Jon 20:16 - Nobonob Baibel

¹⁶ Anam a amu, Jesus eɗua, ah onig diia, “Maria,” awa aum. Anam a amu, Maria nug eɗua Hibru naippa, “Rabonai,” awa aum. Amu diig am, “Ippunittak danab.”

Jon 20:16 ပူးပေါင်းရင်းမြစ်များ

Genesis 22:1

Dimppa Kayak Nug Abraham ma anttak mettom. Nug Abraham onigppa e amu, Abraham nug oɗeppa awa aum. “Da ina, aɗitai appe dookkul,” awa aum.

Genesis 22:11

Abraham nug anam heehe, Yawenu engel nug hab aabppanu ewa, “Abraham, Abraham,” awa eum. E amu, Abraham nug aum. “Da ina, aɗitai appe dookkul,” awa aum.

Genesis 45:12

Josep nug ag nai amu ag mamelag amegppa akkulagnu aum amu, nug nai baula tuɗitta aum. “Ag aniɗna dootteb. Benyamin ele aniɗa dootte. Da am Josep. Da iikku ag ele nai madittem.

Eksodas 3:4

Amu Yawe Nug Moses ad nakok amu anidkkunu gukkuitta ugekke antta, Kayak Nug baag aab ewak amu ooppanu, “Moses, Moses,” awa aum. A amu, Moses nug aum. “Da iikku daattem,” awa aum.

Eksodas 33:17

Moses nug anam a, aria Yawe Nug Moses amegppa aum. “Da nahipnu ena doottem, da na dooitte aute aottem amunu, da am geha, na ame bianab, da anam hekkul,” awa aum.

Solomonnu Ahi 3:4

Da anam oɗ mattoya wain ukke, pahanab am da laa, da nuhignu ool mauhtte ele, da nug anidmi. Da nug antte, da nug aɗe, uuiɗa gomanu ɠagattag aɗami. Da nug aɗe, ii paɗami. Iitta. Da nug aɗen, omale ukke, da anil laugppa temi. Ao, da lag amuppa, anai oo laappa da menuiɗom amu, da oo amuppa tein, appa da nug paɗami.

Solomonnu Ahi 5:2

Tuqan laappa da niimi, amge da niie gad ii mein, da tul niimi. Da tul niiiyi, laa dahilnu oo mauhtte nug od dahil qeqalele dooiyi, nug aum “O ah dahil, na dahil ah daakkutnu awidmi. Da nahipnu ool huan mauhtte. Na dahil uppuɗil beɗulag nakok, anttak enanag ele daattem. Nahip-ppa nau nakok laa ii daatte. Na od matulna meɗe! Da tuqan imuppa dimittim oiiyi, baito na, da ikkil leppu mettom. Ao, baito da ikkil uɗug bauɗe, ikkil uɗug leppu ele daatte amunu, na od matulna meɗakkutnu oɗ medattem!” awa aum.

Aisaia 43:1

Anam, amge gemu Yawe Nug he, ag Jakop buɗub ag huu laippu daatteb ele, Nug ag amelagppa atte. Ao, Yawe Nug, Nug he, ag Israel buɗub ag danab ah laippu daatteb, Nug ag amelagppa atte. “Da ag laa eppegppa dayaknu qagaiettakppanu eɗua uhuqak dayaknu hein madakkul amunu, ag aib baɗappig. Da danab nug laa onigppanab eewo dootte, amubia da ag onilagppa ei, ag dahilad daatteb.

Matyu 14:27

Huanak eppig, amge Jesus Nug pahanab amelagppa aum. “Ag ɠagattag dayeg! Ag aib baɗappig. Imu daib,” awa aum.

Mak 10:51

Nug gumitta wa amu, Jesus nug oɗ mettom. “Da nahipnu aɗi hekkulnu oot daatte?” awa aum. Awa a amu nug aum. “Ippunittak danab, na heppe, da neegkkulnu ool daatte,” awa aum.

Luk 10:41

Amge Naɗi Nug oɗeppa awa aum. “Marta, Marta, na dabmak kuɗum ootppa dayeye, na keeke kuɗumnu ottaittem

Jon 1:38

Jesus Nug eɗua anata, Nug aum. “Aa aɗi madittep?” awa aum. Nug anam a amu, aa apiɗ. “Rabi, na adeppa daattem?” aoi apiɗ. Rabi eɗuak am ippunittak danab.

Jon 1:49

Jesus anam a amu, Nataniel oɗeppa awa aum. “Ippunittak danab, na am Kayak Bekka, na Israel dilag king,” awa aum.

Jon 10:3

Amunu nug uɗie, sipsipnu od gumak danab nug od matula mette, nug ooppa no, sipsip nuhikkud ag nug baag dootteb. Ag dootteb amu, nug nuhikkud sipsip onilagppa ewa diia, dimittim gotte.

Jon 11:28

Marta anam awowa, nug lakka ukka, nug Maria, nug Maria ele aa emakkeg, nug nug onigppa e do, omala nakok giginppa ukka, amegppa aum. “Ippunittak danab uɗiom, uppa uma ibppa dayaya na oninppa ette,” awa aum.

Jon 13:13

Ag dahilnu, ‘Ihinig ippunittak danab amu ihinig Naɗi ele,’ aon atteb. Da genab da anam aakku daattem amunu, ag ena anam atteb.

Jon 20:28

Nug anam a amu, Tomas oɗeppa awa aum. “Na dahil Naɗi! Na dahil Kayak!” awa aum.

Jon 3:2

danab amu nug tuqan Jesus gumitta uɗia, Nug amegppa aum. “Ippunittak danab, ig doottem, na am ippunittak danab Kayak toppanu uɗime. Aɗinu? Kayak Nug danab laa ii ehanitteb amu, nug Kayak dabmettaknu kobol danab haknu elele iitta, na hettem ele amu, nug hekkunu elele iitta,” awa aum.

Jon 5:2

Jerusalem aab aɗubnu od laa onig Sipsip Dilag Od, od amu guguittak amu le ameg laa dayom. Aram dilag naippa amu ag, “Betsaida,” aon atteb. Le amu agappa danab daaglagnu ag ulah lag tanig ele, geɗiak iitta heppig.

Jon 6:25

Ag gona, Jesus laih dayeye anidna, oɗ mettan appig. “Ippunittak danab, na haen aɗippa ippa uɗime?” aon appig.

Aposel 10:3

Nug anam heehe amu deɗ laa tueb, aam ameg ewamppa nug tuleglegppa Kayaknu engel laa miag atiak nug gumitta uɗia anttom. Engel nug uɗia, onig diia, “Kornilius,” aum.

Aposel 9:4

Anam amu, Saul nug wanppa na qa, wanppa niieye, nai baag laa na, inam nug amegppa a doyom. “Saul, Saul, na aɗinu da eheɗ heiɗttem?” awa aum.

1 Samuel 3:10

Nug anam niieye, Yawe Nug uɗia, Samuel niiomppa guguitta hibaitta dayaya, nug haen laa oh Samuel onigppa eum bia baula ewa “Samuel! Samuel!” aum. Nug anam e amu, Samuel nug aum. “Nahip maɗi nid da, da nai dookkulnu iikku daattem amunu, na aɗi akkutnu hettem amu, na anam akkutnu ool daatte,” awa aum.

1 Samuel 3:6

Samuel nug balalppa niieye, Yawe Nug baula onigppa ewa, “Samuel” ana ewa eum. Nug anam onigppa e, Samuel nug aha, Eli niiomppa ukka, “Na da onilppa e doomi, aakku da iikku daattem,” awa aum. Nug anam a, Eli nug aum. “O da bekkal, da na oninppa ii emi. Na eɗun gona, niie!” awa aum.