Jon 2:2 - Nobonob Baibel

² ag Jesus Nug nuhikkud ippunittak awak danab ele, ag oh ele hobul amuppa daaglagnu onilagppa eppig.

Jon 2:2 ပူးပေါင်းရင်းမြစ်များ

Matyu 12:19

Nug a ona a doak nai ii mattima, ewak ele ii hema. Ao, Nug baag okkaippa ib naɗippa danab amelagppa nai ii mattima.

Matyu 25:40

Ag anam appeg amu, da ag oɗelagppa awe akkul. ‘Da genab ag amelagppa attem. Ag keeke aɗi laa da lailad, onilag iitta ele, ag oolagppanu laippu laa ag nuhigppa heppig amu, ag dahilppa heppig,’ awe akkul.

Matyu 25:45

Appeg amu, da ag oɗelagppa awe akkul. ‘Da genab ag amelagppa attem. Ag keeke aɗi laa da lailad, onilag iitta ele, ag oolagppanu laippu laa ag nuhigppa ii heppig amu, ag dahilppa ele ii heppig,’ awe akkul.

Jon 2:12

Hobul amu male, Jesus Nug anig, amakkud, amu nuhikkud ippunittak awak danab ele ag Kaperneam appa nona, haen tutu daappig.

Jon 2:17

Jesus anam a, nuhikkud ippunittak awak danab ag Kayak naippa nai daatte, nai amu ag daulagppa doum. Nai amuam inam. “Na lautppa, na ig attemnab daagnignu ippunigttem amu, da amunu yag-nab-bak doye hettem.”

Jon 2:22

Amunu dimppa Kayak he, Jesus Nug eɗua hibaitte amu, ippunittak awak danab ag Nug anukka aum amu daulagppa do, ag Kayak nai, amu nai Jesus Nug aum, nai amu ele ag oolagppa genab dooppig.

Jon 2:3

Ag anam eeg daaegeg, dimppa wain iitta me, Jesus anig nug Jesus amegppa aum. “Wain ahilag iitta meum,” awa aum.

Jon 3:22

Anam matti malaeh, dimppa Jesus Nug nuhikkud ippunittak awak danab ele ag Jerusalemnu ahan, Juda wanppa aben laih gona, Nug ag ele deɗ laala daanna, danab ah layattom.

Jon 4:2

Amge Jesus ii layattom, nuhig ippunittak awak danab ag layadppig.

Jon 4:33

Nug anam a amu ippunittak awak danab ag akka akka nug oɗ mettan appig. “Danab laa ee laa awa uɗia mettomtai,” aon appig.

Jon 6:12

Haen danab ag oh oolag dittia male, Jesus Nug nuhikkud ippunittak awak danab amelagppa aum. “Ee big niitte amu oh qagmeig! Ig huppu nakok laa ii kakidmata,” awa aum.

Jon 6:16

Aam no uudoowo, Jesusnu ippunittak awak danab ag le ameg ihippa nona, Nug ameg mena daappig, amge gatatu neene, Jesus Nug gumatta ii uɗiom amunu, ag uubppa tena, le ameg mataɗna Kaperneam gokkulagnu goppig.

Jon 6:60

Aria Jesus Nug anam mattie, nuhig ippunittak awak danab kuɗum ag nai mattiom amu doona amu ag appig. “Nai umuam uug elenab; aun nug dookkunu elele?” aon appig.

Jon 6:66

Jesus Nug nai amu mattiom, haen amuppa amu nuhikkud ippunittak awak danab kuɗum ag Nug dimedappig, tuɗidna Nug dim ii lamidppig.

Jon 6:67

Jesus anam antta amu, Nug nuhig ippunittak awak danab 12 amelagppa aum. “Ag ele da uuiɗna gokkulagnu oolag daattete?” awa aum.

Jon 6:70

A amu Jesus Nug nuhikkud ippunittak awak danab amelagppa aum. “Da ag danab 12 tituanadmi, amge laippu laa ag oolagppanu amu, nug ouɗi nau,” awa aum.

Jon 6:71

Jesus Nug Saimon Iskariot bekka Judasnu aum. Ippunittak awak danab 12 amu oolagppanu, nug laa aakku, amge dimppa nug Jesus qeppeg mauhkkunu kekeɗ eppelagppa meum.

Jon 6:8

Nug anam a amu, Jesusnu ippunittak awak danab laa Andru, nug Saimon Pita ele aa am eamag amu, nug aum.

Jon 7:3

Jesus amakkud ag Nug amegppa appig. “Na aben imu uuna, Juda wanppa ukke! Gona, nahipad ippunittak awak danab ag nahip uɗat, danab haknu elele iitta, na hettem ele, ag amu anidkkulagnu, na appa heppe anidkkulag.

Aposel 11:26

antta, nug omale Antiok ukkaeh, maɗ laippu Kristen tamaniak appanu ele daanna, aa danab ah kuɗumnab Kayak nai ippunadpiɗ. Antiok appa danab ag tatam digmena, danab ag Jesusnu oolagppa genab dooppig, ag ahilagnu, Kristen appig.

Aposel 11:29

Amu be, Kristen ag nai laippu anana, ag men doɗo ag lailkad Juda ehanadkkulagnu meppeg gokkunu dabmeppig. Kristen oh ag beɗulagppa men doɗo gane daatte amu doona, ag laih uɗat amunu otippig.

1 Korint 10:31

Amge ag ee le ele lakkulag, o keeke laa hekkulag amu ag keeke amu ohppa ag Kayak binag amahlak oppiaawak ele mekkulagnu aakkuib dabmenan heig!

1 Korint 7:39

Amu danab ah ewau matulpiɗ amu, ah nug danab amu bau dayeye, aa ouqak laippu daaglahnu aakkuib dabmekku. Amge nug gamu mauhkku amu, nug danab laa aokkunu am ib oo nak iitta. Nug danab laa aokkunu oo daatte, nug danab amu aokkunu elele. Am nai iitta, amge nug danab laa nug ele Jesusnu ooppa genab dootte aakkuib aokku.

Kolosi 3:17

Ag nai madittebtai, o iitta ag uɗat hettebtai, o iitta ag aɗi keeke hetteb amu, ag Jesus onigppa Mame Kayak amegppa, “Ena heme,” anana, ag keeke amu oh Naɗi Jesus onigppaib heig!

Hibru 13:4

Ewau dayaknu amu, ag oh amunu ena doyeg! Danab ah ele ewau daattep, aa gappai laa aib hepiɗ. Aɗinu? Kayak Nug geha ewau pakkua gappai hak danab, amu laa gappai kobol laala hetteb ele, Nug ag epeɗiadkku.

Revelesen 3:20

Antte! Da lag odppa dayeye, od qeqalele daattem. Aun laa nug doya od matuleb amu, da lag ooppa noppi, nug ele ee lakkunih.