Jon 19:13 - Nobonob Baibel

¹³ Pailat nug nai anam doya, nug Jesus omala dimittim doa, hettoɗiak aben onig Men Duqappig, appa epeɗiaknu balalppa dayom. Men duqak amunu ag Hibru naippa, Gabata, aon adappig.

Jon 19:13 ပူးပေါင်းရင်းမြစ်များ

Prowerb 29:25

Danab dilagnu baɗittak am pelem bia daatte; amge aun nug Yawenu ooppa genab dootte, nug eleleib daakku.

Eklisiastis 5:8

Na daɗek laa ag okkai laa waappa, eheɗ hattak maonna, hettoɗiak abenppa maatteg daaegeg, appan danab ag nai doya mala hettoɗia epeɗia elele mettak kobol ii dim lamidna hetteb anidkkut dayeb, na ⌊ena aib doome, amge na ele⌋ aib ottaime. ⌊Am kobol nau, amge danab okkai kuɗum ag amu hetteb.⌋ Aɗinu? Epeɗiak danab nakok okkainu ehanittak anuqak danab, ag epeɗiak danab okkainu ehanittak anuqak danab oɗelag dim lamidkkulagoitte; amu okkai amunu ag laa okkainab oɗelag dim lamidkkulagoitte amunu, kobol amu bette.

Aisaia 57:11

Amu ag auntai laa eheɗ baɗidppig amunu, ag da dimeɗan, dahilnu daulag atie, ag dahilnu dabmak ele ii aoppig? Ag eheɗ heegeg, haen elabnab uɗie, da bu ag paha ii mattami amunutai, ag bu mettak dahilnu ag ii baɗatteb?

Jeremaia 38:19

Jeremaia nug Sedekaia amegppa anam a, King Sedekaia nug eɗua nug amegppa aum. “Amge Juda laala ag akka ag gona, ag beɗulag Babilon eppelagppa meppig daatteb amu, Babilon ag da ag eppelagppa meiɗkkulag dayeb, ag da eheɗ heiɗkkulagnu baɗattem,” awa aum

Amos 4:7

Yawe Nug anam ana amu, Nug ele atte. “Wit, bali keeke meu awak haen nakok miag doob, kalam ewam uueb, meu oɗueb aolob amu, haen amuppa da hei, gu pehettak ii neum. Da hei, gu aab laappaib ne, aab laappa ii neum. Ao, gu dad okkai laappa ne, dad okkai laappa ii neum amunu, dad okkai laa gu ii neum ele amu, keeke qaɗaiettom.

Matyu 27:19

Pailat nug anam oɗ matta, nug hettoɗiak abenppa dayeye, nug wau nai inam me uɗiom. “Danab beɗuppa aab iitta amunu amu, na nuhigppa keeke laa aib heme. Da gemu nuhignu tul niimi, amu da uug, guittak ele huanak doomi,” awa aum.

Luk 12:5

Amge ag aun baɗidkkulagnu amu, da ag ippunadkkul. Laa nug danab qeeb mauheb, buɗieb padal mak abenppa gokkunu ɠagattag ele amu, ag nuhignu baɗeg! Ao, da ag amelagppa attem, ag nuhignu baɗeg!

Jon 19:17

Pailat Jesus ag eppelagppa me, ban danab ag aoeg, Jesus nukka ad emaitak mawewe, aben laa onig Ikki Ebehinu Aben, appa goppig. Hibru naippa ag aben amunu Golgata aon atteb.

Jon 19:20

Nug nai amu Hibru naippa, Laten naippa, Grik naippa ele yom. Aria, aben ag Jesus ad emaitakppa atulppig ele, amuam aab okkai guguittak amunu Juda danab kuɗum ag nai amu ebqeppig.

Jon 19:8

Ag anam aeg, Pailat doya, nug huanak baɗa,

Jon 5:2

Jerusalem aab aɗubnu od laa onig Sipsip Dilag Od, od amu guguittak amu le ameg laa dayom. Aram dilag naippa amu ag, “Betsaida,” aon atteb. Le amu agappa danab daaglagnu ag ulah lag tanig ele, geɗiak iitta heppig.

Aposel 4:19

Ag amelahppa anam appig, amge Pita, Jon ele aa apiɗ. “I Kayak nai imu uuɗa, ahilag nai dim lamidkkunih dayeb amu, Kayak Nug keeke amunu ena awa akkute? Ag tutukku anidna dabmak aweg!” aoya apiɗ.