Jon 19:17 - Nobonob Baibel

¹⁷ Pailat Jesus ag eppelagppa me, ban danab ag aoeg, Jesus nukka ad emaitak mawewe, aben laa onig Ikki Ebehinu Aben, appa goppig. Hibru naippa ag aben amunu Golgata aon atteb.

Jon 19:17 ပူးပေါင်းရင်းမြစ်များ

Genesis 22:6

Abraham anam ana amu, nug aab ehaglak, manaknu ofa haknu amu, nug aab amu Aisak mette mawe, nug qep, aab aɗu ele aɗe goyaya,

1 King 21:13

Meeg dayeye amu, ⌊ag⌋ danab nau aɗit ⌊aeg dooya,⌋ Nabot dayom gukkuidya goya, heɗep neya daayya, aa danab ah oh daaegeg noolagppa daayya, aa Nabot nug Kayak, amu king ele aa eheɗ laa awaknu anak waappa daaglahnu aum apiɗ. Ayaya, Nabot beɗuppa yaapiɗ. Amu danab ah nai amu doon, ag ahan, Nabot aɗan, aon aab okkai dimittim gona, menppa makkuɗeg mauhom.

Lewitikas 24:14

“Laa nug dahilnu dabittak nai aum amu, ag nug aon, haen tutu dayaknu aab kalak dimittim gona appeg, aun aɗi ag nug nai aawo dooppig ele amu, ag eppelag igippa meppeg, tamaniak oh ag nug menppa oppeg mauhaɗ!

Matyu 10:38

Laa ele, danab nug nuhig ad emaitak awa, da dim ii lamiɗtte, nug da layal iitta.

Matyu 16:24

Haen amuppa Jesus Nug nuhikkud ippunittak awak danab amelagppa aum. “Laa nug da dim lamiɗkkunu oo dayeb amu, nug nuhig dabmak dim lamidkkunu dab-iinab-mema. Iitta. Nug nuhig ad emaitak mawa, da dim lamiɗaɗ!

Matyu 27:37

Amu haen Rom danab ag danab ad emaitakppa atuladttappig ele, ag aɗi nai ag beɗulagppa yaappig ele, danab ag amu anidkkulagnu, ag ad mahappa yaana, ad emaitakppa atulppig. Aria, Jesusnu amu, ag Nug igippa ad emaitakppa, ag nai imu yaan atulppig. “Imu Jesus, Nug Juda dilag king.”

Mak 10:21

Awa a amu Jesus Nug danab amunu dabmak awa, nuhignu oo mauhe amu nug amegppa aum. “Keeke laippunu amuppaib na elele iitta. Na gona, na enun oh meppe, danab laala daden meppeg, na men doɗo amu oh aon, daɗek danab mattona, na hab attan enun okkai ele daakkut. Na anam hewona amu, na eɗun dona, da dim lamiɗe!” awa aum.

Mak 15:26

Rom danab ag danab ad emaitakppa atuladttappig ele amu, ag aɗi nai ag beɗulagppa yaappig ele, danab ag amu anidkkulagnu, ag ad mahappa yaana, ad emaitakppa atulppig. Aria, Jesusnu amu, ag Nug igippa ad emaitakppa, ag nai imu ad mahappa yaan atulppig. “Imu am Juda dilag king.”

Mak 15:32

Nug am Kristus, Israel dilag kingde! Nug ad emaitak uua, honap neeb, ig anitta, ig nuhignu oonigppa genab doognig,” aon appig. Ag anam aegeg amu danab aɗit ag aa Jesus ele atuladppig amu, aa ele Jesus amegppa awa awa qettak nai madipiɗ.

Mak 8:34

Anam ana amu, Nug danab ah, amu nuhikkud ippunittak awak danab ele ag onilagppa e uɗieg, Nug amelagppa aum. “Laa nug da dim lamiɗkkunu oo dayeb amu, nug nuhig dabmak dim lamidkkunu dab-iinab-mema. Iitta! Nug nuhig ad emaitak amu mawa, da dim lamiɗaɗ!

Luk 14:27

Danab nug nukka nuhig ad emaitak mawa, da dim ii lamiɗtte, nug am dahil ippunittak awak danab daakkunu elele iitta.

Luk 23:26

Pailat nug Jesus daup eppelagppa me, daup ag Jesus aon gonana, ibppa ag Sairini ted onig Saimon anidppig. Nug aab okkai dimittimnu uɗia, aab okkai ooppa nokkunu doodo, ag nug aɗan, ad emaitak aon, nug gugappa mena duttunna heeg, nug mawa Jesus dim lamitta ukkom.

Luk 23:33

Ag gona, aben laa onig Ikki Ebehinu Aben, appa tena, appa Jesus ad emaitakppa atulppig. Ɗo tippalak danab aɗit, aa ele oh atuladppig. Ag danab laa Jesus eppeg naɗiap-ppa atulona, laa amu eppeg nanehppa atulppig.

Luk 23:38

Amu nuhignu nai laa inam aon yaana, ad emaitak igippa atulppig. “Danab imu nug amu Juda dilag king.”

Luk 9:23

Anam ana amu Nug nuhikkud ippunittak awak danab oh amelagppa aum. “Laa nug da dim lamiɗkkunu oo dayeb amu, nug nuhig dabmak dim lamidkkunu dab-iinab-mema, nug nuhig ad emaitak deɗ oh mawa, da dim lamiɗaɗ!

Jon 19:13

Pailat nug nai anam doya, nug Jesus omala dimittim doa, hettoɗiak aben onig Men Duqappig, appa epeɗiaknu balalppa dayom. Men duqak amunu ag Hibru naippa, Gabata, aon adappig.

Jon 5:2

Jerusalem aab aɗubnu od laa onig Sipsip Dilag Od, od amu guguittak amu le ameg laa dayom. Aram dilag naippa amu ag, “Betsaida,” aon atteb. Le amu agappa danab daaglagnu ag ulah lag tanig ele, geɗiak iitta heppig.

Aposel 7:58

Ag aɗan, aon aab okkai amu dimittim eeɗna gona, ag digmena, menppa nug makkuɗppig. Tatam danab ag nug beɗuppa nai yaappig ele amu, ag ahilag ulahnu lamen uɗan, nid bau laa gumakkunu medappig. Nid amu onig Saul.