Jon 2:4 - Nobonob Baibel

⁴ Nug anam a amu, Jesus Nug amegppa aum. “Anai, imuam i ihinih ohnu keeke iitta, amge da kobol danab hekkunu elele iitta, amu hekkulnu haen iite doum?” awa aum.

Jon 2:4 ပူးပေါင်းရင်းမြစ်များ

2 Samuel 16:10

Nug Dawit amegppa anam aum, amge King Dawit nug nob ma aum. “O Seruia bekoɗ, ahilah dabmak am dahil ele laippu iitta. Yawe Nug danab amu amegppa, ‘Wana, Dawit eheɗ laa awaknu anak waappa dayaknu nai a!’ aum dayeb, diig amunu ele nug hette dayeb amu, aun laa nug nuhignu, ‘Aɗinu na anam hettem?’ anaknu elelete? Iitta. Laa iitta,” awa aum.

2 Samuel 19:22

Nug anam a, Dawit nug aum. “O Seruia bekoɗ, ahilah dabmak, am dahil dabmak ele laippu iitta. Gemu aa da uug meɗattep. Ig gemu hepput, Israel oolagppa danab laa mauhkku am enate? Iitta! Gemu da king daattem doottem amunu, laa nug ii mauhma,” awa aum.

1 King 17:18

Aakku ah nug Elaiya amegppa aum. “Kayaknu danab, na aɗinu dahilppa kobol imu heme? Na uɗin heppe, Kayak Nug dahil hipunin eɗua daugppa dob heeb, nid dahil imu oɗe awa, mauhkkunu uɗimete?” awa oɗ mettom.

Eklisiastis 3:1

Keeke oh, am ahilag haen ele; amu uɗat oh danab ag wanppa hetteb ele, hak amu ele am haen ele.

Matyu 15:28

Anam a amu Jesus Nug oɗeppa awa aum. “Ah, nahip ooppa genab doyak am okkainab! Keeke na oot aum, nahip-ppa anam bekku,” awa aum. Jesus Nug anam a amu, aam ameg amuppaib nid ahin nuhig eɗua ena dayom.

Matyu 8:29

Aa uɗiya, huanak eya apiɗ. “Kayak Bekka, na ihinihppa attem hekkutnu hettem? Guittak haen ihinih ii uɗiom, amge na paha guittak nau metakkutnute uɗime?” eya apiɗ.

Luk 2:49

Anam a amu Nug eɗua amelahppa inam aum. “A aɗinu ahaya, da mattiɗttep? Da Mamel laugppa daakkulnunab daatte amu, aa iite doottep?” awa aum.

Jon 12:23

Aeh amu Jesus Nug amelahppa aum. “Danab Bekkalag da, da binal amahlak oppiaawak ele aokkulnu haen aakku uɗiom.

Jon 13:1

Pasowa Hobulnu deɗ ii neum, amu haen miag dayomppa, Jesus Nug doyom, Nug wan imu uua, Mameg toppa gokkunu haen aakku malom. Nug anam doya, Nug nuhikkud, ag wan imuppa daappig amu, Nug ahilagnu oo mauhe, Nug genab anam huanak doyom amu gemu ippuanattom.

Jon 2:3

Ag anam eeg daaegeg, dimppa wain iitta me, Jesus anig nug Jesus amegppa aum. “Wain ahilag iitta meum,” awa aum.

Jon 20:13

Anate, aa nug oɗ medapiɗ. “Ah na aɗinu gaattem?” aoya apiɗ. Anam aeh amu, nug aum. “Danab ag dahil Naɗi aon, adebtag meppig am, da ii doottem,” awa aum.

Jon 20:15

Maria eɗua Jesus antte, amu Jesus nug oɗ mettom. “Ah, na aɗinu gaattem? Aun madittem?” oɗ metta aum. Oɗ mette amu, Maria nug nukka, nug ooppa, danab amu nug dad amu mameg dabma, nug amegppa aum. “Danab naɗi, natai aon gome? Anam dayeb amu, na adeppa meme da amelppa appe, da ukken aokkul,” awa aum.

Jon 7:30

Jesus Nug anam a, ag Nug aɗaglagnu heppig, amge nuhig haen ii malom amunu, laippu laa nug Jesus ii aɗom.

Jon 7:6

Jesus amakkud ag anam mattieg, Jesus Nug ag amelagppa aum. “Gemu am dahil haennab iitta, haen imu oh am ahilagib.

Jon 7:8

Ag hobulppa ukkeg! Da geha imu ii gopa. Aɗinu? Am dahil haennab iitta,” awa aum.

Jon 8:20

Nug nai amuam Kayaknu mettid lag nuhig tomppan keeke oh ele ooppa, men doɗonu kunup guguittak dayaya ippuanattom, amge Nug mauhkkunu haen ii malom amunu, laa Jesus aɗakkun ii heum.

2 Korint 5:16

Anam amunu gemu amu, ig oo alagppan kobolppa baula danab laa ib amuppa ii epeɗittem. Genab, anukka ig oo alagppan kobolppa Kristus epeɗimut, amge gemu ig anam ii hettem.

Duteronomi 33:9

Lewi buɗub ag nahipnu anuqak dooppig; baelkadppa dilagnu anuqak ii dooppig. Ao, ag nahip haknunab anak dim lamidppig; nahip nug tituana nai qakkak nai ele ii uuppig.