Jon 2:11 - Nobonob Baibel

¹¹ Aria, Jesus Nug amu heum amu, amuppa Nug Kayak dabmettaknu kobol danab haknu elele iitta, kobol amu hekkunu digma heum. Nug Galilinu aab Kana appa anam ha, amuppa Nug Nug binag amahlak oppiaawak ele he miag atie, nuhikkud ippunittak awak danab ag nuhignu oolagppa genab dooppig.

Jon 2:11 ပူးပေါင်းရင်းမြစ်များ

1 King 17:24

Nug anam a amu, ah nug Elaiya amegppa aum. “Genabnab genab, gemu da doottem. Na Kayaknu danab. Genabnab, na nai mehuqttem amu, Yawe Nug nukka nai amu na medette, na nai amu mehuqttem. Am nai genabib,” awa aum.

Sam 72:19

Nug onig am binag amahlak oppiaawak ele; ag Nug hanhan binag meig! Wan atu ohppan danab ah ag Nug binag amahlak oppiaawak ele amu, ag amu anidkkulagnu ool daatte. Genab anam dayaɗ! Genab, anam dayaɗ!

Sam 96:3

Ag nuhig binag amahlak oppiaawak elenu amu, ag wanppan wan ohnu danab ah oh amelagppa mehuqeg! Ao, ag nuhig hak enanagnu huu ohppa appeg doyeg!

Eksodas 14:31

Aria, Israel ag Yawe Nug Isip eɗatta, uɗat naɗi heum, ag amu anidna, ag nuhignu ebehilkad oh bodoetta le me, ag nuhignu, nuhig maɗi nid Mosesnu ele oolagppa genab dooppig.

Eksodas 4:9

Amge ag dahilnu dabmettaknu kobol danab haknu elele iitta aɗit amu anidna, ag nahip nai oolagppa genab ii dooppeg amu, aria na Nil leppanu le laa itan, wanppa gokkaɗppe, geha le amu eɗua, tiig daakku,” awa aum.

Eklisiastis 9:7

Am gemu amu, Kayak Nug na gamag ahak doon, ee, wain ele nahip lakkutnu oo hette amunu, na gona, oo gamag ahak ele nahip ee, wain ele la!

Aisaia 40:5

Ag anam heppeg, geha Yawenu binag amahlak oppiaawak ele am miag atia dayebeb, danab ah oh ele anidkkulag.” Yawe Nug anam mattiom daatte amunu, am anam bekku.

Malakai 2:2

Ag dahil nai imu doon, ag oolagppanab meig! Nai ag dooglagnunab attem am, ag da onilnu am binag ele doyeg! Ag haknunab nai dahil ii doon, ii dim lamidkkulag dayeb amu, da ag eheɗ laa awaknu anak waappa daaglagnu, uug naunab ele laa ahilagppa bekkunu akkul. Ag dahil haknunab nai ii dim lamidkkulag dayeb amu, ag itittak ena laa ag aoppig amu, da heppi, eheɗ laa awaknu anak waappa dayak bia daakku. Ge! Ag da binal mekkulagnu oolagppanab ii dootteb amunu, da nakok matu bia itittak ena ahilag laa aoppig amu, da hei, itittak ena amuam eɗua, ag eheɗ laa awaknu anak waappa daatteb.

Jon 1:14

Am Kristus, onig laa Nai Kayak Ippunigtte, Nug danab beɗu awa, ig oonigppa dayom. Ig oonigppa dayeye, ig nuhig binag amahlak oppiaawak ele anidmut. Binag amahlak oppiaawak ele amuam laa Nug Kayak Bekka laippunab daatte, Nug Kayak, nuhigppanu uɗiom amu, am nuhig aakku. Doyak diig genabib, amu ehanittak okkai hamu mettak kobol ele, amuam nuhigppa ambaknab ele daatte.

Jon 1:17

Yo, ɗo amu ig Moses nuhigppa aomut, amge ehanittak okkai hamu mettak kobol, amu doyak diig genabib ele amu, ig Jesus Kristus nuhigppa aomut.

Jon 1:43

Wagɗe deɗ amuppa Jesus Nug Galili gokkunu dabmaama, Nug Pilip, nug am Betsaida ted, nug Andru, Pita ele, ag oh appalag laippu amu, Jesus Nug nug mattia antta amu nug amegppa aum. “Na da dim lamiɗe!” awa aum.

Jon 1:50

Anam a amu, Jesus Nug Nataniel oɗeppa awa aum. “Da na ad fig waappa anidminu ami amu, na amunute ootppa genab doottem? Na keeke amu eɗittak, laa ele geha anidkkut,” awa aum.

Jon 10:41

Nug appa dayeye, danab ah kuɗum Nug gumidna uɗippig. Uɗin amu ag appig. “Genab, Jon nug Kayak dabmettaknu kobol danab haknu elele iitta laa ii heum, amge nug nai oh danab imunu mattiom ele, nai amu oh am genabib,” aon appig.

Jon 11:15

amge da nug ele appa ii daamuɗ amunu amu, da ool gamag ahatte. Aɗinu? Da ahilagnu dabmettem. Da dahil uɗat laa heppi, ag kobol amuppa ag dahilnu oolagppa genab dooglag. Ahappeg, ig gota anidtu!” awa aum.

Jon 11:47

Mattieg amu, mana mettak danab okkai, amu ɗo gumak danab-Parasia ele ag Juda dilag hettoɗiak okkai onig Sanhidren, amunu danab oh qagmaadna appig. “Ig attem hekkunig? Danab imu Nug Kayak dabmettaknu kobol danab haknu elele iitta kuɗum hette.

Jon 12:18

danab ah laala ag Jesus Nug Kayak dabmettaknu kobol danab haknu elele iitta amu heum, ag nai amu dooppig amunu, ag Jesus uɗa tekkulagnu goppig.

Jon 12:37

Jesus Nug danab ah kuɗum amelagppa Kayak dabmettaknu kobol danab haknu elele iitta kuɗum heum, amge ag nuhignu oolagppa genab ii dooppig.

Jon 12:41

Aisaia Jesusnu binag amahlak oppiaawak ele anttom amunu, nug Jesusnu aum.

Jon 14:13

Amu Mama Nug binag amahlak oppiaawak dahilppa aokkunu amu, ag aɗi keekenu da onilppa da oɗ meɗaglag amu, da hekkul.

Jon 16:27

Iitta! Mame Nug nukka ahilagnu oo mauhtte. Aɗinu? Ag dahilnu oolag mauhtte, amu ag ele da am Kayak toppanu uɗimi oolagppa genab dootteb.

Jon 16:30

Gemu amu ig doottem, na keeke oh doottem amunu, danab laa nug tatam na oɗ metteb, na dimppa nug nob medakkutnu iitta. Iitta. Na oɗmak amu matu doon malan, nob mekkutnu elele. Amuppa na Kayak toppanu uɗime amu, ig oonigppa genab doottem,” aon appig.

Jon 2:1

Aria deɗ aɗit uue, deɗ ewamppa, aab Galilinu aab Kana, appa danab laa ah aokkun heum. Jesus anig nug hobul amuppa danab amu laugppa dayom amu,

Jon 2:23

Amu Jesus Nug Jerusalem appa Pasowanu Hobul amuppa dayaya, Kayak dabmettaknu kobol danab haknu elele iitta kuɗum heehe, danab ag anidna, nuhignu oolagppa genab dooppig.

Jon 3:2

danab amu nug tuqan Jesus gumitta uɗia, Nug amegppa aum. “Ippunittak danab, ig doottem, na am ippunittak danab Kayak toppanu uɗime. Aɗinu? Kayak Nug danab laa ii ehanitteb amu, nug Kayak dabmettaknu kobol danab haknu elele iitta, na hettem ele amu, nug hekkunu elele iitta,” awa aum.

Jon 4:3

Ɗo gumak danab-Parasia ag nai amu doyeg, Jesus Nug amu doyom amunu, Nug Juda uua, eɗua Galili ukkom.

Jon 4:46

Aria Jesus Nug Galili appa oiyaya, aab Kana appa ukkom. Aab amuppa Nug anukka le he, eɗua wain beum. Appa dayeye, Kaperneam aabppa gabmannu ikki danab laa amu nug bekka oɗe ele dayom.

Jon 4:54

Jesus Nug Judanu Galili uɗia, Nug Kayak dabmettaknu kobol danab haknu elele iitta ebqak aɗit aakku heum.

Jon 6:14

Danab ag Jesus Kayak dabmettaknu kobol danab haknu elele iitta he anidppig ele amu ag appig. “Genab ig propet laa nug wan imuppa uɗikkunu nai doomut ele am iikku!” aon appig.

Jon 6:26

Anam aeg amu Jesus oɗelagppa awa aum. “Da genabnab genab ag amelagppa attem. Ag Kayak dabmettaknu kobol danab haknu elele iitta da hemi amu, ag amu anidppig, amge ag diig amunu da ii mattiɗna uɗippig. Iitta. Ag bret laeg, oolag dittiom amunuib uɗippig.

Jon 6:30

Jesus Nug anam aum amunu ag appig. “Na Kayak dabmettaknu kobol danab haknu elele iitta aɗi laa heppe, ig anidta, nahipnu oonigppa genab doognigte? Na amu laa attem hekkut?

Jon 7:31

Laala ag aɗaglagnu heppig, amge danab ah kuɗum nuhignu oolagppa genab doona, ag appig. “Danab imu Nug Kayak dabmettaknu kobol danab haknu elele iitta kuɗum hette, amu haen Kristus Nug uɗikku amu, Nug Kayak dabmettaknu kobol danab haknu elele iitta kuɗumnab, danab imu eɗittak hekkute? Iitta,” aon appig.

Jon 9:16

Danab nug anam a amu, ɗo gumak danab-Parasia laa ag Jesusnu appig. “Danab amuam Kayak toppanu ii uɗiom. Aɗinu? Nug ihinig Sabat deɗnu ɗo ii dim lamidtte,” aon appig, amge laa ag appig. “Attemun ha, danab hipunin ele Nug Kayak dabmettaknu kobol danab haknu elele iitta amubia anam hekku?” aon appig. Ag anam anana oppatna, ameg aɗit daappig.

2 Korint 3:18

Amu keeke laa ig iɗunig ii haut-tte, Naɗinu binag amahlak oppiaawak ele ihinigppa uɗiaya, aam ameg lettodppa ya gotte, ig nuhig binag amahlak oppiaawak ele amubia heta daattem amu, Naɗi Nug ig Nug bia daagnignu baolikkekke, ig nuhig binag amahlak oppiaawak ele tuɗid tuɗid aot daattem. Naɗi Nug am Ouɗi, amu Nug anam aakku hette.

2 Korint 4:17

Amu inam. Ihinigppa uug bette amuam nakokib; am haen tutu aakkuib daatte. Geha dimppa hab aabppa amu ig bau hanhan, ena dayak amu aognig. Hab aabppa bau ena dayak amuam ig beɗunignu uug nakok imu huanak eɗadtte.

Duteronomi 5:24

Ag uɗina appig. “Antte! Yawe, ihinig Kayak, Nug binag amahlak oppiaawak nuhig, Nug dagom onig ɠagattag ele, Nug amu ele ig ippunikkom; ig Nug baag aab dittiak ooppanabnu doomut. Gemu ig anidmut, Kayak Nug danab amelagppa nai mattiom me, ig ina bau daattem.

1 Jon 5:13

Da ag Kayak Bekka, ag nuhignu oolagppa genab dootteb amu, da ag bauklel hanhannu aoppig daatteb genab dooglagnu, da ahilagnu nai imu yaattem.