Jon 2:10 - Nobonob Baibel

¹⁰ Onigppa e uɗie amu, nug aum. “Danab oh ag wain ena tatam mattaeg laeg, dimppa danab ah ag wain amu nakok okkai laeg amu, ag wain nakok nau bia madatteb. Amge na wain ena hagakka awe dayom, geha iikku wain ena aon dome,” awa aum.

Jon 2:10 ပူးပေါင်းရင်းမြစ်များ

Genesis 43:34

Ag anam daaegeg amu, Josep nug awakkud oh anen anen ee nuhig balalppanu tappiɗ laippu ag noolagppa paniom, amge Benyamin nug nuhig tappiɗ tanig ele noobppa meum. Nug anam heum amunu, ag ee, le ele aon elelenab lappig.

Sam 104:15

Ee laa am muɗi grep meunu leppu, wain; wain amu he, danab nug gamag ahak dootte. Laa am olip ad meunu goɗen; danab ag aon beɗulag laaitteg ehanadtte. Laa am ee aeg bret haknu; ag ee aeg amu aon, bret hena lawona, ag ɠagattag aotteb.

Solomonnu Ahi 5:1

O ah dahil, na dahil ah daakkutnu awidmi. Da dahil dadppa iikku bemi; dad dahil imuppa amu, da keeke muttuɗig enanag mir, spais digdig ele aomi. Da ippa uppuh leppu ataɗa nette, uppuh leppu teɗppanu ele lainne; da wain, huh ele lami. O ig lainti, aa ee, le ele laiɗ! Ao, danab le elelenab lanana, elele dootte, amubia aa nug oo mauhak doottep ele, aa lapeɗ, eleleppa taɗ!

Matyu 24:49

nug digma, maɗi nid laa, maɗi ah laa ele makkuɗattatta, nug le ɠagattag laeg kaaka aqak danab ele ee lanana, le ele labeppeg,

Luk 12:45

Amge maɗi nid amu nug ooppa, ‘Danab okkai dahil nug paha ii uɗima,’ dabmekku dayeb, nug digma, maɗi nid laa, maɗi ah laa ele makkuɗattatta, nug ee lanana, le ɠagattag ele lana, kaaka qeeb, nuhig okkai nug haen deɗ ele, maɗi nid amu nug ii doyom, ii dabmeum ele, amuppa eɗua uɗikku. Uɗia amu, danab okkai nug maɗi nid amu eheɗnab hettowa, awa meeb, nug danab laala ag oolagppa genab ii dootteb, amu ele daaglag.

Luk 16:25

Awa a amu Abraham nug aum. ‘Nagppi, keeke laippu imu na dautppa dokku. Anukka haen na wanppa bau daanna, na keeke ena oh aome, amu Lasarus nug am keeke oh nau awom. Amge gemu aben imuppa nug am oo ena dayeye, ge na amu guittak nau doottem.

Aposel 2:15

Ag, ‘Danab imu wain laegeg, kaaka aqatte,’ atteb, amge danab imu ag anam ii hetteb. Iitta! Geha iikku am buttua 9 kilokib, ⌊amu ag dootteb, ig buttuanab wain ii lattem⌋.

1 Korint 11:21

Iitta! Ag oh akka akka ahilag ee akka latteb amunu, laa ee iitta ele daatte, nug enug dayeye, aria danab laa nug le ɠagattag huan lawowa kaaka qette.

Epesus 5:18

Danab nug wain lawowa kaaka qette amu, nug hipaɗu ahak kobol hette amunu, ag diig amunu wain lana, kaaka aib aqom. Iitta. Ag amu uuppeg, Kayak Ouɗi Nug ahilagppa ambak daya, ahilag oiyak oh gumaɗ!

1 Tesalonaika 5:7

Laa ag niitteb ele, ag tuqan niitteb, laa ag le ɠagattag huanak laeg kaaka aqatte ele amu, ag tuqan laegeg kaaka aqatte,

Revelesen 17:2

Wannu king ag nug ele ewau pakkua gappai hak kobolppa oippig. Wanppanu danab ag nuhig gappai kobolppa danab wain lawona kaaka aqadtte, amubia kaaka aqom,” awa aum.

Revelesen 17:6

Da ah amu nug Kayaknu danab ah oppiaawak ele, ag Jesusnu madippig amu, nug ag tiilag, le ɠagattag latteb bia la, kaaka qe dayom. Da anttena, da ottaie dabmak kuɗum aomi.