Jon 19:9 - Nobonob Baibel

⁹ nug eɗua lag ooppa noa, Jesus oɗ mettom. “Na am aab adeppanu uɗime?” oɗ metta aum, amge Jesus oɗeppa nakok laa ii awom.

Jon 19:9 ပူးပေါင်းရင်းမြစ်များ

Aisaia 53:7

Laa ag nug eheɗ hettan, guittak medappig, amge nug nai laa ii mattiom. Ao, danab nug sipsip qekkunu omala, qaaknu abenppa ugekke, sipsip ii gaatte amu, amubia nug eheɗ ag nuhigppa heppignu nai laa ii mattiom. Ge, danab nug sipsip nag uɗig otaɗeɗe, sipsip nug ii gaatte, amubia ag nuhignu nau heppignu oɗe qamuta, toetta dayom.

Matyu 26:63

Nug anam aum, amge Jesus Nug nai nakok laa ii mattiom. Aria, baula mana mettak ikki danab Nug amegppa aum. “Da Kayak bauklel onigppa da na amenppa attem. Na nai genab tutukku a! Na genab Kristus, Kayak Bekkate o iitta?” awa aum.

Matyu 27:27

Aria, gawananu ban danab ag Jesus aon, aben onig Pretorium, appa noppig. Nona heeg amu, ban danab ameg amu laa oh ele uɗin qagmena, Jesus talilidna daappig.

Luk 23:9

Amunu Herot nug keeke kuɗumnu Jesus oɗ mettom, amge Jesus Nug oɗmak amu oh eɗua nob laa ii meum.

Jon 18:28

Matuk gaye amu buttuanab ag Jesus Kaiapas toppanu aona, gawananu lag enanagnabppa goppig, amge ag akka ag gawana laug ooppa ii noppig. Iitta. Ag Pasowanu Hobulnu ee lakkulagnu oolag he, ag oolagppa, “Gawana imu nug Juda iitta, ihinig ɗoppa ig nug laug ooppa gokkunig dayeb, ig Kayak ele ouqa dayaknu elele iitta daagnig. Ig anam daatta amu, ig Pasowanu Hobulnu ee ele lakkunignu elele iitta daagnig amunu, ig lag ooppa ii gomata,” anana, lag ooppa ii goppig.

Jon 18:33

Anam aeg am Pailat nug eɗua laugppa noa he, Jesus nug toppa do, nug Jesus oɗ mettom. “Na Juda dilag kingte?” awa oɗ mettom.

Jon 18:34

Pailat anam oɗ mette amu, Jesus Nug Pailat oɗ mettom. “Na nakka nai amu attemte, o iitta laa ag na amenppa dahilnu appigte?” awa oɗ mettom.

Jon 18:37

Jesus anam a amu, Pailat nug Jesus amegppa aum. “Na anam attem amunu, na aakku king daattem,” awa aum. Nug anam a amu, Jesus Nug aum. “Na dahilnu, ‘Na am king daattem,’ mattina attem amu na tutukku attem. Da anil nug da doyak diig genabib mehuqeqe oikkulnu menuiɗom. Ge, diig amunu da wanppa uɗimi. Laa oh ag doyak diig genabib dim lamidtteb amu, ag dahil nai dootteb,” awa aum.

Jon 19:10

Oɗeppa ii awe amu Pailat nug aum. “Attemun? Na dahil nai imu nob iite mekkut? Da na ad emaitakppa atulidkkulnu akkul dayeb amu, ag atulidkkulag, o iitta da uhuqidkkulnu akkul dayeb amu, ag uhuqidkkulag. Na amu iite doottem?” awa aum.

Jon 19:8

Ag anam aeg, Pailat doya, nug huanak baɗa,

Jon 8:14

Aon aeg am Jesus Nug aum. “Am genab, da dahil nai madittem, amge dahilnu nai amu genab. Aɗinu? Da adeppanu uɗimi amu, da doottem, amu da eɗue gokkulnu amu, da amu ele doottem. Amge ag da adeppanu uɗimi, adeppa eɗue gokkul amu, ag ii dootteb.

Pilipai 1:28

Amu Kayak Nug ag Kristusnu oolagppa genab dooglagnu ehah mattom, amge Nug ag Kristusnu oolagppa genab dooglagnu ehah amu aakkuib ii mattom. Iitta. Ag Nug onignu uug maoglagnu ele ehah mattom amunu, kekeɗ ahilkad dilagnu aib baɗappig. Ag ii baɗaglag amu, amuppa kekeɗ ahilag ag geha padal mekkulagnu doonna, Kayak Nug nukka ag Pilipai daatteb, Nug geha ag eɗua diiadkku ele dooglag.

Ikki Danab 13:6

Engel nug anam a amu, ah nug ukka, gamu amegppa aum. “Kayaknu danab laa da gumiɗa neum! Nug am Kayaknu engel laa bia. Da nug anitti, ebehil oh bodoetta le meum. Nug am adeppanu amu, da oɗ ii mettami, nug onig ele da amelppa ii aum,