg aɗit amu ouaqatom.

Epesus 6:23

Mame Kayak, Naɗi Jesus Kristus ele aa maɗoɗ, oo mauhak, amu ooppa genab doyak ele Kristen tamaniak danab ah oh madapeɗ daaglagnu ool daatte.

Pilipai 1:2

Kayak ig Mamenig, amu ihinig Naɗi Jesus Kristus ele, ahilah ehanittak okkai hamu mettak, amu ahilah maɗoɗ ele ahilagppa hanhan daaglahnu oonih daatte.

2 Tesalonaika 3:16

Naɗi Nug maɗoɗ kobolnu diig, Nug nukka ag hanhan, keeke ohppa, maɗoɗ madakkunu oonig daatte. Naɗi Nug ag oh ele dayeg!.

Hibru 7:2

Mette amu, Abraham nug keeke oh awom, nug amunu obatak eblaih tanig ele ooppanu obatak laippu Melkisedek mettom. Melkisedek onignu mehuqak am, “Genab tutukku hak kobolnu king.” Melkisedek nug am Salemnu king. Amunu meu am, “Maɗoɗnu king.”

3 Jon 1:14

Da paha na gumitte gokkulnu dabmettem. Da gumitte goppi, na da ele nug iɗu anidɗaɗa, nai mattignih.

Revelesen 1:4

Da Jon, da Kristen tamaniak eblaih aɗit ele Asia wanppa daatteb ele, da ahilagnu iikku yaattem. Kayak Nug gemu daatte, anukka dayom, dimppa uɗikkunu ele daatte, Nug, amu nuhig Ouɗi, kobol ena oh nuhigppa ambak daatte, Nug Kayaknu sia king noobppa daatte, amu Jesus Kristus, Nug keeke imu ohnu aɗi anttomnu mattiak danab dayaya, oo metta ii uuak kobol dim lamitta ippunikke anidttem, Nug danab mauhppig ele dilag eɗua hibaittak danab anuqak, wanppanu king oh dilag okkai ele daatte amu, ewam amu oh ag ahilag ehanittak okkai hamu mettak, ahilag maɗoɗ ele amu, ag danab ag tamaniak eblaih aɗit ele ooppa daatteb, ahilagppa daaglahnu ool daatte. Kristus, Nug ihinignu oo mauhe, Nug tiigppa ihinig hipunin oh uhuqom,