Jon 19:22 - Nobonob Baibel

²² Ag anam appig, amge Pailat nug ag amelagppa aum. “Da aɗi yaami amu, da aakku yaami,” awa aum.

Jon 19:22 ပူးပေါင်းရင်းမြစ်များ

Genesis 43:14

Nug anam ana amu, nug nai tuɗitta aum. “Kayak inam hekkunu amu, da ool daatte. Ag gona, danab amu noobppa teppeg, Kayak Nukka Ɠagattag Oh Ele Nug ag ehanatteb, danab amu nug ahilagnu oo gai-iitta doya oo matta ehanatta heeb, Simeon, Benyamin ele aa, ag ele eɗun uɗiglag. Da ib laa iitta amunu, oo guittak beeb amu, da anamib daakkul,” awa aum.

Esta 4:16

“Gona, Juda danab ah Susanu oh da ehaniɗkkulagnu diin qagmaadppe, ag ee lamananu, ee ohnu kud mena dayeg! Ag tuqan, amun ele deɗ ewam ee, le ele ohnu anam kud mena dayeg! Da, amu dahilad ehanittak ah ele, ig ele anamib hekkunig. Ig oh anam dayota, ɗo am laa nug hamu ukka, king anidkkunu aib atte me, geha da ukke, king anidkkul. Da mauhkkul dayeb amu, da mauhkkul. Am nai iitta.” Esta nug nai amu me, Mordekai dookkunu ukkom.

Sam 65:7

Amu na aakkuib hee, yu duban qa, koɗkoɗ qette amu, manin niitte; amu wan anen anen danab dilag ban hak amu, naib hee, iitta mette.

Sam 76:10

Danab ah ag nahip oppoɗi bak eheɗ haknu anidtteb amu, ag na onin humidtteb. Ao, laa ag nahip oppoɗi bak anidna dootteb ele amu, ag nau haknu uutteb.

Prowerb 8:29

Haen Nug yu tom metta, yu nug tom ii eɗidmanu aum amu, da Nug ele daamuɗ. Ao, haen Nug wan ukku babaittatta dayom amu, da Nug ele daamuɗ.

Jon 19:12

Pailat nai amu doya, Nug Jesus uhuqkkunu heum, amge Juda okkai ag enan appig. “Na danab amu uhuqppe gokku dayeb amu, na Sisar layag iitta! Danab laa nug nukka nuhig, ‘Da am king,’ atte, nug am Sisarnu kekeɗ,” aon appig.